ಅಂಬರೀಶ್ ಎಷ್ಟೇ ಕೇಳಿದ್ರು ಈ ಕೆಲಸ ಮಾಡಲೇ ನಿರ್ದೇಶಕ ಪ್ರೇಮ್

ಪ್ರೇಮ್ ತಾಯಿ ಭೇಟಿ ಮಾಡ್ಬೇಕಿತ್ತು

ನಿರ್ದೇಶಕ ಪ್ರೇಮ್ ಸಿಕ್ಕಾಗೆಲ್ಲಾ ''ನಿಮ್ಮ ಮನೆಗೆ ಯಾವಾಗ ಕರ್ಕೊಂಡು ಹೋಗ್ತೀಯೋ, ನಿಮ್ಮ ಅಮ್ಮನ ಯಾವಾಗ ಭೇಟಿ ಮಾಡಿಸ್ತೀಯಾ ಎಂದು ಕೇಳುತ್ತಿದ್ದರಂತೆ. ಆದ್ರೆ, ಮನೆಯಲ್ಲಿ ಲಿಫ್ಟ್ ಇಲ್ಲದ ಕಾರಣ ಅಂಬರೀಶ್ ಅವರು ನಡೆಯಲು ಕಷ್ಟವಾಗುತ್ತೆ ಎಂಬ ಕಾರಣಕ್ಕೆ ಕರೆದುಕೊಂಡು ಹೋಗ್ತೀನಿ ಅಂತ ಹೇಳ್ತಾ ಇದ್ರಂತೆ ಪ್ರೇಮ್.

ಲಿಫ್ಟ್ ಹಾಕಿದ ಮೇಲೆ ಕರೆದೆ

ಆಮೇಲೆ ಮನೆಗೆ ಲಿಫ್ಟ್ ಹಾಕಿದೆ. ಅಂಬರೀಶ್ ಅವರ ಬಳಿ ಹೇಳಿದೆ, ಅಣ್ಣಾ ಈಗ ಲಿಫ್ಟ್ ಹಾಕಿದ್ದೀನಿ, ಬೆಸ್ ಮೆಂಟ್ ನಿಂದ ಯಾವ ಫ್ಲೋರ್ ಗೆ ಬೇಕಾದರೂ ಲಿಫ್ಟ್ ನಲ್ಲಿ ಹೋಗಬಹುದು. ಈಗ ಬನ್ನಿ ಎಂದು ಆಹ್ವಾನಿಸಿದ್ದೆ. ಹೋಗೋಣ ಅಂತ ಹೇಳಿದ್ದರು. ಆದ್ರೆ, ಕೊನೆಗೂ ಆಗಲಿಲ್ಲ.

ಈಗಲೂ ತಾಯಿ ಬೈಯ್ತಾರೆ

ಕೊನೆಗೂ ಅಂಬರೀಶ್ ಅವರನ್ನ ಮನೆಗೆ ಕರೆದುಕೊಂಡು ಹೋಗುವ ಯೋಗ್ಯತೆ ನನಗಿರಲಿಲ್ಲ ಅನ್ಸುತ್ತೆ. ಈಗಲು ತಾಯಿ ನನ್ನನ್ನು ಬೈಯ್ತಾರೆ. ನೀನು ಅವರನ್ನ ಕರೆದುಕೊಂಡು ಬರಬೇಕಿತ್ತು. ಆದ್ರೆ, ಅದೇನ್ ದುರಾದೃಷ್ಟನೋ ಗೊತ್ತಿಲ್ಲ. ಆಗ್ಲಿಲ್ಲ ಎಂದು ಪ್ರೇಮ್ ಬೇಸರ ಮಾಡಿಕೊಂಡಿದ್ದಾರೆ.

ಅಂಬಿಯನ್ನ ನೆನೆದ ಪ್ರೇಮ್

ಈ ವಾರ ಜೀ ಕನ್ನಡದಲ್ಲಿ ದಿ ವಿಲನ್ ಸಿನಿಮಾ ಟೆಲಿಕಾಸ್ಟ್ ಮಾಡ್ತಿದ್ದಾರೆ. ಈ ವೇಳೆ ವಿಡಿಯೋ ಬೈಟ್ ನಲ್ಲಿ ಮಾತನಾಡುವಾಗ ಪ್ರೇಮ್ ಈ ವಿಷ್ಯವನ್ನ ಹಂಚಿಕೊಂಡು ಭಾವುಜರಾದರು.