Don't Miss!
- Lifestyle ಗ್ರಹಣ ಕಾಲದಲ್ಲಿ ಆಹಾರ ಸೇವಿಸಬಾರದೇಕೆ.? ಹಿರಿಯರ ವಾದವೇನು..?
- Technology ಬಜೆಟ್ ದರದಲ್ಲಿ ಬೆಸ್ಟ್ 5G ಫೋನ್ ಬೇಕಿದ್ರೆ, ಈ ಲಿಸ್ಟ್ ಒಮ್ಮೆ ಗಮನಿಸಿ!
- Finance ಆದಾಯ ತೆರಿಗೆ ಇಲಾಖೆಯಿಂದ ಕಾಂಗ್ರೆಸ್ಗೆ 1,823 ಕೋಟಿ ರೂ. ನೋಟಿಸ್: ತೆರಿಗೆ ಭಯೋತ್ಪಾದನೆ ನಿಲ್ಲಲೇಬೇಕು ಎಂದ ಪಕ್ಷ
- News Namma Metro Purple Line: ದೈನಂದಿನ ಪ್ರಯಾಣಿಕರ ಸಂಖ್ಯೆಯಲ್ಲಿ ಭಾರೀ ಇಳಿಕೆ, ಕಾರಣಗಳೇನು?
- Sports Kohli vs Gambhir: ಹೈ-ವೋಲ್ಟೇಜ್ ಪಂದ್ಯದ ಬಗ್ಗೆ ಕೌಂಟರ್ ನೀಡಿದ ದಿನೇಶ್ ಕಾರ್ತಿಕ್
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸ್ಟಾರ್ ನಿರ್ದೇಶಕ ಆರ್ ಚಂದ್ರು ಪಡೆದ ಮೊದಲ ಸಂಬಳ ಎಷ್ಟು?
2008ರಲ್ಲಿ 'ತಾಜ್ಮಹಲ್' ಎಂಬ ಸಿನಿಮಾ ಬರುತ್ತೆ. ಈ ಚಿತ್ರದ ಮೂಲಕ ಆರ್ ಚಂದ್ರು ನಿರ್ದೇಶಕರಾಗಿ ಇಂಡಸ್ಟ್ರಿ ಪ್ರವೇಶ ಮಾಡ್ತಾರೆ. ಚೊಚ್ಚಲ ಬಾರಿಗೆ ಡೈರೆಕ್ಟರ್ ಕ್ಯಾಪ್ ತೊಟ್ಟಿದ್ದ ಆರ್ ಚಂದ್ರು ಮೊದಲ ಹೆಜ್ಜೆಯಲ್ಲೆ ಸೆಂಚುರಿ ಬಾರಿಸ್ತಾರೆ. ಅಲ್ಲಿಂದ ಸ್ಟಾರ್ ನಟರ ಅಚ್ಚುಮೆಚ್ಚಿನ ನಿರ್ದೇಶಕ ಆಗ್ತಾರೆ.
Recommended Video
ಆದ್ರೆ, ಆರ್ ಚಂದ್ರು ನಿರ್ದೇಶಕನಾಗಿ ಕೆಲಸ ಮಾಡುವುದಕ್ಕೂ ಮುಂಚೆ ಧಾರಾವಾಹಿಗಳಲ್ಲಿ ಕೆಲಸ ಮಾಡಿದ್ದರು. ಸುಮಾರು ಐದಾರು ವರ್ಷಗಳ ಕಾಲ ಸಹಾಯಕನಾಗಿ, ಸಹಾಯಕ ನಿರ್ದೇಶಕನಾಗಿ, ಬರಹಗಾರನಾಗಿ ಕಾರ್ಯನಿರ್ವಹಿಸಿದ್ದರು ಎನ್ನುವುದು ರೋಚಕ ಕಥೆ. ಈ ಹಂತದಲ್ಲಿ ಆರ್ ಚಂದ್ರ ಪಡೆದ ಮೊದಲ ಸಂಬಳ ಎಷ್ಟು ಗೊತ್ತಾ? ಮುಂದೆ ಓದಿ...
ಎಸ್ ನಾರಾಯಣ್ ಬಳಿ ಕೆಲಸ
ಚಿಕ್ಕಬಳ್ಳಾಪುರದ ಕೇಶಾವರದಿಂದ ಬೆಂಗಳೂರಿಗೆ ಬಂದ ಆರ್ ಚಂದ್ರು ಸ್ನೇಹಿತರ ಪರಿಚಯದೊಂದಿಗೆ ಎಸ್ ನಾರಾಯಣ್ ಅವರ ತಂಡದಲ್ಲಿ ಕೆಲಸಕ್ಕೆ ಸೇರುತ್ತಾರೆ. ಆರಂಭದಲ್ಲಿ ಬರಹಗಾರನಾಗಿ ಚಂದ್ರು ಕೆಲಸ ಪಡೆದುಕೊಳ್ಳುತ್ತಾರೆ. ಉಳಿಯಲು ಮನೆ ಸಹ ಇರುವುದಿಲ್ಲ. ಕೋಣನಕುಂಟೆ ಬಳಿಯಿರುವ ಸ್ನೇಹಿತನ ಜೊತೆ ರಮ್ಯಾ ಬಾರ್ನಲ್ಲಿ ಉಳಿದುಕೊಳ್ಳುವ ಆರ್ ಚಂದ್ರು ಅಲ್ಲಿಂದ ಪ್ರತಿದಿನ ಧಾರಾವಾಹಿ ಘಟಕಕ್ಕೆ ಹೋಗುತ್ತಿರುತ್ತಾರೆ.
'ಈ ಸಿನಿಮಾ ಇಂಡಸ್ಟ್ರಿ ಬೇಡ ವಾಪಸ್ ಹೋಗ್ಬಿಡು ಅಂದಿದ್ರು ಆ ವ್ಯಕ್ತಿ'- ಆರ್ ಚಂದ್ರು
ಆರ್ ಚಂದ್ರು ಪಡೆದ ಮೊದಲ ವೇತನ?
ಆರ್ ಚಂದ್ರು ಇಂದು ನೂರು ಕೋಟಿ ಸಿನಿಮಾ ಮಾಡುತ್ತಿದ್ದಾರೆ. ಏಳು ಭಾಷೆಯಲ್ಲಿ ಸಿನಿಮಾ ನಿರ್ದೇಶನ ಮಾಡುತ್ತಿದ್ದಾರೆ. ಆದರೆ, ಧಾರಾವಾಹಿಯಲ್ಲಿ ಸಹಾಯಕನಾಗಿ ಕೆಲಸ ನಿರ್ವಹಿಸುತ್ತಿದ್ದ ಚಂದ್ರು ಮೊದಲ ವೇತನವಾಗಿ 2000 ರೂಪಾಯಿ ಪಡೆದಿದ್ದೆ ಎಂದು 'ಫಿಲ್ಮಿಬೀಟ್ ಡೈರೆಕ್ಟರ್ ಡೈರಿ' ಕಾರ್ಯಕ್ರಮದಲ್ಲಿ ಹೇಳಿಕೊಂಡಿದ್ದಾರೆ.
ಐದು ವರ್ಷದ ಅನುಭವ
ಎಸ್ ನಾರಾಯಣ್ ಅವರ ತಂಡದಲ್ಲಿ ಸುಮಾರು ಐದು ವರ್ಷ ಆರ್ ಚಂದ್ರು ಕೆಲಸ ಮಾಡಿದ್ದಾರೆ. ಆರಂಭದಲ್ಲಿ 2000 ರೂಪಾಯಿ ಸಂಬಳ ಪಡೆದ ಚಂದ್ರು, ನಂತರ 2500, ಆಮೇಲೆ 3000 ತದನಂತರ 3500 ರೂಪಾಯಿವರೆಗೂ ವೇತನ ಪಡೆದಿದ್ದರು.
ಆಗಲೇ ಹುಟ್ಟಿದ್ದು ಮೊದಲ ಕಥೆ
ಅಷ್ಟೊತ್ತಿಗಾಗಲೇ ಚಂದ್ರು ಒಂದು ಕಥೆ ಮಾಡ್ಕೊಂಡು ನಿರ್ಮಾಪಕರನ್ನು ಹುಡುಕಲು ಆರಂಭಿಸಿದ್ದರು. ಚಂದ್ರು ಜೊತೆ ನಟ ಗಣೇಶ್ ಸಹ ಸಾಥ್ ನೀಡುತ್ತಿದ್ದರು. ಎಸ್ ನಾರಾಯಣ್ ಅವರು ಚಂದ್ರಚಕೋರಿ ಸಿನಿಮಾ ಮಾಡ್ತಿದ್ರು. ಈ ಸಮಯದಲ್ಲಿ 4500 ಸಂಬಳ ತಗೊಳ್ತಿದ್ರು. ಈ ಸಿನಿಮಾ ಚಿತ್ರೀಕರಣ ಆಗ್ತಿರುವ ಸಮಯದಲ್ಲಿ ಚಂದ್ರು ಧಾರಾವಾಹಿ ತಂಡವನ್ನು ಬಿಟ್ಟರು.