ಫೇಕ್ ಅಕೌಂಟ್ ನೋಡಿ ಬೆಚ್ಚಿ ಬಿದ್ದ ಎ.ಪಿ.ಅರ್ಜುನ್: ಚಿತ್ರರಂಗದಲ್ಲೇ ಇದ್ದಾರೆ ದುರುಳರು!

ಎ.ಪಿ ಅರ್ಜುನ್‌ಗೆ ಶಾಕ್ ನೀಡಿತ್ತು ಈ ನಕಲಿ ಖಾತೆ!

ಈ ನಕಲಿ ಖಾತೆ ಥೇಟ್ ಅರ್ಜುನ್ ಅವರ ಟ್ವಿಟ್ಟರ್ ಖಾತೆಯ ಮಾದರಿಯಲ್ಲಿಯೇ ಇದೆ. ಈ ಖಾತೆಯನ್ನು ನೋಡಿದರೆ ಇದು ಎ.ಪಿ ಅರ್ಜುನ್ ಅವರೇ ಎಂದು ಅಂದುಕೊಳ್ಳ ಬೇಕು ಹಾಗೆ ಇದೆ. ಹಾಗಾಗಿ ಇದನ್ನು ನೋಡಿ ಸ್ವತಃ ನಿರ್ದೇಶಕ ಎಪಿ ಅವರಿಗೆ ಶಾಕ್‌ ಆಗಿತ್ತಂತೆ. ಹಾಗಾಗಿ ಕೂಡಲೇ ಅವರು ಇದು ಒಂದು ನಕಲಿ ಖಾತೆ ಎಂದು ಬರೆದು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಫೇಕ್ ಅಕೌಂಟ್ ಮಾಡುದೇ ಕೆಟ್ಟ ಉದ್ದೇಶಕ್ಕೆ: ಎ.ಪಿ ಅರ್ಜುನ್!

ಇನ್ನೂ ಈ ಬಗ್ಗೆ ಫಿಲ್ಮಿಬೀಟ್‌ ಜೊತೆಗೆ ಮಾತನಾಡಿದ ಎ.ಪಿ ಅರ್ಜುನ್ ಅವರು "ಈ ರಿಯಲಿ ಫೇಕ್‌ ಅಕೌಂಟ್‌ಗಳನ್ನು ಮಾಡುವುದೇ ಕೆಟ್ಟ ಉದ್ದೇಶಕ್ಕೆ. ಮತ್ತೊಬ್ಬರ ಮುಖಕ್ಕೆ ಮಸಿ ಬಳಿಯಲೆಂದು ಹೀಗೆ ಮಾಡುತ್ತಾರೆ. ಆದರೆ ಯಾವುದೂ ಫೇಕ್ ಎನ್ನುವುದು ಬೇಗ ಗೊತ್ತಾಗುತ್ತದೆ. ಹಾಗೆ ಎಲ್ಲರಿಗೂ ಯಾವುದು ಫೇಕ್ ಎನ್ನುವುದು ಅಷ್ಟು ಸುಲಭಕ್ಕೆ ತಿಳಿಯುವುದಿಲ್ಲ. ನ್ಮಮ ಹೆಸರು ಇದ್ದರೆ ಅದು ನಾವೇ ಎಂದು ನಂಬಿ ಬಿಡುತ್ತಾರೆ. ಹಾಗಾಗಿ ತಪ್ಪು ಸಂದೇಶಗಳು ಜನರಿಗೆ ರವಾನೆ ಆಗುತ್ತವೆ". ಎಂದು ಹೇಳಿದ್ದಾರೆ.

ಫೇಕ್ ಅಕೌಂಟ್‌ಗಳಿಗೆ ಚಿತ್ರದವರೇ ರೂವಾರಿಗಳು!

ಇನ್ನು ಮತ್ತೊಂದು ಮೂಲದ ಪ್ರಕಾರ ಈ ರೀತಿ ಫೇಕ್ ಅಕೌಂಟ್‌ಗಳನ್ನು ಮಾಡುವವರು ಚಿತ್ರ ರಂಗದವರೇ ಎನ್ನಲಾಗಿದೆ. ಅಂದರೆ ತಮಗೆ ಯಾರನ್ನು ಕಂಡರೆ ಆಗವುದಿಲ್ಲವೋ ಅವರ ತೇಜೋವಧೆ ಮಾಡಲೆಂದೆ ನಕಲಿ ಖಾತೆಗಳನ್ನು ಸೃಷ್ಟಿ ಮಾಡಲಾಗುತ್ತದೆಯಂತೆ. ಹೀಗೆ ಸ್ಟಾರ್‌ ನಟರ ಸಾಕಷ್ಟು ಅಭಿಮಾನಿಗಳ ನಕಲಿ ಖಾತೆಗಳು ಇವೆಯಂತೆ. ಅಂದರೆ ತಾವು ಯಾರನ್ನು ದ್ವೇಷಿಸುತ್ತಾರೋ ಅವರ ಹೆಸರಲ್ಲೇ ಅಕೌಂಟ್ ಹುಟ್ಟು ಹಾಕಿ, ಸಾಮಾಜಿಕ ಜಾಲತಾಣದಲ್ಲಿ ಅವರ ಮುಖಕ್ಕೆ ಮಸಿ ಬಳಿಯುವ ಹಾಗೆ ಪೋಸ್ಟ್‌ಗಳನ್ನು ಹಾಕುತ್ತಾರಂತೆ.

ಎರಡು ಚಿತ್ರಗಳಲ್ಲಿ ಎ.ಪಿ ಅರ್ಜುನ್ ಬ್ಯೂಸಿ!

ನಿರ್ದೇಶಕ ಎ.ಪಿ ಅರ್ಜುನ್ ಅವರು ಸದ್ಯ ಎರಡು ಚಿತ್ರಗಳಲ್ಲಿ ಬ್ಯೂಸಿ ಆಗಿದ್ದಾರೆ. ಒಂದು ಕಡೆ ಮಾರ್ಟಿನ್ ಮತ್ತೊಂದು ಕಡೆ ಅದ್ಧೂರಿ ಲವ್ವರ್. ಎರಡೂ ಚಿತ್ರಗಳನ್ನು ಹಂತ ಹಂತವಾಗಿ ಚಿತ್ರೀಕರಣ ಮಾಡುತ್ತಿದ್ದಾರೆ. ಎರಡೂ ಚಿತ್ರದ ಶೂಟಿಂಗ್ ಭರ್ಜರಿ ಅಗಿ ಸಾಗುತ್ತಿದೆ. ಆದರೆ ಕೊರೊನಾ ಕಾರಣಕ್ಕೆ ಮಾರ್ಟಿನ್ ಚಿತ್ರೀಕರಣಕ್ಕೆ ಬ್ರೇಕ್‌ ಹಾಕಲಾಗಿದೆ.