ಅಮರೇಶ್ವರನ ಮಗ ಅರ್ಕೇಶ್ವರನ 'ಕಬ್ಜ' ಕಥೆ.. ಬ್ರಿಟೀಷರ ವಿರುದ್ಧ ತಂದೆ ಹೋರಾಟ: ಭೂಗತ ಲೋಕದಲ್ಲಿ ಮಗನ ಹಾರಾಟ!

ಅಮರೇಶ್ವರನ ಮಗ ಅರ್ಕೇಶ್ವರನ ಕಥೆ

ಹಿಂದಿ ಟೀಸರ್ ಬಿಡುಗಡೆ ಆಗುತ್ತಿದ್ದಂತೆ ಆರ್‌. ಚಂದ್ರು ಚಿತ್ರದ ಕಥೆ ಬಗ್ಗೆ ಸಣ್ಣ ಸುಳಿವು ಕೊಟ್ಟಿದ್ದಾರೆ. 'ಕಬ್ಜ' ಸಿನಿಮಾ ಕಥೆ 1947ರಿಂದ ಆರಂಭವಾಗುತ್ತದೆ. ತಂದೆ ಸ್ವಾತಂತ್ರ್ಯ ಹೋರಾಟಗಾರ ಅಮರೇಶ್ವರ ಬ್ರಿಟೀಷರಿಂದ ಅಸುನೀಗುತ್ತಾನೆ. ಮುಂದೆ ಆತನ ಮಗ ಅರ್ಕೇಶ್ವರ ಭೂಗತಲೋಕದ ರಾಜನಾಗುವ ಕಥೆಯನ್ನು ಆರ್‌. ಚಂದ್ರು ಹೇಳಲು ಬರ್ತಿದ್ದಾರೆ. 1960ರಿಂದ 1984ರ ನಡುವಿನ ಅವಧಿಯಲ್ಲಿ ಡಾನ್ ಆಗಿ ಅರ್ಕೇಶ್ವರನ ಆರ್ಭಟ ಹೇಗಿರುತ್ತೆ ಎನ್ನುವುದನ್ನು ಕಟ್ಟಿಕೊಡಲಾಗುತ್ತಿದೆ.

ಭಾರೀ ಮೊತ್ತಕ್ಕೆ ಹಿಂದಿ ರೈಟ್ಸ್ ಸೇಲ್

ಹಿಂದಿ ಬೆಲ್ಟ್‌ನಲ್ಲಿ ಇತ್ತೀಚೆಗೆ ಕನ್ನಡ ಸಿನಿಮಾಗಳು ಜೋರಾಗಿ ಸದ್ದು ಮಾಡ್ತಿವೆ. 'KGF' ಸರಣಿ ಹಾಗೂ 'ಕಾಂತಾರ' ನಂತರ 'ಕಬ್ಜ' ವಿಶ್ವದಾದ್ಯಂತ ಸದ್ದು ಮಾಡುವ ಸುಳಿವು ಸಿಗ್ತಿದೆ. ಆನಂದ್ ಮೋಷನ್ ಪಿಕ್ಚರ್ಸ್ ಸಂಸ್ಥೆ ಭಾರೀ ಮೊತ್ತಕ್ಕೆ ಹಿಂದಿ ರೈಟ್ಸ್ ಖರೀದಿಸಿದ್ದು ದೊಡ್ಡಮಟ್ಟದಲ್ಲಿ ಸಿನಿಮಾ ರಿಲೀಸ್ ಪ್ಲ್ಯಾನ್ ನಡೀತಿದೆ. ಬಾಲಿವುಡ್‌ನಲ್ಲೂ 'ಕಬ್ಜ' ಕಾರುಬಾರು ನಡೆಯುವ ಸಾಧ್ಯತೆಯಿದೆ.

ಬಹುನಿರೀಕ್ಷಿತ ಸಿನಿಮಾ 'ಕಬ್ಜ'

ಎಲ್ಲಾ ಅಂದುಕೊಂಡಂತೆ ಆಗಿದ್ದರೆ ಈಗಾಗಲೇ 'ಕಬ್ಜ' ಸಿನಿಮಾ ತೆರೆಗೆ ಬರಬೇಕಿತ್ತು. ಕರೋನ ಹಾವಳಿಯಿಂದ ಸಿನಿಮಾ ರಿಲೀಸ್ ತಡವಾಗಿತ್ತು. ಮುಂದಿನ ವರ್ಷ ಸಿನಿಮಾ ತೆರೆಗಪ್ಪಳಿಸಲಿದೆ ಎಂದು ನಿರ್ದೇಶಕ ಆರ್,ಚಂದ್ರು ಫಿಲ್ಮಿಬೀಟ್‌ಗೆ ಮಾಹಿತಿ ನೀಡಿದ್ದಾರೆ. ಕೋಟ ಶ್ರೀನಿವಾಸ್‌ ರಾವ್, ಸಮುದ್ರ ಖನಿ, ಡ್ಯಾನಿಶ್ ಅಖ್ತರ್, ಮನೋಜ್ ಬಾಜ್‌ಪೇ, ನವಾಬ್ ಶಾ ಸೇರಿದಂತೆ ಘಟಾನುಘಟಿ ಕಲಾವಿದರು ತಾರಾಗಣದಲ್ಲಿದ್ದಾರೆ.

2 ಭಾಗಗಳಾಗಿ 'ಕಬ್ಜ' ಸಿನಿಮಾ ತೆರೆಗೆ

ಮೊದಲಿಗೆ 'ಕಬ್ಜ' ಸಿನಿಮಾ ಒಂದೇ ಭಾಗದಲ್ಲಿ ತೆರೆಗೆ ಬರುತ್ತೆ ಎನ್ನಲಾಗಿತ್ತು. ಲಾಕ್‌ಡೌನ್ ಸಮಯಲ್ಲಿ ಕಥೆಯನ್ನು ಮತ್ತಷ್ಟು ವಿಸ್ತರಿಸಿ ಕಥೇ ಸಿದ್ಧಪಡಿಸಲಾಗಿದೆ. ಮುಕುಂದ ಮುರಾರಿ ನಂತರ ಸುದೀಪ್ ಹಾಗೂ ಉಪೇಂದ್ರ ಒಟ್ಟಿಗೆ ನಟಿಸುತ್ತಿದ್ದಾರೆ. ಕಿಚ್ಚ ಸುದೀಪ್ ಸ್ಪೆಷಲ್ ರೋಲ್‌ನಲ್ಲಿ ಬಣ್ಣ ಹಚ್ಚಿದ್ದು, ಚಿತ್ರದಲ್ಲಿ ಅವರಿಗೆ ಸಿಕ್ಕಾಪಟ್ಟೆ ಇಂಪಾರ್ಟೆನ್ಸ್ ಇದೆ.