ದಾಂಪತ್ಯ ಜೀವನಕ್ಕೆ ಕಾಲಿಡಲು ಅಣಿಯಾದ 'ಅಣ್ಣಾವ್ರ ಮೊಮ್ಮಗ'

ದಾಂಪತ್ಯ ಜೀವನಕ್ಕೆ ಡಾ ರಾಜ್ ರ 'ಮೊಮ್ಮಗ'

ಕಲಾ ಸಾರ್ವಭೌಮ ಡಾ ರಾಜ್ ಕುಮಾರ್ ರ ಹಿರಿಯ ಪುತ್ರಿಯಾದ ಲಕ್ಷ್ಮಿ ಅವ್ರ ಹಿರಿಯ ಪುತ್ರ 'ಶಾನ್' (ಷಣ್ಮುಖ)ರ ನಿಶ್ವಿತಾರ್ಥ ಇತ್ತೀಚಿಗಷ್ಟೇ ನಡದಿದೆ. ಸಾಗರದಲ್ಲಿ ನಿಶ್ಚಿತಾರ್ಥ ಸಮಾರಂಭ ನಡೆದಿದ್ದು ಇನ್ನ ಕೆಲವೇ ದಿನಗಳಲ್ಲಿ ಶಾನ್ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ.

ಶಾನ್ ವೆಡ್ಸ್ ಸಿಂಧೂ

ಸಾಗರ ನಗರದ ವಕೀಲರಾದ ಬರೂರು ನಾಗರಾಜ್ ರವರ ಮಗಳಾದ 'ಸಿಂಧೂ' ಅವರನ್ನ 'ಶಾನ್' ವಿವಾಹವಾಗ್ತಿದ್ದಾರೆ. ಸಾಗರದ 'ಟಿಪ್ ಟಾಪ್ ಹೋಟೆಲ್' ನಲ್ಲಿ ನಿನ್ನೆ (ನವೆಂಬರ್ 26)ರಂದು ಗುರು ಹಿರಿಯರ ಸಮ್ಮುಖದಲ್ಲಿ ನಿಶ್ಚಿತಾರ್ಥ ನಡೆದಿದೆ.

ಕುಟುಂಬಸ್ಥರ ಸಮ್ಮುಖದಲ್ಲಿ 'ನಿಶ್ಚಿತಾರ್ಥ'

ಸಾಗರದಲ್ಲಿ ನಡೆದ ಶಾನ್ ಹಾಗೂ ಸಿಂಧೂ ನಿಶ್ಚಿತಾರ್ಥದಲ್ಲಿ ಇಡೀ ರಾಜ್ ಕುಟುಂಬವೇ ಭಾಗಿಯಾಗಿತ್ತು. ಪುನೀತ್ ರಾಜ್ ಕುಮಾರ್ , ಶಿವರಾಜ್ ಕುಮಾರ್ ,ರಾಘವೇಂದ್ರ ರಾಜ್ ಕುಮಾರ್ ಸೇರಿದಂತೆ ಇನ್ನೂ ಅನೇಕರು ಸಮಾರಂಭದಲ್ಲಿ ಬಾಗಿಯಾಗಿದ್ರು.

ಅಣ್ಣನ 'ಎಂಗೆಂಜ್ ಮೆಂಟ್' ನಲ್ಲಿ ಸಹೋದರರು

ಶಾನ್ ಡಾ ರಾಜ್ ಕುಮಾರ್ ಕುಟುಂಬದ ಹಿರಿಯ ಮೊಮ್ಮಗ ಆಗಿರೋದ್ರಿಂದ ನಿಶ್ಚಿತಾರ್ಥದ ಸಂಭ್ರಮ ಜೋರಾಗಿಯೇ ಇತ್ತು. ಕುಟುಂಬದ ಮೊಮ್ಮಕ್ಕಳೆಲ್ಲರೂ ಸಮಾರಂಭದಲ್ಲಿ ಭಾಗಿಯಾಗಿ ಸಂಭ್ರಮಿಸಿದ್ರು. ವಿನಯ್ ರಾಜ್ ಕುಮಾರ್ , ಧೀರೇನ್ ರಾಮ್ ಕುಮಾರ್ , ನಿವೇದಿತಾ ರಾಜ್ ಕುಮಾರ್ ,ಧನ್ಯಾ ರಾಮ್ ಕುಮಾರ್ ಹೀಗೆ ಇನ್ನೂ ಅನೇಕರು ಎಂಗೆಂಜ್ ಮೆಂಟ್ ನಲ್ಲಿ ಉಪಸ್ಥಿತರಿದ್ದರು .