ಶ್ರುತಿ ಬಾಳಲ್ಲಿ ಡಬಲ್ ಧಮಾಕ: ಒಂದು ಪರ್ಸನಲ್, ಇನ್ನೊಂದು ಸಿನಿಮಾ

ಹೆಣ್ಣು ಮಗುವಿಗೆ ಜನ್ಮ ನೀಡಿದ ಶ್ರುತಿ

ಶ್ರುತಿ ಹರಿಹರನ್ ಗರ್ಭಿಣಿಯಾಗಿದ್ದಾರೆ ಎಂದು ಈ ಹಿಂದೆ ಸುದ್ದಿಯಾಗಿತ್ತು. ಇದೀಗ, ಶ್ರುತಿ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ಒಂದು ಕಡೆ ರಾಷ್ಟ್ರ ಪ್ರಶಸ್ತಿ ಇನ್ನೊಂದು ಕಡೆ ಹೆಣ್ಣು ಮಗುಗೆ ಜನ್ಮ. ಒಟ್ಟೊಟ್ಟಿಗೆ ಈ ಎರಡು ಸಂತೋಷವನ್ನ ಎಂಜಾಯ್ ಮಾಡ್ತಿದ್ದಾರೆ ಶ್ರುತಿ.

ಹೆಣ್ಣು ಮಗು ಮೇಲೆ ಹೆಚ್ಚು ಪ್ರೀತಿ ಇತ್ತು

ಶ್ರುತಿ ಹರಿಹರನ್ ಅವರಿಗೆ ಹೆಣ್ಣು ಆಗಲಿ ಎಂಬ ಆಸೆ ಇತ್ತಂತೆ. ನಿರೀಕ್ಷೆಯಂತೆ ಹೆಣ್ಣು ಮಗುವೇ ಜನಿಸಿದ್ದು ನಿಜಕ್ಕೂ ಹೆಚ್ಚಿ ಸಂತಸ ತಂದಿದೆಯಂತೆ. ಶ್ರುತಿಗೆ ಮಾತ್ರವಲ್ಲ, ಶ್ರುತಿ ಪತಿ ಮತ್ತು ಮನೆಯವರಿಗೂ ಹೆಣ್ಣು ಮಗು ಮೇಲೆ ಹೆಚ್ಚು ಪ್ರೀತಿ ಇತ್ತಂತೆ.

ನಾತಿಚರಾಮಿ ಚಿತ್ರಕ್ಕೆ ಐದು ಪ್ರಶಸ್ತಿ

ಅತ್ಯುತ್ತಮ ಪ್ರಾದೇಶಿಕ ಕನ್ನಡ ಸಿನಿಮಾ

ಅತ್ಯುತ್ತಮ ಎಡಿಟಿಂಗ್

ಅತ್ಯುತ್ತಮ ಹಿನ್ನಲೆ ಗಾಯಕಿ

ಅತ್ಯುತ್ತಮ ಸಾಹಿತಿ

ಮತ್ತು ಶ್ರುತಿ ಹರಿಹರನ್ ಅವರಿಗೆ ತೀರ್ಪುಗಾರರ ವಿಶೇಷ ಪ್ರಶಸ್ತಿ ಲಭಿಸಿದೆ.

ಶ್ರುತಿ ಹರಿಹರನ್ ಪತಿ ಯಾರು?

ಶ್ರುತಿ ಹರಿಹರನ್ ಪತಿ ರಾಮ್ ಒಬ್ಬ ಡ್ಯಾನ್ಸರ್, ನಟ, ಕಲಾವಿದ ಮತ್ತು ಮಾರ್ಷಲ್ ಆರ್ಟ್ಸ್ ಪಟು. ನಟಿಯಾಗುವುದಕ್ಕೂ ಮೊದಲು ಶ್ರುತಿ ಕೂಡ ಡ್ಯಾನ್ಸರ್ ಆಗಿದ್ದರು. ಅಲ್ಲಿಂದಲೇ ರಾಮ್ ಮತ್ತು ಶ್ರುತಿ ಪರಿಚಯವಾಗಿದೆ. ಇವರಿಬ್ಬರು ಸುಮಾರು ನಾಲ್ಕೈದು ವರ್ಷ ಪ್ರೀತಿಯಲ್ಲಿದ್ದರಂತೆ. ಬಳಿಕ ಕಳೆದ ಎರಡು ವರ್ಷದ ಹಿಂದೆಯಷ್ಟೇ ಮದುವೆಯಾಗಿದ್ದರು ಎನ್ನಲಾಗಿದೆ. ಅಂದ್ರೆ, 2017ರಲ್ಲಿ ಅಧಿಕೃತವಾಗಿ ದಾಂಪತ್ಯ ಜೀವನ ಪ್ರವೇಶ ಮಾಡಿದ್ದರು.