ಮೀ ಟೂ ಬಗ್ಗೆ ಸಿನಿಮಾ ಮಾಡ್ತಾರೆ ಗುರುಪ್ರಸಾದ್

ಸದ್ಯ ಸಿಕ್ಕಾಪಟ್ಟೆ ಚರ್ಚೆ ಆಗುತ್ತಿರುವ ಮೀ ಟೂ ಬಗ್ಗೆ ಕನ್ನಡ ಚಿತ್ರರಂಗದ ಅನೇಕರು ಮಾತನಾಡಿದ್ದಾರೆ. ಈಗ ಗುರು ಪ್ರಸಾದ್ ಒಂದು ಹೆಜ್ಜೆ ಮುಂದೆ ಹೋಗಿ ಆ ಬಗ್ಗೆ ಸಿನಿಮಾ ಮಾಡುತ್ತಿದ್ದಾರೆ.

ಇಂದು ಸಿನಿಮಾವೊಂದರ ಸುದ್ದಿಗೋಷ್ಟಿಯಲ್ಲಿ ಮಾತನಾಡಿರುವ ಅವರು ''ನಾನು ಮೀ ಟೂ ಬಗ್ಗೆ ಸಿನಿಮಾ ಮಾಡುತ್ತೇನೆ. ಈ ಹಿಂದೆಯೇ ಲೈಂಗಿಕ ದೌರ್ಜನ್ಯದ ಮೇಲೆ ಕಥೆ ಮಾಡಿದ್ದೇ. ಈಗ ಮೀ ಟೂ ಬಂದಿರುವ ಕಾರಣ ಆ ಸಿನಿಮಾಗೆ ಇನ್ನಷ್ಟು ಸಾಥ್ ಸಿಕ್ಕಿದೆ'' ಎಂದಿದ್ದಾರೆ.

ವಿಶೇಷ ಅಂದರೆ, ಈ ಸಿನಿಮಾಗೆ ಅವರೇ ನಾಯಕನಂತೆ. ಹೌದು, ಈ ಹಿಂದೆ ತಮ್ಮ ನಿರ್ದೇಶನದ ಸಿನಿಮಾಗಳಲ್ಲಿ ಸಣ್ಣ ಪಾತ್ರಗಳನ್ನು ಮಾಡುತ್ತಿದ್ದ ಅವರು ಈಗ ಪೂರ್ಣ ಪ್ರಮಾಣದ ನಟ ಆಗಲು ಹೊರಟಿದ್ದಾರೆ.

ಈ ಕಥೆ ನಿರ್ಮಾಪಕರಿಗೆ ಕೂಡ ಬಹಳ ಇಷ್ಟವಾಗಿದೆಯಂತೆ. ಸದ್ಯ, ಚಿತ್ರಕ್ಕೆ ನಾಯಕಿಯ ಹುಡುಕಾಟ ನಡೆಯುತ್ತಿದ್ದು, ಸಿನಿಮಾ ಮಾಡೋದು ಪಕ್ಕಾ ಅಂತ್ತಾರೆ 'ಮಠ' ಗುರು ಪ್ರಸಾದ್.