Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೆಲವರು ಡ್ರಗ್ ತಗೋತಾರೆ, ನೋಡಿದ್ದೀನಿ, ನನಗೂ ಅಪ್ರೋಚ್ ಮಾಡಿದ್ರು: ಕಿರುತೆರೆ ನಟ ರಕ್ಷ್
ಇಡೀ ಚಿತ್ರರಂಗ ಡ್ರಗ್ ಮಾಫಿಯಾದಲ್ಲಿದೆ ಎನ್ನುವುದು ತಪ್ಪು, ಯಾರೋ ಕೆಲವರು ಮಾಡಿದ ತಪ್ಪಿಗೆ ಚಿತ್ರರಂಗ ಅಂತ ಹೇಳುವುದು ಸರಿಯಲ್ಲ, ನನಗೂ ಅಪ್ರೋಚ್ ಮಾಡಿದ್ರು, ಆದರೆ ನಾನು ಮುಟ್ಟಲಿಲ್ಲ ಎಂದು ಕಿರುತೆರೆ ನಟ ರಕ್ಷ್ ಹೇಳಿದ್ದಾರೆ.
Recommended Video
ಸ್ಯಾಂಡಲ್ ವುಡ್ ಗೆ ಡ್ರಗ್ ಮಾಫಿಯಾದ ನಂಟಿದೆ ಎನ್ನುವ ಬಗ್ಗೆ ಪರ ವಿರೋಧ ಚರ್ಚೆ ನಡೆಯುತ್ತಿದೆ. ಡ್ರಗ್ ಡೀಲರ್ ಅನಿಕಾ ಬಂಧನದ ಬಳಿಕ ಸ್ಯಾಂಡಲ್ ವುಡ್ ನ ಕೆಲವು ನಟ-ನಟಿಯರು ಡ್ರಗ್ ವ್ಯಸನಿಗಳಾಗಿದ್ದಾರೆ ಎನ್ನುವ ಸ್ಫೋಟಕ ಸತ್ಯ ಬಹಿರಂಗವಾದ ಬೆನ್ನಲ್ಲೇ ನಿರ್ದೇಶಕ ಇಂದ್ರಜಿತ್ ಲಂಕೇಶ್ ಮತ್ತಷ್ಟು ವಿಚಾರಗಳನ್ನು ಬಿಚ್ಚಿಟ್ಟಿದ್ದಾರೆ. ಈಗ ನಟ ರಕ್ಷ್ ಸಹ ಈ ಕುರಿತು ಖಾಸಗಿ ವಾಹಿನಿ ಜೊತೆ ಮಾತನಾಡಿದ್ದಾರೆ.
ಸಂಭಾವನೆಗೆ ಭಿಕ್ಷುಕರಂತೆ ಕಾದು, ಸೀಮೆಎಣ್ಣೆ-ಅಕ್ಕಿಗೆ ಕ್ಯೂ ನಿಂತವರು ನಾವು, ಇಂದು 2 ಸಿನಿಮಾಗೆ ಕುಬೇರರು: ಜಗ್ಗೇಶ್
ಇಡೀ ಚಿತ್ರರಂಗವನ್ನು ದೂರ ಬೇಡಿ
'ಚಿತ್ರರಂಗದಲ್ಲಿ ಅನೇಕ ಹಿರಿಯ ಕಲಾವಿದರು ಸಂಸ್ಕೃತಿಯನ್ನು ಉಳಿಸಿಕೊಂಡು, ಬೆಳೆಸಿಕೊಂಡು ಬಂದಿದ್ದಾರೆ. ಯಾರೋ ಒಬ್ಬರು ಮಾಡಿದ ತಪ್ಪಿದೆ ಇಡೀ ಇಂಡಸ್ಟ್ರಿ ಎಂದು ಹೇಳುವುದು ಸರಿಯಲ್ಲ. ಯಾರು ತಪ್ಪು ಮಾಡಿದ್ದಾರೋ ಅವರಿಗೆ ಶಿಕ್ಷೆಯಾಗಲಿ' ಎಂದು ನಟ ರಕ್ಷ್ ಹೇಳಿದ್ದಾರೆ.
ನನಗೂ ಅಪ್ರೋಚ್ ಮಾಡಿದ್ರು- ರಕ್ಷ್
'ಕೆಲವರು ಇದ್ದಾರೆ. ಆದರೆ ಅವರನ್ನು ಇಂಡಸ್ಟ್ರಿಯವರು ಅಂತ ಕರೆಯಲ್ಲ. ಯಾಕಂದ್ರೆ ಅವರನ್ನು ಪರದೆ ಮೇಲೆ ನೋಡಿದ ನೆನಪಿಲ್ಲ. ಇಂಡಸ್ಟ್ರಿಗೆ ಸಂಬಂಧ ಪಟ್ಟವರು ಅವರು. ನಾನು ನೋಡಿದ್ದೀನಿ, ನನಗೂ ಅಪ್ರೋಚ್ ಮಾಡಿದ್ದಾರೆ, ನೀವು ಮಾಡ್ತೀರಾ ಅಂತ ಕೇಳಿದ್ದಾರೆ. ಆದರೆ ನಾನು, ನೀವೆಲ್ಲ ತುಂಬಾ ಆಳಕ್ಕೆ ಹೊರಟು ಹೋಗಿದ್ದೀರಾ ಮೇಲಕ್ಕೆ ಯಾವಾಗ ಎದ್ದು ಬರ್ತೀರಾ ಅಂತ ಹೇಳಿದ್ದೀನಿ. ಹೀಗೆ ಸಾವಿರದಲ್ಲಿ ಒಬ್ಬರು ಇಬ್ಬರು ಇರ್ತಾರೆ, ಆದರೆ ಅವರು ಸ್ಯಾಂಡಲ್ ವುಡ್ ನವರು ಅಂತ ಹೇಳುವುದು ಸರಿಯಲ್ಲ." ಎಂದು ಹೇಳಿದ್ದಾರೆ.
ಡ್ರಗ್ ದಂಧೆ ಆರೋಪಿ ಅನಿಕಾ ನನಗೆ ಗೊತ್ತು- ಬಿಗ್ ಬಾಸ್ ಖ್ಯಾತಿಯ ಆ್ಯಡಂ ಪಾಷಾ
ಚಿರಂಜೀವಿ ಸರ್ಜಾ ಬಗ್ಗೆ ರಕ್ಷ್ ಪ್ರತಿಕ್ರಿಯೆ
'ಚಿರು ಒಳ್ಳೆಯ ಮನುಷ್ಯ. ಪ್ರೀತಿಯ ವ್ಯಕ್ತಿ. ಚಿರು ಜೊತೆ ಕೆಲಸ ಮಾಡಿದ್ದೀನಿ, ಒಟ್ಟಿಗೆ ಊಟ ಮಾಡಿದ್ದೀವಿ. ಅವರನ್ನು ಹುಡುಕಿಕೊಂಡು ಹೋಗಿ ಊಟ ಮಾಡಿದ್ದೀನಿ. ಅವರು ಯಾವತ್ತು ಡ್ರಗ್ ಬಗ್ಗೆ ಮಾತನಾಡಿಲ್ಲ. ಅವರ ಪತ್ನಿ ಗರ್ಭಿಣಿ, ಇನ್ನು ಚಿರು ಸಾವಿನ ನೋವಿನಲ್ಲಿದ್ದಾರೆ. ಪ್ರತೀ ದಿನ ನೆನಪುಗಳು ಜಾಸ್ತಿ ಆಗುತ್ತಾ ಇರುತ್ತೆ. ಈ ಸಮಯದಲ್ಲಿ ಆಕೆಗೆ ಯಾರು ನೋವು ಕೊಡಬೇಡಿ, ಆ ಕುಟುಂಬವನ್ನು ಚೇತರಿಸಿಕೊಳ್ಳಲು ಬಿಡಿ' ಎಂದು ರಕ್ಷ್ ಮನವಿ ಮಾಡಿಕೊಂಡಿದ್ದಾರೆ.
ಡ್ರಗ್ ಎಲ್ಲಾ ಕಡೆ ಇದೆ, ಇದರ ವಿರುದ್ಧ ಒಟ್ಟಿಗೆ ಹೋರಾಡಬೇಕು
ಡ್ರಗ್ಸ್ ಎನ್ನುವುದು ಎಲ್ಲಾ ಕಡೆ ಇದೆ. ಸ್ಯಾಂಡಲ್ ವುಡ್ ಮಾತ್ರವಲ್ಲ ರಾಜಕೀಯ ಮಕ್ಕಳು ಸಹ ಡ್ರಗ್ ವ್ಯಸನಿಗಳಾಗಿರಬಹುದು. ಚಿತ್ರರಂಗದ ಜಾಲ ಎನ್ನುವುದು ತಪ್ಪು. ಮಾದಕ ವಸ್ತುವಿನ ವಿರುದ್ಧ ಇಡೀ ಚಿತ್ರರಂಗ ಒಟ್ಟಿಗೆ ನಿಂತು ಹೋರಾಡಬೇಕಿದೆ. ಅದನ್ನು ಬಿಟ್ಟು ಅವರ ಮೇಲೆ ಇವರ ಮೇಲೆ ಆರೋಪ ಮಾಡುತ್ತಾ ಕೂರುವುದು ಸರಿಯಲ್ಲ ಎಂದಿದ್ದಾರೆ.