'ಹ್ಯಾಟ್ರಿಕ್ ಹೀರೋ' ಬಿರುದು ಶಿವಣ್ಣನಿಗೆ ಮಾತ್ರ ಸೀಮಿತ.!

ಕನ್ನಡಕ್ಕೆ ಒಬ್ರೆ 'ಹ್ಯಾಟ್ರಿಕ್ ಹೀರೋ'

ಸ್ಯಾಂಡಲ್ ವುಡ್ ನಲ್ಲಿ ಈಗಾಗಲೇ ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್ ಅವರನ್ನ 'ಹ್ಯಾಟ್ರಿಕ್ ಹೀರೋ' ಎಂದು ಕರೆಯಲಾಗುತ್ತಿದೆ. ಆದ್ರೀಗ, ಸತತ ಮೂರು ಹಿಟ್ ಸಿನಿಮಾಗಳನ್ನ ನೀಡಿರುವ ಧ್ರುವ ಸರ್ಜಾ ಅವರನ್ನ ಕೂಡ ಅವರ ಅಭಿಮಾನಿಗಳು 'ಹ್ಯಾಟ್ರಿಕ್ ಹೀರೋ' ಎಂದು ಸಂಬೋಧಿಸುತ್ತಿದ್ದಾರೆ. ಇದನ್ನ ಧ್ರುವ ನಿರಾಕರಿಸಿದ್ದಾರೆ.

ಆ ಬಿರುದು ಶಿವಣ್ಣನಿಗೆ ಮೀಸಲು

ಕನ್ನಡಕ್ಕೆ ಒಬ್ರೆ 'ಹ್ಯಾಟ್ರಿಕ್ ಹೀರೋ' ಅದು, ಡಾ ಶಿವರಾಜ್ ಕುಮಾರ್ ಮಾತ್ರ ಎಂದು ಸ್ವತಃ 'ಭರ್ಜರಿ' ನಟ ಧ್ರುವ ಸರ್ಜಾ ಅವರು ಹೇಳಿದ್ದಾರೆ. ಭರ್ಜರಿ ಚಿತ್ರದ ಸಕ್ಸಸ್ ಮೀಟ್ ನಲ್ಲಿ ಧ್ರುವ ಅವರ ಧ್ವನಿಯಾಗಿ, ನಿರ್ದೇಶಕ ಚೇತನ್ ಕುಮಾರ್ ಈ ಬಗ್ಗೆ ಹೇಳಿದ್ರು.

'ಹ್ಯಾಟ್ರಿಕ್ ಆಕ್ಷನ್ ಪ್ರಿನ್ಸ್' ಧ್ರುವ

'ಹ್ಯಾಟ್ರಿಕ್ ಹೀರೋ' ಎಂದು ಶಿವರಾಜ್ ಕುಮಾರ್ ಅವರನ್ನ ಕರೆಯಿರಿ. ನನ್ನನ್ನ ಬೇಕಾದ್ರೆ, 'ಹ್ಯಾಟ್ರಿಕ್ ಆಕ್ಷನ್ ಪ್ರಿನ್ಸ್' ಎಂದು ಕರೆಯಬಹುದು ಎಂದು ತಮ್ಮ ಅಭಿಮಾನಿಗಳಿಗೆ ತಿಳಿಸಿದರು.

ನಾಲ್ಕನೇ ಸಿನಿಮಾ 'ಪೊಗರು'

ಮೂರು ಸ್ವಮೇಕ್ ಚಿತ್ರಗಳ ಮೂಲಕ ಅಭಿಮಾನಿಗಳನ್ನ ರಂಜಿಸಿದ ಧ್ರುವ ಸರ್ಜಾ, ಈಗ ನಾಲ್ಕನೇ ಚಿತ್ರವನ್ನ ಕೈಗೆತ್ತಿಕೊಂಡಿದ್ದಾರೆ. ಈ ಚಿತ್ರದ ಹೆಸರು 'ಪೊಗರು'. ನಿರ್ದೇಶಕ ನಂದಕಿಶೋರ್ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.