ಮುಖಪುಟ

ಸಿನಿ ಸಮಾಚಾರ

ರಿಯಾಲಿಟಿ ಶೋ ನ ಸ್ಟಾರ್‌ಗಳು ಮಾದಕ ವಸ್ತು ಮಾಫಿಯಾದಲ್ಲಿ ಸಿಕ್ಕಿ ಹಾಕಿಕೊಳ್ಳಲಿದ್ದಾರೆ ಎಂದು ಚಿತ್ರರಂಗದ ಹಲವು ನಟರಿಗೆ ಆಪ್ತರಾಗಿರುವ ಪ್ರಶಾಂತ್ ಸಂಬರಗಿ ಹೇಳಿದ್ದಾರೆ.

Recommended Video

ಸರ್ಜಾ ಕುಟುಂಬಕ್ಕೆ ಹಾಗೂ ಚಿತ್ರರಂಗದ ಹಲವರಿಗೆ ಆಪ್ತವಾಗಿರುವ ಸಾಮಾಜಿಕ ಕಾರ್ಯಕರ್ತ ಪ್ರಶಾಂತ್ ಸಂಬರಗಿ, 'ಚಿತ್ರರಂಗದ ಕೆಲವು ನವಪೀಳಿಗೆ ನಟ-ನಟಿಯರಲ್ಲಿ ಮಾದಕ ವಸ್ತು ವ್ಯಸನವಿದೆ' ಎಂದು ಹೇಳಿದ್ದಾರೆ.

ದೊಡ್ಡ ಸ್ಟಾರ್‌ಗಳು, ಕಷ್ಟಪಟ್ಟು ಮೇಲೆ ಬಂದ ನಟ-ನಟಿಯರು ಮಾದಕ ವ್ಯಸನದಿಂದ ದೂರವೇ ಉಳಿದಿದ್ದಾರೆ. ಆದರೆ ಕೆಲವು ನಟ-ನಟಿಯರು, ಟಿವಿ ನಟ-ನಟಿಯರಲ್ಲಿ ಮಾದಕ ವ್ಯಸನಿಗಳು ಇದ್ದಾರೆ ಎಂದು ಹೇಳಿದ್ದಾರೆ.

ಇಂದ್ರಜಿತ್ ಲಂಕೇಶ್ ಸಿಸಿಬಿ ಪೊಲೀಸರ ಮುಂದೆ ಹಾಜರಾಗಿರುವ ವಿಷಯದ ಬಗ್ಗೆ ಇಂದು ಮಾಧ್ಯಮಗಳೊಟ್ಟಿಗೆ ಮಾತನಾಡಿರುವ ಸಂಬರಗಿ, 'ಮಾದಕ ವಸ್ತು ಮಾಫಿಯಾಕ್ಕೆ ಚಂದನವನದ ನಟರ ನಂಟು ಶೀಘ್ರವೇ ಹೊರಬೀಳಲಿದೆ. ಸಾಕಷ್ಟು ಮಂದಿಯ ಹೆಸರು ಬಹಿರಂಗಗೊಳ್ಳಲಿದೆ' ಎಂದಿದ್ದಾರೆ.

'ಹತ್ತು, ಹದಿನೈದು ಮಂದಿಯಲ್ಲ ಇನ್ನೂ ಸಾಕಷ್ಟು ಜನರು ಈ ಜಾಲದಲ್ಲಿ ಇದ್ದಾರೆ ಎಲ್ಲರೂ ಸಿಕ್ಕಿಹಾಕಿಕೊಳ್ಳುತ್ತಾರೆ. ಅದರಲ್ಲಿಯೂ ರಿಯಾಲಿಟಿ ಶೋಗಳ ಖ್ಯಾತ ನಾಮರ ಹೆಸರುಗಳು ಆಚೆ ಬರಲಿವೆ' ಎಂದಿದ್ದಾರೆ ಪ್ರಶಾಂತ್ ಸಂಬರಗಿ.