'ಮಂಕಿ ಸೀನ'ನಿಗೆ ಫಿದಾ ಆದ ರಾಮ್ ಗೋಪಾಲ್ ವರ್ಮಾ: ಧನಂಜಯ್ ಬಗ್ಗೆ ಹೇಳಿದ್ದೇನು?

ಪಾಪ್ ಕಾರ್ನ್ ತಿನ್ನುತ್ತ ಮಂಕಿಯಂತೆ ಹಾರುತ್ತಿದ್ದರು

ಧನಂಜಯ್ ಬಗ್ಗೆ ಟ್ವಿಟ್ಟರ್ ನಲ್ಲಿ ಬರೆದುಕೊಂಡಿರುವ ವರ್ಮಾ "ಧನಂಜಯ್ ನಿಮಗೆ ಅಭಿನಂದನೆಗಳು. ನೀವು ಈ ಸೂಪರ್ ಯಶಸ್ವಿಗೆ ಅರ್ಹರು. ಸಿನಿಮಾದಲ್ಲಿ ನೀವು ಹುಲಿಯಂತೆ ಘರ್ಜಿಸುತ್ತಿರುವಾಗ ಪ್ರೇಕ್ಷಕರು ಪಾಪ್ ಕಾರ್ನ್ ತಿನ್ನುತ್ತ ಮತ್ತು ಸಖತ್ ಸಂಭ್ರಮದಲ್ಲಿ ಮಂಕಿಯಂತೆ ಹಾರುತ್ತಿದ್ದರು ಎಂದು ನಾನು ಕೇಳಿದೆ" ಎಂದು ಹೇಳಿದ್ದಾರೆ.

ಧನಂಜಯ್ ಹೇಳಿದ್ದೇನು?

ಖ್ಯಾತ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಹೇಳಿರುವ ಮಾತುಗಳನ್ನು ಕೇಳಿ ಧನಂಜಯ್ ಸಂತಸಪಟ್ಟಿದ್ದಾರೆ. ವರ್ಮಾ ಮಾತಿಗೆ ಪ್ರತಿಕ್ರಿಯೆ ನೀಡಿರುವ ಧನಂಜಯ್ ಧನ್ಯವಾದಗಳನ್ನು ತಿಳಿಸಿ ವರ್ಮಾಮೇಲಿನ ಅತಿಯಾದ ಪ್ರೀತಿಯನ್ನು ವ್ಯಕ್ತಪಡಿಸಿದ್ದಾರೆ.

Popcorn Monkey Tiger Review: ಶಿವಮೊಗ್ಗ ಸ್ಪೆಷಲ್ ಬಿರಿಯಾನಿ ಸಿಕ್ಕಾಪಟ್ಟೆ ಖಾ'ರ'

ವರ್ಮಾ ಜೊತೆ ಸಿನಿಮಾ ಮಾಡಿರುವ ಡಾಲಿ

ಟಗರು ಚಿತ್ರದ ಡಾಲಿ ಪಾತ್ರ ನೋಡಿ ಮನಸೋತಿದ್ದ ರಾಮ್ ಗೋಪಾಲ್ ವರ್ಮಾ ಧನಂಜಯ್ ಜೊತೆ ಸಿನಿಮಾ ಮಾಡುವುದಾಗಿ ಹೇಳಿದ್ದರು. ಅದರಂತೆ ಮರ್ಮಾ ನಿರ್ಮಾಣದಲ್ಲಿ ಧನಂಜಯ್ ಭೈರವ ಗೀತಾ ಸಿನಿಮಾದಲ್ಲಿ ನಾಯಕನಾಗಿ ಮಿಂಚಿದ್ದರು. ಈ ಸಿನಿಮಾ ತೆಲುಗು ಮತ್ತು ಕನ್ನಡ ಎರಡೂ ಭಾಷೆಯಲ್ಲು ತೆರೆಗೆ ಬಂದಿತ್ತು.

ಪಾಪ್ ಕಾರ್ನ್ ಮಂಕಿ ಟೈಗರ್

ಶಿವರಾತ್ರಿ ದಿನ ತೆರೆಗೆ ಬಂದ ಪಾಪ್ ಕಾರ್ನ್ ಮಂಕಿ ಟೈಗರ್ ಸಿನಿಮಾ ಹೌಸ್ ಫುಲ್ ಪ್ರದರ್ಶನ ಕಾಣುತ್ತಿದೆ. ಸಿನಿಮಾ ರಿಲೀಸ್ ಆಗಿ ಮೂರು ದಿನಗಳು ಕಳೆದಿವೆ. ಮೂರು ದಿನಗಳಲ್ಲಿ ಸುಮಾರು 7 ಕೋಟಿ ಕಲೆಕ್ಷನ್ ಮಾಡಿದೆ ಎಂದು ಹೇಳಲಾಗುತ್ತಿದೆ. ಸೂರಿ ಮತ್ತು ಧನಂಜಯ್ ಪಾಪ್ ಕಾರ್ನ್ ಮಂಕಿ ಟೈಗರ್ ಬಾಕ್ಸ್ ಆಫೀಸ್ ನಲ್ಲಿ ಧೂಳ್ ಎಬ್ಬಿಸುತ್ತಿದೆ.