'ರಂಗಿತರಂಗ ಪಾರ್ಟ್-2'ಗೆ ನಡಿತಿದೆಯಾ ತಯಾರಿ?

'ರಂಗಿತರಂಗ ಪಾರ್ಟ-2'

ರಂಗಿತರಂಗ ಪಾರ್ಟ-2 ಗಾಗಿ ಪ್ಲಾನ್ ಮಾಡಿದ್ದಾರೆ ನಿರ್ದೇಶಕ ಅನೂಪ್ ಭಂಡಾರಿ. ಚಿತ್ರರಂಗದಲ್ಲಿ ದೊಡ್ಡಮಟ್ಟಕ್ಕೆ ಖ್ಯಾತಿ ತಂದುಕೊಟ್ಟ ರಂಗಿತರಂಗ ಚಿತ್ರದ ಸೀಕ್ವೆಲ್ ಮಾಡುವ ಆಸೆ ವ್ಯಕ್ತಡಿಸಿದ್ದಾರೆ ಅನೂಪ್. ನಾಲ್ಕು ವರ್ಷದ ಸಂಭ್ರಮದಲ್ಲಿರುವ ರಂಗಿತರಂಗ ಟೀಂ ಈ ಬಗ್ಗೆ ಮಾಹಿತಿಯನ್ನು ಬಹಿರಂಗಪಡಿಸಿದೆ.

ಮತ್ತದೆ ಟೀಂ ಮುಂದುವರೆಯಲಿದೆ

'ರಂಗಿತರಂಗ' ಚಿತ್ರದ ನಿರ್ಮಾಪಕ ಹೆಚ್ ಕೆ ಪ್ರಕಾಶ್ ಮತ್ತು ನಿರ್ದೇಶಕ ಅನೂಪ್ ಭಂಡಾರಿ ಇಬ್ಬರು ಈಗಾಗಲೆ ಪಾರ್ಟ್-2 ಬಗ್ಗೆ ಮಾತುಕತೆ ನಡೆಸಿದ್ದಾರೆ. ಒಂದು ವೇಳೆ ಈ ಮಾತುಕತೆ ವರ್ಕೌಟ್ ಆಗಿದ್ದೆ ಆದ್ರೆ ಮತ್ತದೆ ತಂತ್ರಜ್ಞರನ್ನು ಸೇರಿಸಿಕೊಂಡು ರಂಗಿತರಂಗ ಪಾರ್ಟ್-2 ಸಿನಿಮಾ ಮಾಡಲಿದ್ದಾರಂತೆ. ಆದ್ರೀಗ ನಿರ್ಮಾಪಕ ಪ್ರಕಾಶ್ ಮತ್ತು ನಿರ್ದೇಶಕ ಅನೂಪ್ ಇಬ್ಬರು ಬ್ಯುಸಿ ಇರುವ ಕಾರಣ ಇಬ್ಬರ ಪ್ರಾಜೆಕ್ಟ್ ಮುಗಿದ ಬಳಿಕ ರಂಗಿತರಂಗ ಪಾರ್ಟ್-2 ಸೆಟ್ಟೇರುವ ಸಾಧ್ಯತೆ ಇದೆ.

ರಂಗಿತರಂಗ-2 ಅಂತನೆ ಟೈಟಲ್

ಒಂದುವೇಳೆ ರಂಗಿತರಂಗ ಪಾರ್ಟ್-2 ಸೆಟ್ಟೇರಿದ್ರೆ, ರಂಗಿತರಂಗ ಟೈಟಲ್ ಅನ್ನೆ ಬಳಸಿಕೊಳ್ಳಲಿದ್ದಾರಂತೆ. ಆದ್ರೆ ಕಥೆ ಮಾತ್ರ ಸಂಪೂರ್ಣವಾಗಿ ಭಿನ್ನವಾಗಿರಲಿದೆಯಂತೆ. 2015ರಲ್ಲಿ ಜುಲೈ ನಲ್ಲಿ ರಿಲೀಸ್ ಆಗಿದ್ದ 'ರಂಗಿತರಂಗ' ಸೂಪರ್ ಡೂಪರ್ ಹಿಟ್ ಸಿನಿಮಾವಾಗಿದ್ದು. ಇಲ್ಲಿ ನಿರೂಪ್ ಭಂಡಾರಿಗೆ ಆವಂತಿಕಾ ಶೆಟ್ಟಿ ಮತ್ತು ರಾಧಿಕಾ ಚೇತನ್ ನಾಯಕಿಯಾಗಿ ಬಣ್ಣಹಚ್ಚಿದ್ದರು. ಪಾರ್ಟ್-2ನಲ್ಲೂ ಇವರೆ ಇರ್ತಾರ ಕಾದು ನೋಡಬೇಕು.

'ಬಿಲ್ಲ ರಂಗ ಭಾಷಾ' ಚಿತ್ರದಲ್ಲಿ ಅನೂಪ್

ನಿರ್ದೇಶಕ ಅನೂಪ್ ಭಂಡಾರಿ ಈಗ ಬಿಲ್ಲ ರಂಗ ಭಾಷ ಚಿತ್ರದ ತಯಾರಿಯಲ್ಲಿದ್ದಾರೆ. ಕಿಚ್ಚ ಸುದೀಪ್ ನಾಯಕನಾಗಿ ಕಾಣಿಸಿಕೊಳ್ಳುತ್ತಿರುವ ಈ ಸಿನಿಮಾ ಸುದೀಪ್ ಅವರ ಬ್ಯಾನರ್ ನಲ್ಲಿ ಮೂಡಿ ಬರಲಿದೆ. ಅತೀ ದೊಡ್ಡ ಮಟ್ಟದಲ್ಲಿ ಈ ಸಿನಿಮಾ ತಯಾರಾಗುತ್ತಿದ್ದು ಚಿತ್ರಕ್ಕಾಗಿ ಈಗಾಗಲೆ ಸಾಕಷ್ಟು ಸಿದ್ಧತೆಗಳು ನಡೆಯುತ್ತಿವೆ. ಸುದೀಪ್ ಸದ್ಯ ಕೋಟಿಗೊಬ್ಬ-3 ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ಕೋಟಿಗೊಬ್ಬ-3 ಮುಗಿದ ಬಳಿಕ ಅಭಿನಯ ಚಕ್ರವರ್ತಿ ಬಿಲ್ಲ ರಂಗ ಭಾಷಾನಾಗಿ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ.