'ರಾಜ್-ವಿಷ್ಣು-ಅಂಬಿ ನಂತರ ಯಾರಿಗೂ ಸ್ಮಾರಕ ಬೇಡ' ಎಂದ ಖ್ಯಾತ ನಟ

ಇನ್ಮುಂದೆ ಯಾರಿಗೂ ಸ್ಮಾರಕ ಬೇಡ

''ಡಾ ರಾಜ್ ಕುಮಾರ್, ವಿಷ್ಣುವರ್ಧನ್ ಮತ್ತು ಅಂಬರೀಶ್ ಅವರಿಗೆ ಸ್ಮಾರಕ ಸಾಕು. ಮುಂದಿನ ಪೀಳಿಗೆಯವರಿಗೆ ಸ್ಮಾರಕ ಬೇಕು ಅಂದ್ರೆ, ನಮ್ಮ ಜಾಗದಲ್ಲೇ ಅಥವಾ ಅದಕ್ಕಾಗಿಯೇ ಒಂದು ಎಕರೆ ಜಾಗ ತಗೊಂಡು ಅಲ್ಲಿ ಸ್ಮಾರಕ ಮಾಡಿಕೊಳ್ಳಿ'' ಎಂದು ನಟ ಜಗ್ಗೇಶ್ ಹೇಳಿದ್ದಾರೆ.

ಸರ್ಕಾರದ ಬಳಿ ಭಿಕ್ಷೆ ಬೇಡಬೇಡಿ

''ನಮಗೆ ಸ್ಮಾರಕ ಮಾಡಿಕೊಡಿ ಎಂದು ಯಾವ ಕಲಾವಿದನೂ ಸರ್ಕಾರದ ಮುಂದೆ ಹೋಗಿ ಭಿಕ್ಷೆ ಬೇಡಬೇಡಿ'' ಎಂದು ಜಗ್ಗೇಶ್ ಕಲಾವಿದರಿಗೆ ಸಲಹೆ ಮನವರಿಕೆ ಮಾಡಿದ್ದಾರೆ. ಈ ಮೂರು ಜನರ ಜರ್ನಿ ಕೇವಲ ಒಂದು ಅಥವಾ ಎರಡು ವರ್ಷವಲ್ಲ, ಸುಮಾರು 40-50 ವರ್ಷದ ಕೊಡುಗೆ. ಅವರಿಗೆ ಕೊಡಲೇಬೇಕು, ಆ ಗೌರವ ಅವರಿಗೆ ಸಿಗಬೇಕು ಎಂದು ಜಗ್ಗೇಶ್ ತಿಳಿಸಿದ್ದಾರೆ.

ನಾನು ನಮ್ಮ ಪತ್ನಿಗೆ ಹೇಳಿದ್ದೀನಿ

''ನಾನು ನಮ್ಮ ಪತ್ನಿಗೆ ಈಗಾಗಲೇ ಹೇಳಿದ್ದೀನಿ, ಒಂದು ಎಕರೆ ಜಾಗ ತಗೊಂಡು, ಅಲ್ಲೆ ಏನ್ ಬೇಕೋ ಅದೆ ಮಾಡಿಕೊಳ್ಳಬಹುದು'' ಎಂದು ನವರಸ ನಾಯಕ ಬಹಿರಂಗವಾಗಿ ಅಂಬಿ ಶ್ರದ್ಧಾಂಜಲಿ ಕಾರ್ಯಕ್ರಮದಲ್ಲಿ ಹೇಳಿಕೊಂಡರು.

ತಂದೆಗೆ ತಕ್ಕ ಮಗ ಅಭಿಷೇಕ್

ನನ್ನನ್ನು ಹೀರೋ ಆಗ್ಬೇಕು ಎಂದವರು ನಟ ಅಂಬರೀಶ್. ಕಲಾವಿದರು ಒಟ್ಟಿಗೆ ಇರಬೇಕು ಎಂಬ ಕಾರಣಕ್ಕೆ, ಕಲಾವಿದರ ಸಂಘ ನಿರ್ಮಿಸಲು ಹೋರಾಟ ಮಾಡಿದ್ರು. ಅಂಬರೀಶ್ ಅವರನ್ನ ಅಭಿಷೇಕ್ ರೂಪದಲ್ಲಿ ನೋಡಬೇಕಿದೆ. ಅವರ ಸ್ಥಾನಕ್ಕೆ ಈ ಹುಡುಗನನ್ನ ತಂದುಕೂರಿಸಬೇಕು ಎಂದು ಜಗ್ಗೇಶ್ ಅಭಿಪ್ರಾಯಪಟ್ಟರು.