ರಚಿತಾ-ರಾಣಾ ಕಿಸ್ ಬಗ್ಗೆ ಪ್ರೇಮ್ ಕೊಟ್ಟ ಸ್ಪಷ್ಟನೆ ಏನು?

ಐ ಲವ್ ಯೂ ಸಿನಿಮಾ ವೇಳೆ ರಚ್ಚು ಬೇಸರ!

ರಚಿತಾ ರಾಮ್ ಅಂದ್ರೆ ಕ್ಲಾಸ್ ಹುಡುಗಿ. ಸಂಪ್ರದಾಯಸ್ಥ ಲುಕ್, ಗ್ಲಾಮರ್, ಸೀರೆಯ ಲುಕ್ ಹೀಗೊಂದು ಕಲ್ಪನೆ. ಆದರೆ, ಐ ಲವ್ ಯೂ ಸಿನಿಮಾದ ಹಾಡೊಂದರಲ್ಲಿ ಸಖತ್ ಬೋಲ್ಡ್ ಆಗಿ ನಟಿಸಿದ್ದರು. ಇದು ಸಹಜವಾಗಿ ರಚಿತಾ ರಾಮ್ ಅಭಿಮಾನಿಗಳಿಗೆ ಬೇಸರ ತಂದಿತ್ತು. ಸೋಶಿಯಲ್ ಮೀಡಿಯಾದಲ್ಲಿ ರಚ್ಚು ಕುರಿತು ಟೀಕಿಸಿದರು. ಬಳಿಕ, ಇಂತಹ ಬೋಲ್ಡ್ ಪಾತ್ರ ಮತ್ತೆ ಮಾಡಲ್ಲ ಎಂದು ರಚಿತಾ ಕಣ್ಣೀರು ಹಾಕಿದ್ದನ್ನು ನೆನಪು ಹಾಕಬಹುದು.

ಲಿಪ್ ಕಿಸ್ ಮಾಡಿದ್ದು ಯಾಕೆ?

'ಐ ಲವ್ ಯೂ' ಸಿನಿಮಾದ ವೇಳೆ ಅಷ್ಟೆಲ್ಲಾ ಟೀಕೆಗೆ ಗುರಿಯಾಗಿದ್ದ ರಚ್ಚು, ಮುಂದಿನ ದಿನದಲ್ಲಿ ತುಂಬಾ ಬೋಲ್ಡ್ ಪಾತ್ರ ಮಾಡಲ್ಲ ಅಂದಿದ್ದರು. ಆದರೆ, ಹೊಸ ಹೀರೋ ಜೊತೆ ಲಿಪ್ ಕಿಸ್ ಮಾಡಿ ಮತ್ತೆ ಸುದ್ದಿಯಾಗಿದ್ದಾರೆ. ಟೀಸರ್ ಗಮನಿಸಿದರೆ, ಏಕ್ ಲವ್ ಯಾ ಚಿತ್ರದಲ್ಲಿ ರಚಿತಾ ಸ್ವಲ್ಪ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದಾರೆ ಎನ್ನಲಾಗಿದೆ. ಟೀಸರ್ ನಲ್ಲು ಲಿಪ್ ಕಿಸ್ ಹೆಚ್ಚು ಫೋಕಸ್ ಆಗಿರುವುದು ರಚ್ಚು ಬಗ್ಗೆ ಮಾತನಾಡುವಂತಾಗಿದೆ.

ಪ್ರೇಮ್ ಏನಂದ್ರು?

ಚಿತ್ರಗಳಲ್ಲಿ ಕಿಸ್ಸಿಂಗ್ ದೃಶ್ಯಗಳ ಅವಶ್ಯಕತೆ ಇದ್ಯಾ ಎಂಬ ಪ್ರಶ್ನೆಗೆ ಉತ್ತರಿಸಿದ ನಿರ್ದೇಶಕ ಪ್ರೇಮ್ ''ನಮ್ಮ ಭಾರತೀಯ ಅಥವಾ ಸೌತ್ ಇಂಡಿಯಾ ಚಿತ್ರಗಳಲ್ಲಿ ಸಂದರ್ಭಕ್ಕೆ ಬೇಕು ಎನಿಸಿದಾಗ ಕಿಸ್ ದೃಶ್ಯ ಮಾಡುವುದರಲ್ಲಿ ತಪ್ಪಿಲ್ಲ, ಆದರೆ ಸುಮ್ ಸುಮ್ಮನೆ ಎಲ್ಲದಕ್ಕೂ ಕಿಸ್ ಮಾಡಿಸುವುದು ತಪ್ಪು'' ಎಂದು ಪ್ರೇಮ್ ಹೇಳಿದ್ದಾರೆ. ಈ ಮೂಲಕ ಏಕ್ ಲವ್ ಯಾ ಚಿತ್ರದಲ್ಲಿರುವ ಈ ಕಿಸ್ ಕೂಡ ಅವಶ್ಯಕವಾಗಿತ್ತು ಎಂದು ಸಮರ್ಥಿಸಿಕೊಂಡಿದ್ದಾರೆ.

ಈ ಪಾತ್ರ ಒಪ್ಪಲು ಕಾರಣ ಬಿಚ್ಚಿಟ್ಟ ರಚ್ಚು

''ನಿರ್ದೇಶಕ ಪ್ರೇಮ್ ಜೊತೆಗೆ ಒಂದು ಸಿನಿಮಾದಲ್ಲಿಯಾದರೂ, ಕೆಲಸ ಮಾಡಬೇಕು ಆಸೆ ಇತ್ತು. ಪ್ರೇಮ್ ನಟಿಯರಿಗೆ ಕೊಡುವ ಪ್ರಾಮುಖ್ಯತೆ ತುಂಬ ಇಷ್ಟ. ಜೀವನದಲ್ಲಿ ಯಾರೇ ಆಗಲಿ ಒಂದೇ ಸಲ ಎಡವುತ್ತಾರೆ. ನಾನು ಸಿನಿಮಾದಲ್ಲಿ ಒಂದು ಕಂಟೆಂಟ್ ಇರುವ ಕಾರಣಕ್ಕೆ ಈ ಪಾತ್ರ ಒಪ್ಪಿಕೊಂಡೆ. ಇಂತಹ ಪಾತ್ರ ಮಾಡಬೇಡಿ ಅಂತ ಅಭಿಮಾನಿಗಳು ಪ್ರೀತಿಯಿಂದ ಹೇಳುತ್ತಾರೆ. ಆದರೆ, ಸಿನಿಮಾ ನೋಡಿ, ಆ ನಂತರ ಹೇಳಿ. ಅಭಿಮಾನಿಗಳು ಇಲ್ಲದೆ ರಚಿತಾ ಸೊನ್ನೆ' ಎಂದು ರಚಿತಾ ಹೇಳಿದ್ದಾರೆ.