ವಿಡಿಯೋ: 'ದುನಿಯಾ-2' ಟೀಸರ್ ಬಿಡುಗಡೆ!

ಲೂಸ್ ಮಾದ ಯೋಗೀಶ್ ಅಭಿನಯದ 'ದುನಿಯಾ-2' ಚಿತ್ರ ಶೀರ್ಷಿಕೆಯಿಂದಲೇ ಕುತೂಹಲ ಹುಟ್ಟಿಹಾಕಿತ್ತು. ಇದೀಗ ಚಿತ್ರದ ಮೊದಲ ಟೀಸರ್ ಬಿಡುಗಡೆ ಮಾಡಿ ಚಿತ್ರದ ಬಗ್ಗೆ ಮತ್ತಷ್ಟು ನಿರೀಕ್ಷೆ ಹೆಚ್ಚಿಸಿದೆ.

ಹೊಸ ವರ್ಷದ ವಿಶೇಷವಾಗಿ 'ದುನಿಯಾ-2' ಚಿತ್ರತಂಡ, ಮೊದಲ ಟೀಸರ್ ರಿಲೀಸ್ ಮಾಡಿದೆ. ಈ ಟೀಸರ್ ನಲ್ಲಿ ಚಿತ್ರದ ಬಗ್ಗೆ ಹೆಚ್ಚೇನೂ ಬಿಟ್ಟುಕೊಡದ ನಿರ್ದೇಶಕರು, ಯೋಗಿ ಅವರ ಗೆಟಪ್ ಹೇಗಿರಲಿದೆ ಎಂಬುದರ ಒಂದು ಝಲಕ್ ಬಿಟ್ಟಿದ್ದಾರೆ ಅಷ್ಟೇ.[ಚಿತ್ರಗಳು : ಬಿ.ಎಂ.ಟಿ.ಸಿ ಬಸ್ ನಲ್ಲಿ ಲೂಸ್ ಮಾದನ ಹೊಸ 'ದುನಿಯಾ']

'ದುನಿಯಾ' ಚಿತ್ರದಲ್ಲಿ ವಿಲನ್ ಆಗಿ ಅಭಿನಯಿಸಿದ್ದ ಲೂಸ್ ಮಾದ ಯೋಗಿ, 'ದುನಿಯಾ-2' ಚಿತ್ರದಲ್ಲಿ ಹೀರೋ ಆಗಿರುವುದು ಚಿತ್ರದ ಪ್ರಮುಖ ಆಕರ್ಷಣೆಯಾಗಿದೆ. ಇನ್ನೂ ನಟಿ ಹಿತಾ ಚಂದ್ರಶೇಖರ್ 'ದುನಿಯಾ-2' ಚಿತ್ರದಲ್ಲಿ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಅಂದ್ಹಾಗೆ, 2007ರಲ್ಲಿ ತೆರೆಕಂಡಿದ್ದ 'ದುನಿಯಾ' ಚಿತ್ರಕ್ಕೂ 'ದುನಿಯಾ-2' ಚಿತ್ರಕ್ಕೂ ಯಾವುದೇ ಸಂಬಂಧವಿಲ್ಲ. ಇದೇ ಬೇರೆ ಕಥೆ. ಹರಿ ಎಂಬ ಯುವ ನಿರ್ದೇಶಕ ಈ ಚಿತ್ರಕ್ಕೆ ಕಥೆ ಬರೆದು ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಈ ಹಿಂದೆ ನಿರ್ದೇಶಕ ಸಿಂಪಲ್ ಸುನಿ ಅವರ ಬಳಿ ಸಹಾಯಕ ನಿರ್ದೇಶಕರಾಗಿದ್ದ ಹರಿ ಇದೀಗ 'ದುನಿಯಾ-2' ಚಿತ್ರದ ಮೂಲಕ ಚೊಚ್ಚಲ ಬಾರಿಗೆ ಡೈರೆಕ್ಟರ್ ಆಗಿದ್ದಾರೆ.

ಇನ್ನೂ 'ದುನಿಯಾ-2' ಚಿತ್ರದಲ್ಲಿ ಯೋಗಿ ತಾಯಿ ಅಂಬುಜಾ ತೆರೆಮೇಲೂ ಯೋಗಿ ತಾಯಿ ಪಾತ್ರಕ್ಕೆ ಬಣ್ಣ ಹಚ್ಚಲಿದ್ದಾರೆ. ದುನಿಯಾ ಚಿತ್ರವನ್ನ ನಿರ್ಮಾಣ ಮಾಡಿದ್ದ ಯೋಗಿ ತಂದೆ ಟಿ.ಪಿ.ಸಿದ್ಧರಾಜು ಅವರೇ 'ದುನಿಯಾ-2' ಚಿತ್ರಕ್ಕೂ ಬಂಡವಾಳ ಹಾಕಿದ್ದಾರೆ.