ಸೋನು ಗೌಡ ಆಪ್ತ ಗೆಳತಿ ಕೀರ್ತಿ ಸುರೇಶ್: ಕೀರ್ತಿಯನ್ನು ಏನಂತ ಕರೀತಾರೆ ಸೋನು?

ಸೋನು ಗೌಡ ಫೋಟೊ ಹಂಚಿಕೊಂಡ ಕೀರ್ತಿ!

ನಟಿ ಕೀರ್ತಿ ಸುರೇಶ್ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಕೆಲವು ಹೊಸ ಫೋಟೊಗಳನ್ನು ಹಂಚಿಕೊಂಡಿದ್ದಾರೆ. ಇದು ಸಿನಿಮಾಗೆ ಸಂಬಂಧ ಪಟ್ಟ ಫೋಟೊ ಅಲ್ಲ. ಬದಲಿಗೆ ಕೀರ್ತಿ ಸುರೇಶ್ ಸ್ನೇಹಿತರೊಂದಿಗೆ ಪಾರ್ಟಿಯಲ್ಲಿ ಭಾಗಿಯಾದ ಫೋಟೊ. ಈ ಫೋಟೊದಲ್ಲಿ ಕನ್ನಡದ ನಟಿ ಸೋನು ಗೌಡ ಕೂಡ ಇದ್ದಾರೆ. ಕೀರ್ತಿ ಸುರೇಶ್ ಜೊತೆಗೆ ಸೋನು ಗೌಡ ಕೂಡ ಫೋಟೊಗಳಿಗೆ ಪೋಸ್ ಕೊಟ್ಟಿದ್ದಾರೆ

ಕೀರ್ತಿ ಬಗ್ಗೆ ಮಾತಾಡಿದ ಸೋನು ಗೌಡ!

ಈ ಇಬ್ಬರನ್ನು ಮೊದಲ ಬಾರಿಗೆ ಒಟ್ಟಿಗೆ ನೋಡಿದರೆ, ಯಾವುದೋ ಸಿನಿಮಾಗಾಗಿ ಇಬ್ಬರು ಜೊತೆಗೂಡಿರಬಹುದು ಎಂದೆನಿಸುವುದು ಸಹಜ. ಆದರೆ ಇವರಿಬ್ಬರೂ ಬಹುಕಾಲದ ಗೆಳೆಯರು. ಕೀರ್ತಿ ಸುರೇಶ್ ಮತ್ತು ಸೋನು ಗೌಡ ಒಂದೇ ಸ್ನೇಹಿತರ ಗ್ಯಾಂಗ್‌ನಲ್ಲಿ ಇದ್ದಾರೆ. ಈ ಬಗ್ಗೆ ಸೋನು ಗೌಡ ಹೇಳಿದ್ದು ಹೀಗೆ "ನಾನು ಕೀರ್ತಿ ಸುರೇಶ್ ಬಹುಕಾಲದ ಸ್ನೇಹಿತರು. ಕಾಮನ್ ಫ್ರೆಂಡ್ ಒಬ್ಬರ ಮೂಲಕ ನಮ್ಮ ಪರಿಚಯವಾಯಿತು. ನಂತರ ನಾವು ಕ್ಲೋಸ್ ಆದೆವು. ಹೆಚ್ಚು ಸಮಯದಿಂದ ನಾನು ಕೀರ್ತಿಯನ್ನು ಬಲ್ಲೆ" ಎಂದಿದ್ದಾರೆ.

ಕೀರ್ತಿಯನ್ನು ಕಿಟ್ಟಿ ಎಂದು ಕರೀತಾರೆ ಸೋನು!

ಈ ಇಬ್ಬರು ಇತ್ತೀಚೆಗೆ ತಮ್ಮ ಸ್ನೇಹಿತರ ಮದುವೆ ಪಾರ್ಟಿಯಲ್ಲಿ ಭಾಗಿ ಆಗಿದ್ದಾರೆ. ಮದುವೆ ನಂತರದ ಪಾರ್ಟಿಯಲ್ಲಿ ಭಾಗಿ ಆಗಿದ್ದಾರೆ. ಪಾರ್ಟಿ ಫೋಟೊಗಳನ್ನು ಕೀರ್ತಿ ಸುರೇಶ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಈ ಫೋಟೊಗೆ ಸೋನು ಗೌಡ 'ಕಿಟ್ಟಿ' ಎಂದು ಕಮೆಂಟ್ ಮಾಡಿದ್ದಾರೆ. ಹಾಗಾಗಿ ಸೋನು ಗೌಡ, ಕೀರ್ತಿಯನ್ನು ಕಿಟ್ಟಿ ಎಂದು ಕರೆಯುತ್ತಾರೆ ಎನ್ನುವುದು ಗೊತ್ತಾಗಿದೆ.

ಸೋನು, ಕೀರ್ತಿ ಸಿನಿಮಾಗಳಲ್ಲಿ ಬ್ಯುಸಿ!

ಇನ್ನು ನಟಿ ಸೋನು ಗೌಡ, ಕೀರ್ತಿ ಸುರೇಶ್ ತಮ್ಮದೇ ಚಿತ್ರಗಳಲ್ಲಿ ಬ್ಯುಸಿಯಾಗಿದ್ದಾರೆ. ಕನ್ನಡ ಚಿತ್ರರಂಗದಲ್ಲಿ ಹಲವು ವರ್ಷಗಳಿಂದ ಸಿನಿಮಾ ಮಾಡುತ್ತಿರುವ ಸೋನು ಗೌಡ 'ವೆಡ್ಡಿಂಗ್ ಗಿಫ್ಟ್' ಚಿತ್ರ ರಿಲೀಸ್ ಆಗ್ಬೇಕಿದೆ. ಇನ್ನು ಕೀರ್ತಿ ಸುರೇಶ್ 'ಸರ್ಕಾರು ವಾರಿ ಪಾಟ' ಚಿತ್ರ ತೆರೆಕಂಡು ಪ್ರಶಂಸೆ ಪಡೆದಿದೆ.