Don't Miss!
- News Karnataka Rain: ರಾಜ್ಯಕ್ಕೆ ಶೇ.20ರಷ್ಟು ಮಳೆ ಕೊರತೆ: ಏಪ್ರಿಲ್ 25 ದಿನದಲ್ಲಿ ಸುರಿದ ಮಳೆ ವರದಿ ಇಲ್ಲಿದೆ
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Sports IPL 2024: ಹೈದರಾಬಾದ್ ಅಂಗಳದಲ್ಲಿ ಗೆಲ್ಲುವುದೆ ಆರ್ಸಿಬಿ: ಟಾಸ್ ವರದಿ ಹೀಗಿದೆ
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಡಾಲಿ ಧನಂಜಯ್ 'ಬಡವ ರಾಸ್ಕಲ್'ಗಾಗಿ ಮದುವೆ ಮನೆಯಲ್ಲಿ ಸ್ಲೇಟ್ ಹಿಡಿದ ವಧು ವರ
ಸ್ಯಾಂಡಲ್ವುಡ್ನ ನಟರಾಕ್ಷಸ ಡಾಲಿ ಧನಂಜಯ್. ಎಲ್ಲಿ ನೋಡಿದರೂ ಇವರ ಬಗ್ಗೆನೇ ಚರ್ಚೆ. ಯಾರು ನೋಡಿದರೂ ಕೈಯಲ್ಲಿ ಸ್ಲೇಟ್ ಹಿಡಿದು ಸಿನಿಮಾ ನೋಡಿ ಅಂತ ಪ್ರಚಾರ ಮಾಡುತ್ತಿದ್ದಾರೆ. ಈಗಾಗೇ ಡಾಲಿ ಧನಂಜಯ್ ಸಿನಿಮಾ 'ಬಡವ ರಾಸ್ಕಲ್' ಗೆ ಸೂಪರ್ ರೆಸ್ಪಾನ್ಸ್ ಸಿಗುತ್ತಿದೆ. ಎಲ್ಲರ ಬಾಯಲ್ಲೂ ಬರೀ ಡಾಲಿ ನಟನೆಯ ಸಿನಿಮಾ ಬಗ್ಗೆನೇ ಟಾಕ್. ಈಗ ಮಧು ಮಕ್ಕಳು ಕೂಡ ಮದುವೆ ಮನೆಯಲ್ಲಿ 'ಬಡವ ರಾಸ್ಕಲ್' ಪ್ರಚಾರಕ್ಕೆ ಇಳಿದಿದ್ದಾರೆ.
ತರಕಾರಿ ಅಂಗಡಿ, ದಿನಸಿ ಅಂಗಡಿ, ಮಾಂಸದ ಅಂಗಡಿ, ಬಿರಿಯಾನಿ ಹೊಟೇಲ್ ಎಲ್ಲಿ ನೋಡಿದರೂ ಸ್ಲೇಟ್ ಮೇಲೆ 'ಬಡವ ರಾಸ್ಕಲ್' ರಿಲೀಸ್ ಡೇಟ್ ಬರೆದು ಪ್ರಚಾರ ಮಾಡುತ್ತಿದ್ದಾರೆ. ಧನಂಜಯ್ ಅಭಿಮಾನಿಗಳೇ ಸ್ವಯಂ ಪ್ರೇರಿತರಾಗಿ ಈ ಕೆಲಸಕ್ಕೆ ಮುಂದಾಗಿದ್ದಾರೆ. ಈ ವಿಶಿಷ್ಟ ಪ್ರಯತ್ನಕ್ಕೆ ಸ್ವತ: ಧನಂಜಯ್ ತಲೆದೂಗಿದ್ದಾರೆ. ಅಭಿಮಾನಿಗಳೇ ಶೇರ್ ಮಾಡಿದ ಫೋಟೊವನ್ನು ತನ್ನ ಸೋಶಿಯಲ್ ಮೀಡಿಯಾದಲ್ಲೂ ಶೇರ್ ಮಾಡುತ್ತಿದ್ದಾರೆ. ಈಗ ಮದುವೆ ಮನೆಯಲ್ಲಿ ಮದು ಮಕ್ಕಳು ಪ್ರಚಾರ ಮಾಡಿದ ವಿಡಿಯೋ ಕೂಡ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
ಮದುವೆ ಮನೆಯಲ್ಲಿ 'ಬಡವ ರಾಸ್ಕಲ್' ಪ್ರಚಾರ
ಡಾಲಿ ಧನಂಜಯ್ ಅದ್ಯಾವುದೇ ಪಾತ್ರ ಕೊಟ್ಟರೂ ಸೈ. ರಗಡ್ ಲುಕ್ ಕೊಟ್ಟು ವಿಲನ್ ಶೇಡ್ನಲ್ಲಿ ನಟಿಸುವುದಕ್ಕೂ ಸೈ.. ಇತ್ತ ಪಕ್ಕಾ ಫ್ಯಾಮಿಲಿಮ್ಯಾನ್ ಲುಕ್ ಕೊಡಲು ಜೈ. ಈ ಎರಡೂ ಅವತಾರಗಳಲ್ಲಿ ಡಾಲಿಯನ್ನು ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಹೀಗಾಗಿ ಧನಂಜಯ್ ಪಕ್ಕಾ ಮಧ್ಯಮ ವರ್ಗದ ವ್ಯಕ್ತಿಯೊಬ್ಬನ ಕಥೆಯನ್ನು ತೆರೆಮೇಲೆ ತರಲು ಸಜ್ಜಾಗಿದ್ದಾರೆ. ಅದುವೇ 'ಬಡವ ರಾಸ್ಕಲ್'. ಇದೇ ಸಿನಿಮಾವನ್ನು ಜನರೇ ವಿಭಿನ್ನವಾಗಿ ಪ್ರಚಾರ ಮಾಡುತ್ತಿದ್ದಾರೆ. ಈಗ ಮದುವೆ ಮನೆಯಲ್ಲಿ ವಧು ವರರೇ ಸ್ಲೇಟ್ ಹಿಡಿದು ಪ್ರಚಾರಕ್ಕಿಳಿದಿದ್ದಾರೆ.
ವೈರಲ್ ಆಗುತ್ತಿದೆ ವಧು ವರರ ವಿಡಿಯೋ
ಮದುವೆ ಮನೆಯಲ್ಲಿ ಅಡುಗೆ ಮಾಡುವ ಭಟ್ಟರು ಡಿಸೆಂಬರ್ 24ಕ್ಕೆ 'ಬಡವ ರಾಸ್ಕಲ್' ಬಿಡುಗಡೆ ಅಂತ ಬರೆದ ಸ್ಲೇಟ್ ಹಿಡಿದು ಕೂತಿದ್ದಾರೆ. ಹಪ್ಪಳ ಕರಿಯುವ ಭಟ್ಟರು 'ಬಡವ ರಾಸ್ಕಲ್' ಪ್ರಚಾರ ಮಾಡುತ್ತಿದ್ದಾರೆ. ವಾಲಗ ಊದುವವರು ಕೂಡ ಸ್ಲೇಟ್ ಹಿಡಿದು ಪ್ರಚಾರ ಮಾಡುತ್ತಿದ್ದಾರೆ. ಮದುವೆಗೆ ಬಂದವರ ಕೈಯಲ್ಲೂ ಸ್ಲೇಟ್ ಹಿಡಿದು ಪ್ರಚಾರ ಮಾಡುತ್ತಿದ್ದಾರೆ. ಮಧು ಮಕ್ಕಳು ಕೂಡ ವೇದಿಕೆ ಮೇಲೆ 'ಬಡವ ರಾಸ್ಕಲ್' ಪ್ರಚಾರಕ್ಕಿಳಿದಿದ್ದಾರೆ.
ವಧು ವರರ ವಿಡಿಯೋ ಶೇರ್ ಮಾಡಿದ ಡಾಲಿ
ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುವ ಈ ಬಡವ ರಾಸ್ಕಲ್ ವಿಡಿಯೋವನ್ನು ಡಾಲಿ ಧನಂಜಯ್ ಕೂಡ ಟ್ವಿಟ್ಟರ್ನಲ್ಲಿ ಶೇರ್ ಮಾಡಿದ್ದಾರೆ. " ಜನರೇ ಪ್ರೀತಿ ತೋರಿಸುತ್ತಿದ್ದಾರೆ. ಅವರೂ ಬಡವ ರಾಸ್ಕಲ್ ಸಿನಿಮಾದ ಪ್ರಚಾರದಲ್ಲಿ ತೊಡಗಿಸಿಕೊಂಡಿರುವುದು ನೋಡಿದರೆ ಖುಷಿಯಾಗುತ್ತೆ. ಈಗ ತಾನೇ ಮಧು ಮಕ್ಕಳ ವಿಡಿಯೋವನ್ನು ಸ್ನೇಹಿತರು ಕಳುಹಿಸಿದ್ದರು. ಅದು ಇಷ್ಟ ಆಯ್ತು. ಅದಕ್ಕೆ ತನ್ನ ಟ್ವಿಟರ್ ಖಾತೆಯಲ್ಲಿ ಶೇರ್ ಮಾಡಿದ್ದೇನೆ. ಜನರು ಹೀಗೆ ಪ್ರತಿಕ್ರಿಯೆ ನೀಡುತ್ತಿರುವುದು ಖುಷಿ ಕೊಟ್ಟಿದೆ." ಎಂದು ಫಿಲ್ಮಿ ಬೀಟ್ಗೆ ಧನಂಜಯ್ ಪ್ರತಿಕ್ರಿಯೆ ನೀಡಿದ್ದಾರೆ.
|
ಧನಂಜಯ್ ನಿರ್ಮಿಸಿದ ಸಿನಿಮಾ ಬಡವ ರಾಸ್ಕಲ್
'ಬಡವ ರಾಸ್ಕಲ್' ಸಿನಿಮಾವನ್ನು ಡಾಲಿ ಧನಂಜಯ್ ನಿರ್ಮಾಣ ಮಾಡಿದ್ದಾರೆ. ಮಧ್ಯಮ ವರ್ಗದ ಜನರ ದಿನನಿತ್ಯದ ಜೀವನದಲ್ಲಿ ನಡೆಯುವ ಘಟನೆಗಳೇ ಈ ಸಿನಿಮಾ ಕಥಾವಸ್ತು. ಈ ಚಿತ್ರದಲ್ಲಿ ಧನಂಜಯ್ ಆಟೋ ಡ್ರೈವರ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರಕ್ಕೆ ಶಂಕರ್ ಗುರು ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶಿಸುತ್ತಿದ್ದಾರೆ.