ಮೈಸೂರಿಗೂ ಅಣ್ಣಾವ್ರ ಕುಟುಂಬಕ್ಕೂ ಜನುಮ ಜನುಮದ ಅನುಬಂಧ

ರಾಜ್ ಕುಮಾರ್ ಸಿನಿಮಾಗಳ ಶೂಟಿಂಗ್

ಡಾ ರಾಜ್ ಕುಮಾರ್ ಅವರ ಅತೀ ಹೆಚ್ಚು ಸಿನಿಮಾಗಳು ಮೈಸೂರಿನಲ್ಲೇ ಚಿತ್ರೀಕರಣ ಆಗಿದೆ. ಅದಷ್ಟೇ ಅಲ್ಲದೆ ಶಿವರಾಜ್ ಕುಮಾರ್, ಪುನೀತ್ ರಾಜ್ ಕುಮಾರ್ ಮತ್ತು ರಾಘವೇಂದ್ರ ರಾಜ್ ಕುಮಾರ್ ಚಿತ್ರಗಳನ್ನೂ ಮೈಸೂರಿನಲ್ಲೇ ಚಿತ್ರೀಕರಿಸಲಾಗಿದೆ.

ದಸರಾ ನೋಡಲು ಬರುವ ರಾಜ್ ಫ್ಯಾಮಿಲಿ

ಮೈಸೂರಿನ ದಸರಾ ನೋಡಲು ಇಂದಿಗೂ ಡಾ ರಾಜ್ ಕುಟುಂಬಸ್ಥರು ತಪ್ಪದೇ ಬರುತ್ತಾರಂತೆ. ದಸರಾ ನೋಡುವುದು ಎಂದರೆ ಇಂದಿಗೂ ಖುಷಿ ಕೊಡುತ್ತೆ ಎನ್ನುತ್ತಾರೆ ಶಿವರಾಜ್ ಕುಮಾರ್.

ಪವರ್ ಸ್ಟಾರ್ ಇಷ್ಟದ ದೇವತೆ ಚಾಮುಂಡಿ

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಆಗಾಗ ಚಾಮುಂಡಿ ಬೆಟ್ಟಕ್ಕೆ ಭೇಟಿ ನೀಡುತ್ತಿರುತ್ತಲೇ ಇರುತ್ತಾರೆ. ಜೀವನಲ್ಲೇ ಯಾವುದೇ ರೀತಿ ಬದಲಾವಣೆ ಕಂಡಾಗ ಪುನೀತ್ ರಾಜ್ ಕುಮಾರ್ ಬರಿ ಕಾಲಿನಲ್ಲಿ ಚಾಮುಂಡಿ ಬೆಟ್ಟ ಹತ್ತಿ ದೇವಿಯ ದರ್ಶನ ಪಡೆಯುತ್ತಾರೆ.

ರಾಜ್ ಕುಟುಂಬದ ಶಕ್ತಿ ಧಾಮ

ನಿರ್ಗತಿಕ ಹೆಣ್ಣು ಮಕ್ಕಳು ಮತ್ತು ಅನಾಥ ಹೆಂಗಸರ ಆಶ್ರಯಕ್ಕಾಗಿ ಪಾರ್ವತಮ್ಮ ರಾಜ್ ಕುಮಾರ್ ಆರಂಭಿಸಿದ ಶಕ್ತಿಧಾಮ ಕೂಡ ಮೈಸೂರಿನಲ್ಲೇ ಇರುವುದು. ಆಗಾಗ ಶಿವರಾಜ್ ಕುಮಾರ್ ಪುನೀತ್ ರಾಜ್ ಕುಮಾರ್ ಮೈಸೂರಿಗೆ ಭೇಟಿ ನೀಡುತ್ತಿರುತ್ತಾರೆ.

ಡಾ ರಾಜ್ ಮನೆಗೆ ಮೈಸೂರು ಸೊಸೆ

ಯುವರಾಜ್ ಕುಮಾರ್ ಮದುವೆ ಆಗುತ್ತಿರುವ ಶ್ರೀದೇವಿ ಭೈರಪ್ಪ ಮೈಸೂರಿನವರು ಎನ್ನುವುದು ವಿಶೇಷ. ಡಾ ರಾಜ್ ಕುಮಾರ್ ಮನೆಗೆ ಮೊದಲ ಸೊಸೆಯಾಗಿ(ಮೊಮ್ಮಗಳು) ಮೈಸೂರಿನ ಮಗಳು ಬರುತ್ತಿದ್ದಾರೆ.