ಮುಖಪುಟ

ಸಿನಿ ಸಮಾಚಾರ

2020ರಲ್ಲಿ ತೆರೆಕಂಡ ಚಿತ್ರಗಳ ಪೈಕಿ 'ದಿಯಾ' ಮತ್ತು 'ಲವ್‌ ಮಾಕ್ಟೈಲ್' ಪ್ರೇಕ್ಷಕರಿಂದ ಭೇಷ್ ಎನಿಸಿಕೊಂಡಿತ್ತು. ಪಕ್ಕಾ ಲವ್ ಸ್ಟೋರಿ ಕಥೆಗಳನ್ನು ಹೊಂದಿದ್ದ ಈ ಚಿತ್ರಗಳಲ್ಲಿ ಹ್ಯಾಪಿ ಎಂಡಿಂಗ್ ಇರಲಿಲ್ಲ. ಹಾಗಾಗಿ, ಚಿತ್ರಪ್ರೇಮಿಗಳು ಕೊಂಚ ನಿರಾಸೆಯಾಗಿದ್ದು ಉಂಟು.

ಇದೀಗ, ದಿಯಾ ಸಿನಿಮಾ ರಿ ರಿಲೀಸ್ ಆಗುತ್ತಿದೆ. ಇಂದಿನಿಂದ ಚಿತ್ರಮಂದಿರಗಳನ್ನು ತೆರೆಯಲು ಅವಕಾಶ ಕೊಟ್ಟಿರುವ ಹಿನ್ನೆಲೆ ಹಿಟ್ ಚಿತ್ರಗಳನ್ನು ಮತ್ತೆ ಬಿಡುಗಡೆ ಮಾಡಲು ನಿರ್ಮಾಪಕರು ನಿರ್ಧರಿಸಿದ್ದಾರೆ. ದಿಯಾ ಸಿನಿಮಾ ಅಕ್ಟೋಬರ್ 23 ರಂದು ಪುನಃ ಥಿಯೇಟರ್‌ಗೆ ಬರ್ತಿದೆ.

'ದಿಯಾ' ಚಿತ್ರಕ್ಕೆ ಆನ್ ಲೈನ್ ನಲ್ಲಿ ಮುಗಿಬಿದ್ದ ಜನ: ರಿ-ರಿಲೀಸ್ ಮಾಡುವಂತೆ ಪ್ರೇಕ್ಷಕರ ಮನವಿ

ಆದರೆ, ಈ ಸಲ ಸರ್ಪ್ರೈಸ್ ಜೊತೆ ದಿಯಾ ಬಿಡುಗಡೆಯಾಗುತ್ತಿದೆ. ದಿಯಾ ಕ್ಲೈಮ್ಯಾಕ್ಸ್ ಬಗ್ಗೆ ನಿರಾಸೆಯಾಗಿದ್ದ ಪ್ರೇಕ್ಷಕರಿಗಾಗಿ ಮತ್ತೆ ಕ್ಲೈಮ್ಯಾಕ್ಸ್ ಶೂಟ್ ಮಾಡಲಾಗುತ್ತಿದೆ. ಕ್ಲೈಮ್ಯಾಕ್ಸ್ ಬದಲಾಯಿಸಿದ್ದು, ಹೊಸ ಟ್ವಿಸ್ಟ್ ಸೇರಿಸಲಾಗಿದೆ. ಅದೇನು ಎಂಬುದನ್ನು ಚಿತ್ರಮಂದಿರಲ್ಲಿ ನೋಡಬೇಕು.

ಈ ಹಿಂದೆ ದಿಯಾ ಸಿನಿಮಾ ನೋಡಿದವರು ಆದಿ ಮತ್ತು ದಿಯಾ ಇಬ್ಬರು ಕ್ಲೈಮ್ಯಾಕ್ಸ್‌ನಲ್ಲಿ ಒಂದಾಗಬಹುದು ಎಂದು ನಿರೀಕ್ಷಿಸಿದ್ದರು. ಆದರೆ, ಸಿನಿಮಾ ಕೊನೆಯಲ್ಲಿ ಅದು ಆಗಿರಲಿಲ್ಲ. ರೈಲಿಗೆ ಸಿಕ್ಕಿ ಆದಿ ಸಾಯುತ್ತಾನೆ. ಹೊಸದಾಗಿ ರಿಲೀಸ್ ಆಗುವ ಚಿತ್ರದಲ್ಲಿ ಅದೇನ್ ಟ್ವಿಸ್ಟ್ ಕೊಡ್ತಾರೋ ಕುತೂಹಲ ಹುಟ್ಟುಹಾಕಿದೆ.

Recommended Video

ಇನ್ನುಳಿದಂತೆ ಅಶೋಕ್ ಈ ಚಿತ್ರ ನಿರ್ದೇಶಿಸಿದ್ದರು. ಖುಷಿ ರವಿ ದಿಯಾ ಪಾತ್ರದಲ್ಲಿ ನಟಿಸಿದ್ದರು. ಪೃಥ್ವಿ ಅಂಬಾರ್ ಆದಿಯಾಗಿ ಕಾಣಿಸಿಕೊಂಡಿದ್ದರು. ದೀಕ್ಷೀತ್ ಶೆಟ್ಟಿ ರೋಹಿತ್ ಆಗಿ ಬಣ್ಣ ಹಚ್ಚಿದ್ದರು. ಫೆಬ್ರವರಿ 7 ರಂದು ದಿಯಾ ಸಿನಿಮಾ ಮೊದಲ ಬಾರಿಗೆ ಬಿಡುಗಡೆಯಾಗಿತ್ತು.