Don't Miss!
- News ವಿ ಸೋಮಣ್ಣಗೆ ಎದುರಾಯ್ತು ಸಂಕಷ್ಟ: ಕೈ ನಾಯಕರ ಸಂಪರ್ಕದಲ್ಲಿರುವ ಮಾಧುಸ್ವಾಮಿ: ಕಾಂಗ್ರೆಸ್ ಸೇರ್ಪಡೆ?
- Automobiles ರಾಂಗ್ ರೂಟ್ನಲ್ಲಿ ಬಂದು ಪ್ರಶ್ನಿಸಿದ ಬೈಕ್ ಸವಾರನಿಗೆ ಥಳಿಸಿದ ಕಾರು ಚಾಲಕ: ವಿಡಿಯೋ
- Finance ಆಧಾರ್ ಉಚಿತ ಅಪ್ಡೇಟ್ ದಿನಾಂಕ ಜೂ.14ರವರೆಗೆ ವಿಸ್ತರಣೆ: ಆನ್ಲೈನ್ನಲ್ಲಿ ಹೀಗೆ ನವೀಕರಿಸಿ
- Lifestyle ಬಾಯಲ್ಲಿ ನೀರು ತರಿಸುವ ಮಸಾಲೆ ಮೊಟ್ಟೆ ಬುರ್ಜಿ ಮಾಡೋದು ಹೇಗೆ.? ತುಂಬಾ ಸಿಂಪಲ್ ರೆಸಿಪಿ
- Sports IPL 2024: ಮುಂಬೈ ನಾಯಕನಿಗೆ ಪತ್ರಕರ್ತರಿಂದ ಬೌನ್ಸರ್: ಉತ್ತರಿಸದೆ ಮೌನಕ್ಕೆ ಶರಣಾದ ಹಾರ್ದಿಕ್ ಪಾಂಡ್ಯ
- Technology Best Coolers: ಭಾರತದಲ್ಲಿ 5 ಸಾವಿರಕ್ಕಿಂತ ಕಡಿಮೆ ಬೆಲೆಯಲ್ಲಿ ಲಭ್ಯ ಇರುವ ಅತ್ಯುತ್ತಮ ಕೂಲರ್ಗಳು! ಫೀಚರ್ಸ್ ಏನಿದೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿಡಿಯೋ ವೈರಲ್: ಮನೆಗೆ ಬರೋದಾ? ಮೇಘನಾರಾಜ್ ಗೆ ಪನ್ನಗಾಭರಣ ಪುತ್ರನ ಕ್ಯೂಟ್ ಮನವಿ
ಸ್ಯಾಂಡಲ್ ವುಡ್ ನಟ ಚಿರಂಜೀವಿ ಸರ್ಜಾ ಪತ್ನಿ ಮೆಘನಾ ರಾಜ್ ಸದ್ಯ ಮುದ್ದು ಮಗನ ಆರೈಕೆಯಲ್ಲಿ ಬ್ಯುಸಿಯಾಗಿದ್ದಾರೆ. ಇತ್ತೀಚಿಗಷ್ಟೆ ಮಗನ ತೊಟ್ಟಿಲ ಶಾಸ್ತ್ರ ಮಾಡುವ ಮೂಲಕ ಮೇಘನಾ ರಾಜ್ ಮಾಧ್ಯಮದ ಮುಂದೆ ಹಾಜರಾಗಿದ್ದರು. ಜಿರಂಜೀವಿ ನಿಧನದ ಬಳಿಕ ಮೇಘನಾ ಮೊದಲ ಬಾರಿಗೆ ಮಾಧ್ಯಮದ ಮುಂದೆ ಬಂದು ಮಾತನಾಡಿದ್ದರು.
ತೊಟ್ಟಿಲ ಶಾಸ್ತ್ರ ಮಾಡಿದ್ದ ಮೇಘನಾ ಕುಟುಂಬ ಸದ್ಯದಲ್ಲೇ ಮುದ್ದು ಮಗನಿಗೆೆ ಹೆಸರನ್ನು ಫೈನಲ್ ಮಾಡಲಿದ್ದೇವೆ ಎಂದಿದ್ದರು. ಮೇಘನಾ ರಾಜ್ ಮುದ್ದಾದ ಮಗನನ್ನು ನೋಡಿ ಅಭಿಮಾನಿಗಳು ಸಂತಸಪಟ್ಟಿದ್ದರು.
ಮುದ್ದು ಮಗನ ಜೊತೆ ಕಾಲಕಳೆಯುತ್ತಿರುವ ಮೇಘನಾ ರಾಜ್ ಗೆ ನಿರ್ದೇಶಕ ಪನ್ನಗಾಭರಣ ಪುತ್ರ ವೇದ್ ಮುದ್ದಾದ ಮನವಿ ಮಾಡಿದ್ದಾರೆ. ಮೇಘನಾ ಬಳಿ ಮನವಿ ಮಾಡುತ್ತಿರುವ ವಿಡಿಯೋವನ್ನು ಮೇಘನಾರಾಜ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಮೇಘನಾ ಮತ್ತು ಪನ್ನಗಾ ಭರಣ ಕುಟುಂಬ ತುಂಬಾ ಅಪ್ತರು. ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡುವ ಮುನ್ನವೇ ಎಲ್ಲರೂ ಉತ್ತಮ ಸ್ನೇಹಿತರು. ಇದೀಗ ಪನ್ನಗಾ ಪುತ್ರ ವೇದ್ ಮೇಘನಾ ಬಳಿ ತಾನು ನಿಮ್ಮನೆಗೆ ಬರಬಹುದಾ ಎಂದು ವಿಡಿಯೋ ಮೂಲಕ ಮನವಿ ಮಾಡಿಕೊಂಡಿದ್ದಾರೆ.
ಬಾಕ್ಸ್ ನ ನೋಡಬೇಕು, ಮೇಘಿ ಮನೆಗೆ ಹೋಗೋಣ ಅಂತ ಅಪ್ಪ ಪನ್ನಗಾಭರಣ ಬಳಿ ಹೇಳುತ್ತಿದ್ದಾರೆ. ಮೇಘನಾನೆ ಕೇಳು ಎಂದು ಪನ್ನಗಾ ಹೇಳಿದಾಗ, ಪುಟ್ಟ ಪೋರ ವೇದ್, 'ನನಗೆ ಬಾಕ್ಸ್ ನ ನೋಡಬೇಕು, ಮನೆಗೆ ಬರೋದಾ? ಚಿರು ಬೇಬಿನೂ ನೋಡಬೇಕು' ಎಂದು ಹೇಳಿರುವ ವಿಡಿಯೋ ವೈರಲ್ ಆಗಿದೆ.
ವೇದ್ ಕ್ಯೂಟ್ ಆಗಿ ಮನವಿ ಮಾಡಿಕೊಳ್ಳುತ್ತಿರುವ ವಿಡಿಯೋವನ್ನು ನೋಡಿ ತುಂಬಾ ಖುಷಿ ಪಟ್ಟಿರುವ ಮೇಘನಾ, ಮುದ್ದಾದ ವಿಡಿಯೋವನ್ನು ತನ್ನ ಇನ್ಸ್ಟಾಗ್ರಾಮ್ ನಲ್ಲಿ ಶೇರ್ ಮಾಡಿದ್ದಾರೆ. ವೇದ್ ಮುಗ್ದ ನಗುವಿಗೆ ಮನಸೋತಿರುವ ಮೇಘನಾ ಹಾರ್ಟ್ ಇಮೋಜಿ ಹಾಕಿದ್ದಾರೆ. ಈ ವಿಡಿಯೋಗೆ ಅಭಿಮಾನಿಗಳಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.