Don't Miss!
- News ಲೋಕಸಭಾ ಚುನಾವಣೆ: ಮೈಸೂರು ಜಿಲ್ಲೆಯಲ್ಲಿ ಭದ್ರತೆಗೆ 5 ಸಾವಿರ ಪೊಲೀಸರ ನಿಯೋಜನೆ
- Sports IPL 2024: ಆರ್ಸಿಬಿಗೆ ವಿರಾಟ್, ಪಾಟಿದಾರ್ ಆಸರೆ: ಹೈದರಾಬಾದ್ಗೆ ಸವಾಲಿನ ಟಾರ್ಗೆಟ್
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಡಿಂಗ್ರಿ ನಾಗರಾಜ್ ಪುತ್ರನಿಗೆ ಹೊಡಿತು ಚಾನ್ಸು.!
ಡಿಂಗ್ರಿ ನಾಗರಾಜ್ ಪುತ್ರ ಬಣ್ಣ ಹಚ್ಚಿ ಒಂದು ವರ್ಷ ಕಳೆದಿಲ್ಲ. ನಟಿಸುತ್ತಿರುವ ಚೊಚ್ಚಲ ಚಿತ್ರದ ಶೂಟಿಂಗ್ ಇನ್ನೂ ಕಂಪ್ಲೀಟ್ ಆಗಿಲ್ಲ. ಅಷ್ಟು ಬೇಗ, ರಾಜವರ್ಧನ್ ಗೆ ಅವಕಾಶಗಳು ಹುಡುಕಿಕೊಂಡು ಬರುತ್ತಿದೆ.
ಯುವ ಪ್ರತಿಭೆಗಳು ಒಂದಾಗಿ ರೆಡಿಮಾಡುತ್ತಿರುವ 'ಫ್ಲೈ' ಸಿನಿಮಾದ ಶೂಟಿಂಗ್ ಅರ್ಧಕರ್ಧ ಮುಗಿದಿದೆ. ಸ್ಪೋರ್ಟ್ಸ್ ಮತ್ತು ಟ್ರಾವೆಲ್ ಅಡ್ವೆಂಚರ್ ಸಿನಿಮಾ ಆಗಿರುವುದರಿಂದ ಚಿತ್ರೀಕರಣಕ್ಕೆ ಹೆಚ್ಚು ಸಮಯ ಹಿಡಿಯುತ್ತಿದೆ.
ಇದೇ ಗ್ಯಾಪ್ ನಲ್ಲಿ ರಾಜವರ್ಧನ್ ಹೊಸ ಸಿನಿಮಾವೊಂದನ್ನ ಒಪ್ಪಿಕೊಂಡಿದ್ದಾರೆ. ಆ ಚಿತ್ರವೇ 'ಅಮರ ಚಿತ್ರ ಕಥಾ'. ಹೆಸರು ಕೇಳ್ತಿದ್ದ ಹಾಗೆ, ನಿಮಗೆ ರೆಟ್ರೋ ಫೀಲ್ ಸಿಗುವುದು ಸಹಜ. ಅದಕ್ಕೆ ತಕ್ಕ ಹಾಗೆ, ಈ ಚಿತ್ರ 70-80 ರ ದಶಕದ ಬ್ಯಾಕ್ ಡ್ರಾಪ್ ನಲ್ಲಿ ತಯಾರಾಗಲಿದೆ.
ಹೇಳಿ ಕೇಳಿ ಇದು ರೆಟ್ರೋ ಸ್ಟೈಲ್ ಸಿನಿಮಾ. ಆದ್ದರಿಂದ ತಮ್ಮ ಲುಕ್ಸ್ ಬಗ್ಗೆ ಪ್ರಯೋಗ ಮಾಡಲಿದ್ದಾರಂತೆ ರಾಜವರ್ಧನ್. ಇದಕ್ಕಾಗಿ ಅದಾಗಲೇ ತಯಾರಿಗಳನ್ನ ನಡೆಸಿದ್ದು, ಚಿತ್ರಕ್ಕಾಗಿ ಸ್ಪೆಷಲ್ ಫೋಟೋಶೂಟ್ ಕೂಡ ನಡೆದಿದೆ. ಅದರ ಎಕ್ಸ್ ಕ್ಲೂಸಿವ್ ಸ್ಟಿಲ್ ಇಲ್ಲಿದೆ.
ಎಪ್ರಿಲ್ ಹೊತ್ತಿಗೆ ಈ ಚಿತ್ರ ಸೆಟ್ಟೇರಲಿದೆ. 'ಅಮರ ಚಿತ್ರ ಕಥಾ' ಕೂಡ ಯುವ ತಂಡ ಸಿದ್ಧಪಡಿಸುತ್ತಿರುವ ಚಿತ್ರ. ನಾಯಕಿ ಮತ್ತು ಇತರೆ ಪಾತ್ರವರ್ಗ ಇನ್ನೂ ಸೆಲೆಕ್ಷನ್ ಹಂತದಲ್ಲಿದೆ.
ಅಂದ್ಹಾಗೆ, ಈ ಚಿತ್ರಕ್ಕೋಸ್ಕರ ರಾಜವರ್ಧನ್ ಕಲರಿಪಯಟ್ಟು ಸಹ ಕಲಿಯುತ್ತಿದ್ದಾರಂತೆ. ಈಗಷ್ಟೇ ಸ್ಯಾಂಡಲ್ ವುಡ್ ನಲ್ಲಿ ಅಂಬೆಗಾಲಿಡುತ್ತಿರುವ ರಾಜವರ್ಧನ್, ಪಾತ್ರಕ್ಕೋಸ್ಕರ ಕಟ್ಟುನಿಟ್ಟಾಗಿ ಬೆವರಿಳಿಸುತ್ತಿದ್ದಾರೆ.
ಅವರ ಪರಿಶ್ರಮಕ್ಕೆ ತಕ್ಕಂತೆ ಆಫರ್ಸ್ ಅರಸಿ ಬರುತ್ತಿದೆ. ಅಭಿನಯಿಸಿದ ಮೊದಲ ಸಿನಿಮಾ ರಿಲೀಸ್ ಆಗುವುದಕ್ಕೂ ಮುನ್ನವೇ 'ರಾಜವರ್ಧನ್' ಎರಡೆರಡು ಚಿತ್ರಗಳಲ್ಲಿ ಬಿಜಿಯಾಗಿದ್ದಾರೆ ಅಂದ್ರೆ ಲಾಟರಿ ಹೊಡೆದ ಹಾಗೆ ಲೆಕ್ಕ. (ಫಿಲ್ಮಿಬೀಟ್ ಕನ್ನಡ)