Don't Miss!
- Sports ಟಿ20 ವಿಶ್ವಕಪ್ಗೆ ಭಾರತ ತಂಡದಲ್ಲಿ ಕೆಎಲ್ ರಾಹುಲ್ಗೆ ಸ್ಥಾನ?; ರಾಬಿನ್ ಉತ್ತಪ್ಪ ಹೇಳಿದ್ದೇನು?
- News karnataka Rain: ಬೆಂಗಳೂರಿನಲ್ಲಿ ಏ.23ರವರೆಗೆ ಮಳೆ- ಬೆಳಗಾವಿ ಮಂದಿಗೆ ಕುಂದಾ ಕೊಟ್ಟ ವರುಣ ಧಾರವಾಡ ಮಂದಿಗಿಂದು ಪೇಡಾ ಕೊಡ್ತಾನಾ?
- Technology ಆನ್ಲೈನ್ ಶಾಪಿಂಗ್ ಮಾಡಲು ಇಲ್ಲಿವೇ ನೋಡಿ ಬೆಸ್ಟ್ ವೆಬ್ಸೈಟ್ಗಳು!
- Automobiles Hyundai: ಹಳೆಯ ಹ್ಯುಂಡೈ ಕ್ರೆಟಾವನ್ನು ಮರೆತುಬಿಡಿ... ಹೊಸ ಕ್ರೆಟಾ ಈಗ ಮತ್ತಷ್ಟು ಪ್ರೀಮಿಯಂ SUV
- Finance ಸಂಸ್ಥೆಯ ಎಲ್ಲ 30,000 ಉದ್ಯೋಗಿಗಳಿಗೆ ವರ್ಕ್ ಫಮ್ ಹೋಂ ನೀಡಿದ ಟೆಕ್ ಕಂಪೆನಿ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ದೊಡ್ಮನೆ ದರ್ಬಾರ್' ಮೊದಲ ಶೋ ನೋಡಿದವರ ಟ್ವೀಟ್ ವಿಮರ್ಶೆ
ಕೊನೆಗೂ ಪುನೀತ್ ರಾಜ್ ಕುಮಾರ್ ಅವರ ಅಭಿಮಾನಿ ದೇವರುಗಳ ಕಾಯುವಿಕೆಗೆ ಇಂದು ಮುಂಜಾನೆಯಿಂದಲೇ (ಸೆಪ್ಟೆಂಬರ್ 30) ಬ್ರೇಕ್ ಬಿದ್ದಿದೆ. ನಿರ್ದೇಶಕ ದುನಿಯಾ ಸೂರಿ ಮತ್ತು ಪುನೀತ್ ರಾಜ್ ಕುಮಾರ್ ಅವರ ಹ್ಯಾಟ್ರಿಕ್ ಕಾಂಬಿನೇಷನ್ ನ 25ನೇ ಚಿತ್ರ 'ದೊಡ್ಮನೆ ಹುಡ್ಗ' ಇಡೀ ವಿಶ್ವದಾದ್ಯಂತ ಭರ್ಜರಿಯಾಗಿ ಬೆಳ್ಳಿ ತೆರೆಗೆ ಅಪ್ಪಳಿಸಿದೆ.
ಇನ್ನು ಬೆಂಗಳೂರು ಮೆಜೆಸ್ಟಿಕ್ ಬಳಿ ಇರುವ 'ನರ್ತಕಿ' ಚಿತ್ರಮಂದಿರದಲ್ಲಿ 'ದೊಡ್ಮನೆ ದರ್ಬಾರ್' ಬಹಳ ಜೋರಾಗಿದ್ದು, ಬೆಳಗ್ಗೆ 7.30ಕ್ಕೆ ಮೊದಲ ಪ್ರದರ್ಶನ ಆರಂಭವಾಗಿದೆ. ಅಭಿಮಾನಿಗಳು ಬಹಳ ಸಂಭ್ರಮದಿಂದ 'ದೊಡ್ಮನೆ ಹುಡುಗ'ನನ್ನು ಬರಮಾಡಿಕೊಂಡಿದ್ದು, ಎದ್ದೆನೋ-ಬಿದ್ದೆನೋ ಅಂತ ಸಿನಿಮಾ ನೋಡಲು ಚಿತ್ರಮಂದಿರದತ್ತ ದೌಡಾಯಿಸುತ್ತಿದ್ದಾರೆ.
ಅಂದಹಾಗೆ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಮತ್ತು ರೆಬೆಲ್ ಸ್ಟಾರ್ ಅಂಬರೀಶ್ ಅವರ ಜುಗಲ್ ಬಂದಿಯೇ ಈ ಇಡೀ ಸಿನಿಮಾದ ಹೈಲೈಟ್. ಜೊತೆಗೆ ನಟಿ ರಾಧಿಕಾ ಪಂಡಿತ್ ಅವರು ಸತತ ಎರಡನೇ ಬಾರಿ ಪುನೀತ್ ರಾಜ್ ಕುಮಾರ್ ಅವರ ಜೊತೆ ಡ್ಯುಯೆಟ್ ಹಾಡಿದ್ದು, ಈ ಚಿತ್ರದಲ್ಲಿ ದ್ವಿಪಾತ್ರ ವಹಿಸಿದ್ದಾರೆ ಅನ್ನೋದು ಮತ್ತೊಂದು ಹೈಲೈಟ್.['ದೊಡ್ಮನೆ ಹುಡ್ಗ' ನೋಡೋರಿಗೆ ಬಿರಿಯಾನಿ, 'ರಾಜ್ಕುಮಾರ್' ಲಾಡು ಫ್ರೀ!]
'ದೊಡ್ಮನೆ ಹುಡುಗ'ನನ್ನು ಅಭಿಮಾನಿಗಳು ಯಾವ ಪರಿ ಬರಮಾಡಿಕೊಂಡರು, ಮತ್ತು 'ದೊಡ್ಮನೆ ಹಬ್ಬ'ದ ಕೆಲವು ಪ್ರಮುಖ ಅಂಶಗಳನ್ನು ನೋಡಲು ಮುಂದೆ ಓದಿ....
ನರ್ತಕಿಯಲ್ಲಿ ರಂಗೇರಿದ 'ದೊಡ್ಮನೆ ಹುಡ್ಗ'
ಮುಖ್ಯ ಚಿತ್ರಮಂದಿರ, ಮೆಜೆಸ್ಟಿಕ್ ಬಳಿ ಇರುವ 'ನರ್ತಕಿ' ಚಿತ್ರಮಂದಿರದಲ್ಲಿ ಮುಂಜಾನೆಯಿಂದಲೇ ಹಬ್ಬದ ವಾತಾವರಣ ಸೃಷ್ಟಿಯಾಗಿದೆ. ಚಿತ್ರ ಪ್ರದರ್ಶನ ಆರಂಭಕ್ಕೂ ಮುನ್ನ ಅಭಿಮಾನಿಗಳು, ಪುನೀತ್ ರಾಜ್ ಕುಮಾರ್ ಅವರ ಬೃಹತ್ ಕಟೌಟ್ ಗೆ ನೂರೊಂದು ಕಾಯಿ ಒಡೆದು ಪೂಜೆ ಸಲ್ಲಿಸಿದ್ದಾರೆ. ಮಾತ್ರವಲ್ಲದೇ ಕಟೌಟ್ ಗೆ ಹಾಲಿನ ಅಭಿಷೇಕ ಮಾಡಿದ್ದಾರೆ.['ದೊಡ್ಮನೆ ಹುಡ್ಗ'ನ ಬಗ್ಗೆ ಅನೇಕರಿಗೆ ಗೊತ್ತಿಲ್ಲದ ಸತ್ಯ ಸಂಗತಿ]
ಎಂತ ಮಾರಾಯ್ರೆ ಟಿಕೆಟ್ ಸಿಗೋದು ಬಹಳ ಕಷ್ಟ
ನರ್ತಕಿ ಚಿತ್ರಮಂದಿರದಲ್ಲಿ ಬೆಳಗ್ಗೆ 7.30ಕ್ಕೆ ಶೋ ಆರಂಭವಾಗಿದ್ದು, ಇಂದಿನ 5 ಪ್ರದರ್ಶನದ ಟಿಕೆಟ್ ಗಳು ಈಗಾಗಲೇ ಸೋಲ್ಡ್ ಔಟ್ ಆಗಿದೆ. ಕರ್ನಾಟಕದಾದ್ಯಂತ ಸುಮಾರು 250ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ 'ದೊಡ್ಮನೆ ಹುಡ್ಗ'ನ ಹವಾ ಶುರುವಾಗಿದೆ.['ದೊಡ್ಮನೆ ಹುಡ್ಗ' ಬುಕ್ಕಿಂಗ್ ಓಪನ್: ಈಗ್ಲೇ ಟಿಕೆಟ್ ಕೊಂಡರೆ ಒಳಿತು.!]
ಸಿನಿಮಾ ನೋಡಲು ಬಂದ 'ದೊಡ್ಮನೆ ಹುಡುಗರು'
ಅಂದಹಾಗೆ ಅಭಿಮಾನಿಗಳ ಜೊತೆ ಸಿನಿಮಾ ನೋಡಲು, ನರ್ತಕಿ ಚಿತ್ರಮಂದಿರಕ್ಕೆ 'ದೊಡ್ಮನೆ ಹುಡುಗರಾದ' ನಟ ವಿನಯ್ ರಾಘವೇಂದ್ರ ರಾಜ್ ಕುಮಾರ್ ಮತ್ತು ಅವರ ಸಹೋದರ ಗುರು ರಾಘವೇಂದ್ರ ರಾಜ್ ಕುಮಾರ್ ಅವರು ಈಗಾಗಲೇ ಆಗಮಿಸಿದ್ದಾರೆ. 'ಅಭಿಮಾನಿಗಳ ಜೊತೆ ಚಿಕ್ಕಪ್ಪನ ಸಿನಿಮಾ ನೋಡೋ ಮಜಾನೇ ಬೇರೆ, ಬೆಳಗ್ಗೆ 7.30ರ ಶೋನಲ್ಲಿ ಭೇಟಿಯಾಗೋಣ' ಅಂತ ವಿನಯ್ ರಾಜ್ ಕುಮಾರ್ ತಮ್ಮ ಫೇಸ್ ಬುಕ್ ನಲ್ಲಿ ಬರೆದುಕೊಂಡಿದ್ದಾರೆ.
ರಾಜ್ ಕುಮಾರ್ ಲಾಡು ವಿತರಣೆ
ನಿನ್ನೆ ಮಧ್ಯರಾತ್ರಿಯಿಂದಲೇ ಸಿನಿಮಾ ನೋಡಲು ಅಭಿಮಾನಿಗಳು ಮುಗಿ ಬಿದ್ದಿದ್ದಾರೆ. ಚಾಮರಾಜಪೇಟೆಯ ಗಣೇಶ ಅಂಗಡಿಯಿಂದ ಸುಮಾರು 4,500 ಸಾವಿರ ರಾಜ್ ಕುಮಾರ ಸ್ಪೆಷಲ್ ಲಾಡು ಖರೀದಿ ಮಾಡಿದ್ದು, ಫಸ್ಟ್ ಡೇ ಫಸ್ಟ್ ಶೋ ನೋಡಲು ಹೋದ ಅಭಿಮಾನಿಗಳಿಗೆ ಲಾಡು ವಿತರಣೆ ಮಾಡಲಾಗುತ್ತಿದೆ.['ದೊಡ್ಮನೆ' ಅಂದ್ರೆ ಏನು.? ಸೂರಿ ಬಾಯ್ಬಿಟ್ಟ ದೊಡ್ಡ ಸೀಕ್ರೆಟ್ ಇಲ್ಲಿದೆ.!]
ಬಳ್ಳಾರಿಯಲ್ಲಿ ಲಾಠಿ ಚಾರ್ಚ್
ಬಳ್ಳಾರಿಯಲ್ಲಿ ಮುಂಜಾನೆ 12.30ಕ್ಕೆ ಮೊದಲ ಶೋ ಆರಂಭವಾಗಿದೆ. ಹೊಸಪೇಟೆ, ದಾವಣಗೆರೆಯಲ್ಲಿ ಮಧ್ಯರಾತ್ರಿಯಿಂದಲೇ 'ದೊಡ್ಮನೆ ಹುಡ್ಗ'ನ ಅದ್ಧೂರಿ ಪ್ರದರ್ಶನ ಆರಂಭವಾಗಿದೆ. ಈ ನಡುವೆ ಚಿತ್ರಮಂದಿರದ ಒಳನುಗ್ಗಲು ಪ್ರಯತ್ನಿಸಿದ ಅಭಿಮಾನಿಗಳನ್ನು ನಿಯಂತ್ರಿಸಲು ಹರಸಾಹಸಪಟ್ಟ ಪೊಲೀಸರು ಲೈಟ್ ಆಗಿ ಲಾಠಿ ಚಾರ್ಚ್ ಮಾಡಬೇಕಾಯಿತು.
ಪ್ರಸನ್ನ ಚಿತ್ರಮಂದಿರದಲ್ಲಿ ಕಟೌಟ್ ಕಮಾಲ್
ಬೆಂಗಳೂರಿನ ಮಾಗಡಿ ರಸ್ತೆಯಲ್ಲಿರುವ ಪ್ರಸನ್ನ ಚಿತ್ರಮಂದಿರದಲ್ಲಿ, ದಿನದ ಎಲ್ಲಾ ಶೋಗಳ ಟಿಕೆಟ್ ಈಗಾಗಲೇ ಸೋಲ್ಡ್ ಔಟ್ ಆಗಿದೆ. ಇನ್ನು ಚಿತ್ರಮಂದಿರದ ಎದುರು ಪುನೀತ್ ರಾಜ್ ಕುಮಾರ್ ಅವರ ಈವರೆಗಿನ ಎಲ್ಲಾ ಚಿತ್ರದ ಕಟೌಟ್ ಗಳು, ಸಿನಿಮಾ ವೀಕ್ಷಕರನ್ನು ಆಕರ್ಷಿಸುತ್ತಿದೆ. ಜೊತೆಗೆ ರಾಜ್ ಕುಮಾರ್ ಮತ್ತು ಪಾರ್ವತಮ್ಮ ರಾಜ್ ಕುಮಾರ್ ಅವರ ಕಟೌಟ್ ಕೂಡ ಕೇಂದ್ರ ಬಿಂದು ಆಗಿದೆ. ಚಿತ್ರಮಂದಿರದ ಎದುರು ಅಭಿಮಾನಿಗಳು ಡ್ಯಾನ್ಸ್ ಮಾಡುತ್ತಾ ಸಂಭ್ರಮದಿಂದ ಹಬ್ಬ ಮಾಡುತ್ತಿದ್ದಾರೆ.
ಸಿನಿಲೋಕ ವಿಮರ್ಶೆ
'ದೊಡ್ಮನೆ ಹುಡ್ಗ' ಇಂಟರ್ ವಲ್. ಮೊದಲ ಹಂತದಲ್ಲಿ ಉತ್ತಮ ಟ್ವಿಸ್ಟ್ ಇದೆ. ಇಲ್ಲಿಯವರೆಗೆ ವಿಶಿಷ್ಟ ಸೂರಿಯ ಸ್ಟಫ್. ಸಿನಿಮಾ ತುಂಬಾ ಚೆನ್ನಾಗಿ ಹೋಗುತ್ತಿದೆ. ಹುಬ್ಬಳ್ಳಿ ಡೈಲಾಗ್ ಸಖತ್ ಮಿಂಚಿದೆ. 'ಥ್ರಾಸ್ ಅಕ್ಕತಿ ಈಗ ದೊಡ್ಡ ತೆರೆಯ ಮೇಲೆ ರಾರಾಜಿಸುತ್ತಿದೆ. ಫೈಟ್ ತುಂಬಾ ಚೆನ್ನಾಗಿದೆ. ಬ್ರಿಲಿಯಂಟ್ ಸಾಹಸ..ಇಂಟರ್ ವಲ್ ತನಕ, ಸಖತ್ ಆಗಿ ಎಂಗೇಜ್ ಮಾಡುತ್ತಾ ಹೋಗುತ್ತದೆ. ಪಕ್ಕಾ ಕಮರ್ಷಿಯಲ್ ಮನರಂಜನೆಯುಳ್ಳ ಸಿನಿಮಾ...ಪವರ್ ಸ್ಟಾರ್ ಇಸ್ ಬ್ಯಾಕ್...ರೇಟಿಂಗ್: 3.75.
ನಮ್ ಸಿನಿಮಾ ಟ್ವೀಟ್
'ದೊಡ್ಮನೆ ಹುಡ್ಗ' ಅಗಾಧವಾದ ದಾಖಲೆಯಾಗಿದೆ. ಸೂರಿ ನೀಟಾಗಿ ಒಂದು ಕಮರ್ಷಿಯಲ್ ಮನರಂಜನೆಯನ್ನು ನೀಡಿದ್ದಾರೆ. ರೇಟಿಂಗ್ 4/5.
ಅಭಿಮಾನಿ ಮೌನೇಶ್
'ಮೊದಲ ಭಾಗ ಮುಗಿಯಿತು. ವಾವ್ ಎಂತಹ ಫಾಸ್ಟ್ ಸ್ಕ್ರೀನ್ ಪ್ಲೇ. ಬರೆದಿಟ್ಟುಕೊಳ್ಳಿ ಪಕ್ಕಾ ಇಂಡಸ್ಟ್ರಿ ಹಿಟ್. ಡೈಲಾಗ್ ಕ್ಲಾಸಿ ಮತ್ತು ಮಾಸೀ....'
ನಮ್ ಸಿನಿಮಾ
'ಮೊದಲ ಭಾಗ ಅಸಮಾನ್ಯ ...ರೇಸ್ ನಂತಿದೆ ಚಿತ್ರದ ಸ್ಕ್ರೀನ್ ಪ್ಲೇ..ಪವರ್ ಸ್ಟಾರ್ ಪುನೀತ್ ಅವರ ಅದ್ಭುತ ಸ್ಟಂಟ್. ಅಂಬಿ, ರಾಧಿಕಾ ಪಂಡಿತ್ ಮತ್ತು ರವಿಶಂಕರ್ ಅವರ ನಟನೆ ಅತ್ಯುತ್ತಮ'.
ಅಭಿಮಾನಿ ಶರಣ್
'ಪವರ್ ಸ್ಟಾರ್ ಪರಿಚಯ ದೃಶ್ಯ ಅತ್ಯಂತ ಉತ್ತಮ ಮಾಸ್ ದೃಶ್ಯ. ಅಪ್ಪು ಮತ್ತು ರಾಧಿಕಾ ಪಂಡಿತ್, ರವಿಶಂಕರ್ ಶೈನ್ ಆಗಿದ್ದಾರೆ. ಈ ಚಿತ್ರವನ್ನು ಮತ್ತೆ-ಮತ್ತೆ ನೋಡಬೇಕೆನಿಸುತ್ತದೆ'