Click it and Unblock the Notifications
ದಿಗಂತ್-ಐಂದ್ರಿತಾ ಮದುವೆ ಎಲ್ಲಿ ಮತ್ತು ಯಾವಾಗ.? ಸಂಪೂರ್ಣ ಮಾಹಿತಿ ಇಲ್ಲಿದೆ..
ಯಶ್-ರಾಧಿಕಾ ಪಂಡಿತ್, ಚಿರಂಜೀವಿ ಸರ್ಜಾ-ಮೇಘನಾ ರಾಜ್ ಬಳಿಕ ಸ್ಯಾಂಡಲ್ ವುಡ್ ನಲ್ಲಿ ಮತ್ತೊಂದು ತಾರಾ ಜೋಡಿ ದಾಂಪತ್ಯ ಗೀತೆ ಹಾಡಲು ಸಜ್ಜಾಗಿದ್ದಾರೆ.
ಗಾಂಧಿನಗರದ ದೂದ್ ಪೇಡಾ ದಿಗಂತ್ ಮತ್ತು ಬೆಂಗಾಲಿ ಬೆಡಗಿ ಐಂದ್ರಿತಾ ರೇ ವೈವಾಹಿಕ ಬದುಕಿಗೆ ಕಾಲಿಡಲಿದ್ದಾರೆ. ಇದೇ ತಿಂಗಳು ದಿಗಂತ್-ಐಂದ್ರಿತಾ ಮದುವೆ ಬೆಂಗಳೂರಿನಲ್ಲೇ ನಡೆಯಲಿದೆ.
ಮದುವೆಗೆ ಕೆಲವೇ ದಿನಗಳು ಬಾಕಿ ಉಳಿದಿದ್ದು, ಸದ್ಯ ಅತಿಥಿಗಳಿಗೆ ಆಮಂತ್ರಣ ಪತ್ರಿಕೆ ನೀಡುವಲ್ಲಿ ದಿಗಂತ್ ಮತ್ತು ಐಂದ್ರಿತಾ ಕುಟುಂಬ ತೊಡಗಿದೆ. ದಿಗಂತ್-ಐಂದ್ರಿತಾ ಮದುವೆಯ ಯಾವಾಗ ಮತ್ತು ಎಲ್ಲಿ ನಡೆಯಲಿದೆ ಎಂಬುದರ ಸಂಪೂರ್ಣ ಮಾಹಿತಿ ಇಲ್ಲಿದೆ, ಫೋಟೋ ಸ್ಲೈಡ್ ಗಳಲ್ಲಿ ಓದಿರಿ...
ದಿಗಂತ್-ಐಂದ್ರಿತಾ ಮದುವೆ ಯಾವಾಗ.?
ಡಿಸೆಂಬರ್ 12 (ಬುಧವಾರ) ರಂದು ದಿಗಂತ್-ಐಂದ್ರಿತಾ ರೇ ಮದುವೆ ಗುರು-ಹಿರಿಯರ ಸಮ್ಮುಖದಲ್ಲಿ ನಡೆಯಲಿದೆ. ದಿಗಂತ್-ಐಂದ್ರಿತಾ ರೇ ವಿವಾಹದ ಆಹ್ವಾನ ಪತ್ರಿಕೆ ಸಖತ್ ಸಿಂಪಲ್ ಆಗಿದ್ದು, ಮದುವೆಯನ್ನೂ ಶಾಸ್ತ್ರೋಕ್ತವಾಗಿ, ಸಿಂಪಲ್ ಆಗಿ ನೆರವೇರಿಸಲು ವಧು-ವರ ನಿರ್ಧರಿಸಿದ್ದಾರೆ.
ದಿಗಂತ್-ಐಂದ್ರಿತಾ ಮದುವೆ ಎಲ್ಲಿ.?
ಬೆಂಗಳೂರಿನ ರಾಜರಾಜೇಶ್ವರಿ ನಗರದಲ್ಲಿ ಇರುವ ಸುಭಾಷ್ ಭವನದಲ್ಲಿ ದಿಗಂತ್-ಐಂದ್ರಿತಾ ವಿವಾಹ ಮಹೋತ್ಸವ ನಡೆಯಲಿದೆ. ಚಿತ್ರರಂಗದ ತಾರೆಯರು ದಿಗಂತ್-ಐಂದ್ರಿತಾ ಮದುವೆಗೆ ಸಾಕ್ಷಿ ಆಗಲಿದ್ದಾರೆ.
ಸಾಂಪ್ರದಾಯಿಕ ಉಡುಗೆಯಲ್ಲೇ ಬನ್ನಿ...
ಮದುವೆಗೆ ಆಹ್ವಾನ ನೀಡುತ್ತಿರುವ ಅತಿಥಿಗಳಿಗೆ ''ಸಂಪ್ರದಾಯಿಕ ಉಡುಗೆ ತೊಟ್ಟು ಬನ್ನಿ'' ಎಂದು ವರ ದಿಗಂತ್ ಮತ್ತು ವಧು ಐಂದ್ರಿತಾ ರೇ ಮನವಿ ಮಾಡಿದ್ದಾರಂತೆ.
ದಿಗಂತ್-ಐಂದ್ರಿತಾ ಮದುವೆಗೆ ಸ್ಟಾರ್ ಡಿಸೈನರ್
ಮದುವೆಗಾಗಿ ದಿಗಂತ್ ಮತ್ತು ಐಂದ್ರಿತಾ ರೇಗೆ ಸ್ಟಾರ್ ಡಿಸೈನರ್ ಆದ ಮನೋವಿರಾಜ್ ಕೋಸ್ಲಾ ಉಡುಪುಗಳನ್ನು ಡಿಸೈನ್ ಮಾಡುತ್ತಿದ್ದಾರೆ. ವರ್ಷಗಳಿಂದ 'ಮನಸಾರೆ' ಪ್ರೀತಿ ಮಾಡುತ್ತಿರುವ ಈ ಜೋಡಿ ಇದೀಗ ಹಸೆಮಣೆ ಏರಲು ಸಿದ್ಧವಾಗಿದೆ.
Continue with Google