ಪುನೀತ್ ಆ ಚಿತ್ರಕ್ಕೂ 'ಲೈಗರ್'ಗೂ ಇದ್ಯಾ ಲಿಂಕ್? ಸೀನ್ To ಸೀನ್ ಪಕ್ಕಾ ಅದೇನಾ?

'ಸಾಲಾ ಕ್ರಾಸ್‌ ಬ್ರೀಡ್' ಅನ್ನೋದರ ಅರ್ಥವೇನು?

ಪೂರಿ ಜಗನ್ನಾಥ್ 'ಲೈಗರ್' ಚಿತ್ರಕ್ಕೆ 'ಸಾಲಾ ಕ್ರಾಸ್‌ ಬ್ರೀಡ್' ಅನ್ನುವ ಟ್ಯಾಗ್‌ಲೈನ್ ಕೊಟ್ಟಿದ್ದಾರೆ. ಚಿತ್ರದಲ್ಲಿ ವಿಜಯ್ ದೇವರಕೊಂಡ ತಾಯಿಯಾಗಿ ರಮ್ಯಾಕೃಷ್ಣ ನಟಿಸಿದ್ದು, ತಂದೆಯಾಗಿ ಮೈಕ್ ಟೈಸನ್ ನಟಿಸಿರುವಂತೆ ಕಾಣುತ್ತಿದೆ. ಕ್ರಾಸ್ ಬ್ರೀಡ್ ಅಂದರೆ ಇಂಡಿಯನ್ ತಾಯಿಗೂ ಫಾರಿನ್ ತಂದೆಗೂ ಹುಟ್ಟಿದ ಮಗನ ಕಥೆನಾ ಅನ್ನೋದು ಸಿನಿಮಾ ರಿಲೀಸ್ ಆದಮೇಲೆ ಗೊತ್ತಾಗಲಿದೆ.

ಎರಡೂ ಸಿನಿಮಾಗಳಲ್ಲಿ ಕಿಕ್ ಬಾಕ್ಸರ್ ಕಥೆ

ತಂದೆ ಮೈಕ್ ಟೈಸನ್ ಹಾದಿಯಲ್ಲಿ ಇಂಟರ್‌ನ್ಯಾಷನಲ್ ಬಾಕ್ಸಿಂಗ್ ಚಾಂಪಿಯನ್‌ಷಿಪ್ ವಿಜೇತನಾಗುವ 'ಲೈಗರ್' ಕಥೆ ಇದು ಅನ್ನಿಸ್ತಿದೆ. 'ಮೌರ್ಯ' ಚಿತ್ರದಲ್ಲಿ ದೇವರಾಜ್ ಬಾಕ್ಸಿಂಗ್‌ಗಾಗಿ ಪತ್ನಿ ರೋಜಾನ ಬಿಟ್ಟು ಹೋಗುತ್ತಾರೆ. ಇತ್ತ 'ಲೈಗರ್' ಚಿತ್ರದಲ್ಲೂ ರಮ್ಯಾ ಕೃಷ್ಣ ಗಂಡನಿಲ್ಲದೇ ಒಂಟಿಯಾಗಿ ಕಾಣಿಸಿಕೊಂಡಿದ್ದಾರೆ. ಹಾಗಾಗಿ ಚಿತ್ರದಲ್ಲಿ ಮೈಕ್ ಟೈಸನ್- ರಮ್ಯಾಕೃಷ್ಣ ಗಂಡ-ಹೆಂಡತಿನಾ? ಅನ್ನೋ ಅನುಮಾನ ಮೂಡಿದೆ.

ತಮ್ಮದೇ ಸಿನಿಮಾ ಕಥೆ ಕದ್ರಾ ಪೂರಿ?

ಅಸಲಿಗೆ 'ಮೌರ್ಯ' ಪೂರಿ ಜಗನ್ನಾಥ್ ನಿರ್ದೇಶನದ ತೆಲುಗಿನ 'ಅಮ್ಮ ನಾನ್ನ ಓ ತಮಿಳ್ ಅಮ್ಮಾಯಿ' ಸಿನಿಮಾ ರೀಮೇಕ್ ಆಗಿತ್ತು. ರವಿತೇಜಾ, ಆಸಿನ್, ಜಯಸುಧಾ, ಪ್ರಕಾಶ್ ರಾಜ್ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದರು. 2003ರಲ್ಲಿ ರಿಲೀಸ್ ಆಗಿ ಸೂಪರ್ ಹಿಟ್ ಆಗಿದ್ದ ಈ ಸಿನಿಮಾ ಕಥೆಯನ್ನು ಕಲಾಸಾಮ್ರಾಟ್ ಎಸ್. ನಾರಾಯಣ್ ಕನ್ನಡಕ್ಕೆ ತಂದಿದ್ದರು. ಹಾಗಾಗಿ ತಮ್ಮದೇ ಸಿನಿಮಾ ಕಥೆಯನ್ನು ಕೊಂಚ ಅಪ್‌ಡೇಟ್ ಮಾಡಿ ಪೂರಿ ಜಗನ್ನಾಥ್ ಪ್ಯಾನ್ ಇಂಡಿಯಾ ಲೆವೆಲ್‌ನಲ್ಲಿ ರಿಲೀಸ್ ಮಾಡಲು ಮುಂದಾಗಿರುವಂತೆ ಕಾಣುತ್ತಿದೆ.

ಗಾಸಿಪ್ ಬಗ್ಗೆ ಮೌನ ಮುರಿದ ಪೂರಿ ಜಗನ್ನಾಥ್

'ಲೈಗರ್' ಸಿನಿಮಾ ಕಥೆ ಕಾಪಿ ಅಂತ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಟ್ರೋಲ್ ಆಗುತ್ತಿದೆ. ಈ ವಿಚಾರವಾಗಿ ಮಾತನಾಡಿರುವ ನಿರ್ದೇಶಕ ಪೂರಿ ಜಗನ್ನಾಥ್ 'ಲೈಗರ್' ಸಂಪೂರ್ಣವಾಗಿ ಹೊಸ ಸಿನಿಮಾ. ತಮ್ಮ ಹಿಂದಿನ ಸಿನಿಮಾಗಳ ಯಾವುದೇ ರೆಫರೆನ್ಸ್ ಇದರಲ್ಲಿ ಇರೋದಿಲ್ಲ. 'ಲೈಗರ್' ಸಂಪೂರ್ಣವಾಗಿ ಸ್ಪೋರ್ಟ್ಸ್ ಡ್ರಾಮಾ ಅಲ್ಲ. ಒಂದು ಪಕ್ಕಾ ಕಮರ್ಷಿಯಲ್ ಸಿನಿಮಾ ಅಂತ ಸ್ಪಷ್ಟನೆ ನೀಡಿದ್ದಾರೆ. ಜೊತೆಗೆ ಇಲ್ಲಿ ಒಳ್ಳೆ ಲವ್ ಸ್ಟೋರಿ ಕೂಡ ಇದೆ.

ಆಗಸ್ಟ್ 25ಕ್ಕೆ 'ಲೈಗರ್' ಸಿನಿಮಾ ಗ್ರ್ಯಾಂಡ್ ರಿಲೀಸ್

ಬಹುಕೋಟಿ ವೆಚ್ಚದಲ್ಲಿ ಬಹಳ ಅದ್ಧೂರಿಯಾಗಿ 'ಲೈಗರ್' ಸಿನಿಮಾ ನಿರ್ಮಾಣ ಮಾಡಿದ್ದಾರೆ. ಧರ್ಮ ಪ್ರೊಡಕ್ಷನ್ಸ್ ಮತ್ತು ಪೂರಿ ಕನೆಕ್ಟ್ಸ್ ಜಂಟಿಯಾಗಿ ನಿರ್ಮಾಣ ಮಾಡುತ್ತಿರುವ ಈ ಸ್ಪೋರ್ಟ್ಸ್ ಆಕ್ಷನ್ ಡ್ರಾಮಾ ಚಿತ್ರಕ್ಕೆ ಕರಣ್ ಜೋಹರ್, ಪೂರಿ ಜಗನ್ನಾಥ್, ಚಾರ್ಮಿ ಕೌರ್, ಅಪೂರ್ವ ಮೆಹ್ತಾ ಹಾಗೂ ಹೀರು ಯಶ್ ಜೋಹರ್ ಬಂಡವಾಳ ಹೂಡಿದ್ದಾರೆ. ಆಗಸ್ಟ್ 25ಕ್ಕೆ ವಿಶ್ವದಾದ್ಯಂತ 'ಲೈಗರ್' ಸಿನಿಮಾ ತೆರೆಗಪ್ಪಳಿಸಲಿದೆ.