'ವಿದೇಶದಲ್ಲಿ ನನ್ನನ್ನು ನೋಡಿದ್ರೆ ಶಿವರಾಜ್ ಕುಮಾರ್ ಬ್ರದರ್ ಅಂತಾರೆ'

1983ರಲ್ಲಿ ಕನ್ನಡ ಸಿನಿಮಾ ಮಾಡಿದ್ದೇನೆ

ತೆಲುಗು ನಟ ಆಲಿ ಅವರು 1983ರಲ್ಲಿಯೇ ಕನ್ನಡ ಸಿನಿಮಾದಲ್ಲಿ ನಟಿಸಿದ್ದೇನೆ ಎಂದು ಬಹಿರಂಗಪಡಿಸಿದರು. ರೆಬೆಲ್ ಸ್ಟಾರ್ ಅಂಬರೀಶ್, ಜಯಪ್ರದ ನಟಿಸಿದ್ದ ಚಿತ್ರದಲ್ಲಿ ನಾನು ಅಭಿನಯಿಸಿದ್ದೆ ಎಂದು ಮಾಹಿತಿ ಹಂಚಿಕೊಂಡರು. ಕನ್ನಡದಲ್ಲಿ ರಾಜ್ ಕುಮಾರ್, ತೆಲುಗಿನಲ್ಲಿ ಎನ್‌ಟಿಆರ್ ಹಾಗೂ ಹಿಂದಿಯಲ್ಲಿ ದಿಲೀಪ್ ಕುಮಾರ್-ಅಮಿತಾಭ್ ಬಚ್ಚನ್ ನನಗೆ ಇಷ್ಟ ಎಂದಿದ್ದಾರೆ.

'ಸೂಪರ್' ಚಿತ್ರದಲ್ಲಿ ಎಂಟ್ರಿ

ದಾಖಲೆಗಳ ಪ್ರಕಾರ ತೆಲುಗು ನಟ ಆಲಿ ಕನ್ನಡಕ್ಕೆ ಅಧಿಕೃತವಾಗಿ ಬಂದಿದ್ದು, 2010ರಲ್ಲಿ ತೆರೆಕಂಡ 'ಸೂಪರ್' ಚಿತ್ರದ ಮೂಲಕ. ರಿಯಲ್ ಸ್ಟಾರ್ ಉಪೇಂದ್ರ ನಿರ್ದೇಶಿಸಿ, ನಟಿಸಿದ್ದ ಸಿನಿಮಾ ಚಡ್ಡಿ ಬ್ರದರ್ಸ್ ಆಗಿ ಆಲಿ ಮತ್ತು ಸಾಧು ಕೋಕಿಲಾ ಕಾಣಿಸಿಕೊಂಡಿದ್ದರು. ಇದಾದ ಮೇಲೆ ಕೋಮಲ್ ಕುಮಾರ್ ನಟನೆಯ 'ನಮೋ ಭೂತಾತ್ಮ' ಮತ್ತು 'ಕೆಂಪೇಗೌಡ-2' ಚಿತ್ರಗಳಲ್ಲಿ ನಟಿಸಿದ್ದರು. ಈಗ ರಾಜೀವ್ ಜೊತೆ 'ಉಸಿರೇ ಉಸಿರೇ' ಸಿನಿಮಾದಲ್ಲಿ ಬಣ್ಣ ಹಚ್ಚಿದ್ದಾರೆ.

ರಾಜ್-ವಿಷ್ಣು-ಅಂಬಿ ನಂತರ ಸುದೀಪ್

''ರಾಜ್ ಕುಮಾರ್, ವಿಷ್ಣುವರ್ಧನ್, ಅಂಬರೀಶ್ ಅಂತಹ ಕಲಾವಿದ ಬಳಿಕ ಅಷ್ಟು ದೊಡ್ಡ ಹೆಸರು ಸಂಪಾದನೆ ಮಾಡಿರುವ ಕಲಾವಿದ ಸುದೀಪ್. ಕನ್ನಡದಲ್ಲಿ ಮಾತ್ರವಲ್ಲ ತೆಲುಗು, ತಮಿಳು ಹಾಗೂ ಹಿಂದಿಯಲ್ಲಿ ನಟಿಸಿದ್ದಾರೆ. ಅದ್ಭುತ ಕಲಾವಿದ ಮಾತ್ರ ಅದ್ಭುತ ವ್ಯಕ್ತಿ ಸಹ ಅವರು. ನಮ್ಮ ಇಂಡಸ್ಟ್ರಿಯಲ್ಲು ಅವರ ಬಗ್ಗೆ ಮಾತನಾಡುವುದು ಹೆಮ್ಮೆ ಇದೆ'' ಎಂದು ಆಲಿ ಮೆಚ್ಚುಗೆ ವ್ಯಕ್ತಪಡಿಸಿದರು.

ಆಲಿ ಹೆಸರಿನಲ್ಲಿ ಹಲವು ದಾಖಲೆ ಇದೆ

ಬಾಲನಟನಾಗಿ ಸುಮಾರು 200 ಚಿತ್ರಗಳಲ್ಲಿ ಆಲಿ ಅಭಿನಯಿಸಿದ್ದಾರೆ. ನಾಯಕನಟನಾಗಿ 55ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ತೆಲುಗು, ತಮಿಳು, ಹಿಂದಿ, ಮಲಯಾಳಂ ಮತ್ತು ಕನ್ನಡ ಸೇರಿ 1100ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಆಲಿ ಬಣ್ಣ ಹಚ್ಚಿದ್ದಾರೆ.

'ಉಸಿರೇ ಉಸಿರೇ' ಸಿನಿಮಾ ಬಗ್ಗೆ

ಸಿಸಿಎಲ್ ಹಾಗೂ ಬಿಗ್ ಬಾಸ್ ಖ್ಯಾತಿಯ ರಾಜೀವ್ 'ಉಸಿರೇ ಉಸಿರೇ' ಚಿತ್ರಕ್ಕೆ ನಾಯಕ. ಶ್ರೀಜಿತ್ ಘೋಷ್ ನಾಯಕಿ. ಸಿಎಂ ವಿಜಯ್ ಈ ಚಿತ್ರ ನಿರ್ದೇಶಿಸಿದ್ದು, ಪ್ರದೀಪ್ ಯಾದವ್ ಬಂಡವಾಳ ಹಾಕಿದ್ದಾರೆ. ವಿವೇಕ್ ಚಕ್ರವರ್ತಿ ಸಂಗೀತ, ಕೆಎಂ ಪ್ರಕಾಶ್ ಸಂಕಲನ, ಜಿಎನ್ ಸರವರಣನ್ ಛಾಯಾಗ್ರಾಹಣವಿದೆ.