ನಾಲ್ಕು ನಿಮಿಷಕ್ಕಾಗಿ ಧ್ರುವ ಸರ್ಜಾ ತೆಗೆದುಕೊಂಡು ರಿಸ್ಕ್ ತುಂಬಾ ದೊಡ್ಡದು

ನಾಲ್ಕು ನಿಮಿಷಕ್ಕೆ 30 ಕೆ ಜಿ

'ಪೂಗರು' ಸಿನಿಮಾದಲ್ಲಿ ಧ್ರುವ ಸರ್ಜಾ ಶಾಲೆಗೆ ಹೋಗುವ ಹುಡುಗನಾಗಿ ಕಾಣಿಸಿಕೊಳ್ಳುತ್ತಾರೆ, ಅದಕ್ಕಾಗಿ ತೂಕ ಇಳಿಸಿಕೊಂಡಿದ್ದಾರೆ ಅನ್ನೋ ವಿಚಾರ ಎಲ್ಲರಿಗೂ ತಿಳಿದಿದೆ. ಇದಕ್ಕಾಗಿ ಧ್ರುವ ತೆಗೆದುಕೊಂಡಿರೋ ರಿಸ್ಕ್ ತುಂಬಾ ದೊಡ್ಡದು. ನಾಲ್ಕು ನಿಮಿಷ ಬಂದು ಹೋಗುವ ಪಾತ್ರಕ್ಕಾಗಿ ಮೂವತ್ತು ಕೆ ಜಿ ಇಳಿಸಿಕೊಂಡಿದ್ದಾರೆ.

ಹ್ಯಾಟ್ರಿಕ್ ಆಕ್ಷನ್ ಪ್ರಿನ್ಸ್ ಹೊಸ ಲುಕ್

ಧ್ರುವ ಸರ್ಜಾ ಅವರ ಫಿಟ್ನೆಸ್ ಮತ್ತು ಅವರ ಬಾಡಿ ಬಿಲ್ಡಿಂಗ್ ನೋಡಿ ಅದೆಷ್ಟೋ ಅಭಿಮಾನಿಗಳು ಹುಟ್ಟುಕೊಂಡಿದ್ದರು. ಆದರೆ ಧ್ರುವ 'ಪೂಗರು' ಸಿನಿಮಾಗಾಗಿ ತೂಕ ಇಳಿಸಿಕೊಂಡಿರುವುದು ಕೆಲವು ಫ್ಯಾನ್ಸ್ ಗಳಿಗೆ ಇಷ್ಟವಾಗಿಲ್ಲ. ಸಿನಿಮಾ ಪೂರ್ತಿ ಹೀಗೆ ಇದ್ದರೆ ಹೇಗೆ ಎಂದು ಕೇಳುತ್ತಿದ್ದವರಿಗೆ ಸಿಹಿ ಸುದ್ದಿ ಇದೆ. ಧ್ರುವ ಸರ್ಜಾ ಪೂಗರು ಸಿನಿಮಾದಲ್ಲಿ ಬೇರೆಯದ್ದೇ ಲುಕ್ ನಲ್ಲಿ ಎಂಟ್ರಿ ಕೊಡುತ್ತಾರೆ.

ಮೂರು ಚಿತ್ರಗಳು ನೂರು ದಿನ

ಧ್ರುವ ಸರ್ಜಾ ಅಭಿನಯದ 'ಅದ್ದೂರಿ', 'ಬಹದ್ದೂರ್' ಎರಡು ಸಿನಿಮಾಗಳು ನೂರು ದಿನ ಪೂರೈಸಿವೆ. ಈಗ 'ಭರ್ಜರಿ' ಚಿತ್ರ ಕೂಡ ಶತದಿನೋತ್ಸವದ ಸಂಭ್ರಮ ಆಚರಣೆ ಮಾಡುತ್ತಿದೆ. ಧ್ರುವ ಅಭಿನಯಿಸಿದ ಚಿತ್ರಗಳು ನಿರ್ಮಾಪಕರ ಪಾಲಿಗೆ ಚಿನ್ನ ಅನ್ನೋದು ಸಾಬೀತಾಗಿದೆ.

ಸಾಲು ಸಾಲು ಸಿನಿಮಾಗಳಿಗೆ ಬೇಡಿಕೆ

ಧ್ರುವ ಸರ್ಜಾ ಸದ್ಯ ಕನ್ನಡ ಸಿನಿಮಾರಂಗದಲ್ಲಿ ಬಹು ಬೇಡಿಕೆಯ ನಟ, ನಂದಕಿಶೋರ್ ನಿರ್ದೆಶನದ ಚಿತ್ರ ಆದ ನಂತರ 'ಉದಯ್ ಕೆ ಮೆಹ್ತಾ' ನಿರ್ಮಾಣದ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಆದಾದ ಮೇಲೆ 'ಜಯಣ್ಣ' , 'ಸಿ ಆರ್ ಮನೋಹರ್' ಹಾಗೂ 'ವಿಜಯ ಕಿರಗಂದೂರು' ನಿರ್ಮಾಣದ ಸಿನಿಮಾಗಳಲ್ಲಿ ಧ್ರುವ ಬ್ಯುಸಿ ಆಗಲಿದ್ದಾರೆ.