'ಪೈಲ್ವಾನ್' ಜೊತೆ ಬರ್ತ್ ಡೇ ಆಚರಿಸಿದವರು ಯಾರು?

Recommended Video

ನಟ ಸುದೀಪ್ ಈಗ ಬ್ಯುಸಿ ಇರುವ ಚಿತ್ರಗಳ‌ ಪೈಕಿ 'ಪೈಲ್ವಾನ್' ಕೂಡ ಒಂದಾಗಿದೆ. ಈ ಸಿನಿಮಾದ ಶೂಟಿಂಗ್ ಈಗ ಜೋರಾಗಿ ಸಾಗುತ್ತಿದ್ದು, ಇದರ ನಡುವೆ ಹುಟ್ಟುಹಬ್ಬದ ಆಚರಣೆ ಕೂಡ ನಡೆದಿದೆ.

ಈ ಚಿತ್ರವನ್ನ 'ಹೆಬ್ಬುಲಿ' ಖ್ಯಾತಿಯ ಕೃಷ್ಣ ನಿರ್ದೇಶನ ಮಾಡಿದ್ದಾರೆ. ಅವರ ಪತ್ನಿ ಸ್ವಪ್ನಾ ಅವರ ಬರ್ತ್ ಡೇಯನ್ನು ಶೂಟಿಂಗ್ ಸೆಟ್ ನಲ್ಲಿ ಮಾಡಲಾಗಿದೆ. ಕೇಕ್ ಕಟ್ ಮಾಡಿ ಚಿತ್ರತಂಡದ‌‌ ಜೊತೆಗೆ ಸ್ವಪ್ನಾ ತಮ್ಮ ಹುಟ್ಟುಹಬ್ಬ‌ವನ್ನು ಆಚರಿಸಿಕೊಂಡಿದ್ದಾರೆ.

ಸುದೀಪ್ ಕೂಡ ಈ ಹುಟ್ಟುಹಬ್ಬದ ಸಂಭ್ರಮದಲ್ಲಿ ಭಾಗಿಯಾಗಿದ್ದರು. ಇನ್ನು ಸುದೀಪ್ ಪತ್ನಿ ಪ್ರಿಯಾ ಸುದೀಪ್ ಟ್ವಿಟರ್ ಖಾತೆಯ ಮೂಲಕ ಸ್ವಪ್ನಾ ಅವರಿಗೆ ಶುಭಾಶಯ ತಿಳಿಸಿದ್ದಾರೆ.

'ಪೈಲ್ವಾನ್' ಸಿನಿಮಾವನ್ನ ಸ್ವಪ್ನಾ ಅವರು ತಮ್ಮ ಆರ್ ಆರ್ ಆರ್ ಬ್ಯಾನರ್ ನಲ್ಲಿ ನಿರ್ಮಾಣ ಮಾಡುತ್ತಿದ್ದಾರೆ. ಈ ಹಿಂದೆ ಕೆಲ ಧಾರಾವಾಹಿ ಹಾಗೂ ಚಿತ್ರಗಳಲ್ಲಿ ಸಹ ಅವರು ಅಭಿನಯಿಸಿದ್ದರು.

ಅಂದಹಾಗೆ, ಸದ್ಯ 'ಪೈಲ್ವಾನ್' ಚಿತ್ರೀಕರಣ ನಡೆಯುತ್ತಿದ್ದು, ಕೆಲ ದಿನಗಳಲ್ಲಿ ಟ್ರೇಲರ್ ಹೊರಬರಲಿದೆ.