Don't Miss!
- Lifestyle ಶಾಲೆಯನ್ನೇ ಬ್ಯೂಟಿ ಪಾರ್ಲರ್ ಮಾಡಿಕೊಂಡ ಪ್ರಿನ್ಸಿಪಾಲ್..! ಕೇಳಿದ ಶಿಕ್ಷಕಿ ಕೈ ಕಚ್ಚಿ ಹಲ್ಲೆ..!
- Automobiles ಜಾವಾ ಮೋಟಾರ್ಸೈಕಲ್ ಮಾಲೀಕರಿಗೆ ಸಿಹಿಸುದ್ದಿ: ಈ ಅವಕಾಶ ಕಳೆದುಕೊಳ್ಳಬೇಡಿ!
- Finance ಎಮರ್ಜೆನ್ಸಿ ಲೋನ್ ಅಂದ್ರೆ ಏನು, ಇದನ್ನು ಪಡೆದುಕೊಳ್ಳುವುದು ಹೇಗೆ ? ಇಲ್ಲಿದೆ ನೋಡಿ ಸುಲಭ ಉಪಾಯ
- News Yaduveer Wadiyar: ಬಿಜೆಪಿ ಅಭ್ಯರ್ಥಿ ಯದುವೀರ್ ಒಡೆಯರ್ಗೆ ಶಾಕ್ ಕೊಟ್ಟ ಒಕ್ಕಲಿಗರು!
- Sports ಜೈಪುರ ವ್ಯಾಕ್ಸ್ ಮ್ಯೂಸಿಯಂನಲ್ಲಿ ವಿರಾಟ್ ಕೊಹ್ಲಿ ಮೇಣದ ಪ್ರತಿಮೆ; ದಿಗ್ಗಜರ ಸಾಲಿಗೆ ಸೇರಿದ ಶ್ರೇಷ್ಠ ಬ್ಯಾಟರ್
- Technology ಇಂದು ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G ಫೋನ್ ಸೇಲ್!..ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮದ್ಯ ಕೊಳ್ಳಲು ಹುಡುಗಿಯರ ಸಾಲು: ಗೇಲಿ ಮಾಡಿದವರಿಗೆ ಹರ್ಷಿಕಾ ಪೂಣಚ್ಚ ಚಾಟಿ
ಲಾಕ್ಡೌನ್ನಿಂದಾಗಿ ಮಚ್ಚಲ್ಪಟ್ಟಿದ್ದ ಮದ್ಯದಂಗಡಿಗಳನ್ನು ಕೆಲ ದಿನಗಳ ಹಿಂದೆ ತೆರೆಯಲು ರಾಜ್ಯ ಸರ್ಕಾರ ಆದೇಶ ನೀಡಿತು. ಅದರಂತೆ ಮದ್ಯ ಪ್ರಿಯರು ಮುಗಿಬಿದ್ದು ಮದ್ಯ ಖರೀದಿ ಮಾಡಿದರು. ಅದರಲ್ಲಿ ಯುವತಿಯರು, ಮಹಿಳೆಯರೂ ಸೇರಿದ್ದರು.
Recommended Video
ಬೆಂಗಳೂರು ಸೇರಿದಂತೆ ಕೆಲವು ಜಿಲ್ಲೆಗಳಲ್ಲಿ ಮದ್ಯದಂಗಡಿಗಳ ಮುಂದೆ ಯುವತಿಯರು, ಮಹಿಳೆಯರು ಮದ್ಯಕ್ಕಾಗಿ ಸಾಲಿನಲ್ಲಿ ನಿಂತಿದ್ದರು. ಇದರ ವಿಡಿಯೋ, ಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡು ಮಹಿಳೆಯರು ಕುಡಿತಕ್ಕೆ ಹಾತೊರೆಯುತ್ತಿದ್ದಾರೆಂದು ಗೇಲಿ ಮಾಡಲಾಗಿತ್ತು.
ಹೀಗೆ ಮಹಿಳೆಯರನ್ನು ಗೇಲಿ ಮಾಡಿದ ಬಗ್ಗೆ ಆಕ್ಷೇಪಗಳು ಸಹ ಸಾಮಾಜಿಕ ಜಾಲತಾಣದಲ್ಲಿ ವ್ಯಕ್ತವಾಗಿದ್ದವು. ಈ ಆಕ್ಷೇಪದ ದನಿಗೆ ನಟಿ ಹರ್ಷಿಕಾ ಪೂಣಚ್ಚ ಸಹ ತಮ್ಮ ದನಿಯನ್ನು ಸೇರಿಸಿದ್ದು, ಮದ್ಯ ಖರೀದಿಸಲು ಸಾಲಿನಲ್ಲಿ ನಿಂತ ಮಹಿಳೆಯರನ್ನು ಗೇಲಿ ಮಾಡುವ ಕ್ರಮ ಸ್ವಲ್ಪವೂ ಸರಿಯಲ್ಲ ಎಂದು ಆಕ್ಷೇಪಿಸಿದ್ದಾರೆ.
ಮಹಿಳೆಯರೆಂಬ ತಾರತಮ್ಯ ಬೇಡ
'ಕನ್ನಡ ಫಿಲ್ಮೀಬೀಟ್' ಫೇಸ್ಬುಕ್ ಪೇಜ್ನ ಲೈವ್ನಲ್ಲಿ ಮಾತನಾಡಿದ ಅವರು, ಮದ್ಯ ಎಲ್ಲರಿಗೂ ಕೆಟ್ಟದ್ದೇ. ಆದರೆ 'ಮಹಿಳೆಯರು' ಕ್ಯೂ ನಲ್ಲಿ ನಿಂತಿದ್ದಾರೆ, 'ಮಹಿಳೆಯರು' ಕುಡಿಯುತ್ತಿದ್ದಾರೆ ಎಂದು ಬೇರ್ಪಡಿಸಿ ಅಥವಾ ತಾರತಮ್ಯದ ದೃಷ್ಟಿಯಿಂದ ನೋಡುವುದು ಸರಿಯಲ್ಲ ಎಂದಿದ್ದಾರೆ.
ಮದ್ಯ ಎಲ್ಲರಿಗೂ ಕೆಟ್ಟದ್ದೇ: ಹರ್ಷಿಕಾ
'ಮಹಿಳೆಯರು ಕುಡಿಯುತ್ತಿದ್ದಾರೆ ನೋಡಿ' ಎಂದು ಚಿತ್ರಗಳನ್ನು ಹಂಚಿಕೊಳ್ಳುವ ಮಂದಿ ಹೆಣ್ತನವನ್ನು ಗೇಲಿ ಮಾಡಿದಂತೆಯೇ. ಕುಡಿತ ತಪ್ಪು ಎಂಬುದು ನಿಮ್ಮ ಅಭಿಪ್ರಾಯವಾಗಿದ್ದರೆ ಅದನ್ನು ಪುರುಷ, ಮಹಿಳೆ ಇಬ್ಬರಿಗೂ ತಿಳಿಹೇಳಿ, ಅದನ್ನು ಬಿಟ್ಟು ಮಹಿಳೆಯರು ಕುಡಿಯುವುದು ಮಹಾಪರಾಧ ಎಂಬಂತೆ ಬಿಂಬಿಸಬೇಡಿ. ಕುಡಿತ ಎಲ್ಲರಿಗೂ ತಪ್ಪು ಎಂಬುದು ನನ್ನ ಅಭಿಪ್ರಾಯ ಎಂದು ಹರ್ಷಿಕಾ ಪೂಣಚ್ಚ ಹೇಳಿದ್ದಾರೆ.
ಚಿತ್ರಗಳು-ವಿಡಿಯೋಗಳು ಹರಿದಾಡಿದ್ದವು
ಕರ್ನಾಟಕ ಮತ್ತು ಇತರೆ ರಾಜ್ಯಗಳಲ್ಲಿ ಬಾರ್ ತೆರೆದ ದಿನ ಮಹಿಳೆಯರು ಕ್ಯೂ ನಲ್ಲಿ ನಿಂತಿದ್ದ ಚಿತ್ರಗಳು, ವಿಡಿಯೋಗಳು ವಿಪರೀತ ಎಂಬಷ್ಟು ಹರಿದಾಡಿದವು. ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿಯೂ ಆಕ್ಷೇಪ ವ್ಯಕ್ತವಾಗಿತ್ತು.
ರಾಮ್ಗೋಪಾಲ್ ವರ್ಮಾ ಸಹ ಶೇರ್ ಮಾಡಿದ್ದರು
ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಸಹ ಯುವತಿಯರು ಮದ್ಯ ಖರಿದಿಸಲು ಸಾಲಿನಲ್ಲಿ ನಿಂತಿರುವ ವಿಡಿಯೋ ಟ್ವೀಟ್ ಮಾಡಿ, ಮಹಿಳೆಯರ ಆಕ್ರೋಶಕ್ಕೆ ಗುರಿಯಾಗಿದ್ದರು. ನಂತರ ಆ ಬಗ್ಗೆ ಸ್ಪಷ್ಟನೆ ನೀಡಿದರು.