Don't Miss!
- News ನೇಹಾ ಕೊಲೆಗೆ ಸಿಎಂ ತೀವ್ರ ಖಂಡನೆ: ಕೊಲೆಗಾರನಿಗೆ ಶಿಕ್ಷೆ ಕುರಿತು ಸಿದ್ದರಾಮಯ್ಯ ಹೇಳಿದ್ದೇನು?
- Automobiles Mahindra: ಫ್ಯಾಮಿಲಿ ಕಾರು ಮಹೀಂದ್ರಾ ಎಕ್ಸ್ಯುವಿ700 ಖರೀದಿಸುವವರಿಗೆ ಸಿಹಿಸುದ್ದಿ.. ಇನ್ನೂ ತಿಂಗಳೇ ಸಾಕು!
- Technology Vivo: ಶೀಘ್ರದಲ್ಲೇ ವಿವೋ Y38 5G ಸ್ಮಾರ್ಟ್ಫೋನ್; ವಿನ್ಯಾಸ ಮತ್ತು ಫೀಚರ್ಸ್ ಲೀಕ್
- Sports DC vs SRH: ಹೈದರಾಬಾದ್ ಬ್ಯಾಟರ್ಗಳನ್ನು ಕಟ್ಟಿಹಾಕಲಿದ್ದಾರಾ ಡೆಲ್ಲಿ ಬೌಲರ್ಸ್?; ಸಂಭಾವ್ಯ ಆಡುವ 11ರ ಬಳಗ
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಪ್ರೀತಿ ಕಿತಾಬು' ಹಿಡಿದು ಬಂದ ದುನಿಯಾ ರಶ್ಮಿ
ವರ್ಷಗಳ ಕಾಲ ಗಾಂಧಿನಗರದಿಂದ ಕಾಣದಂತೆ ಮಾಯವಾಗಿದ್ದ ನಟಿ ದುನಿಯಾ ರಶ್ಮಿ ಮರಳಿ ಸ್ಯಾಂಡಲ್ ವುಡ್ ಕಡೆ ಮುಖ ಮಾಡಿದ್ದಾರೆ. ಕೆಲ ದಿನಗಳ ಹಿಂದೆಯಷ್ಟೆ, ತಮ್ಮ ಹುಟ್ಟುಹಬ್ಬದ ದಿನದಂದು ದುನಿಯಾ ರಶ್ಮಿ ತಮ್ಮ 'ಹ್ಯಾಕ್' ಚಿತ್ರದ ಪೋಸ್ಟರ್ ಗಳನ್ನ ಅನಾವರಣ ಮಾಡಿ ಖುಷಿ ಪಟ್ಟಿದ್ದರು.
'ಹ್ಯಾಕ್' ಚಿತ್ರದ ಪೋಸ್ಟರ್ ನಲ್ಲಿ ಸಿಕ್ಕಾಪಟ್ಟೆ ತೆಳ್ಳಗಾಗಿದ್ದ ದುನಿಯಾ ರಶ್ಮಿಯನ್ನ ನೋಡಿದ ಜನ ಒಮ್ಮೆ ಬಾಯಿ ಮೇಲೆ ಬೆರಳಿಟ್ಟಿದ್ದಂತೂ ಅಷ್ಟೇ ಸತ್ಯ. ಹಾಗೆ ರೂಪಾಂತರಗೊಂಡಿರುವ ದುನಿಯಾ ರಶ್ಮಿ ಅವರ ಲೇಟೆಸ್ಟ್ ಫೋಟೋಗಳು ಇಲ್ಲಿವೆ...
'ದುನಿಯಾ' ಚಿತ್ರದಲ್ಲಿ ಏನೂ ಗೊತ್ತಿಲ್ಲದ ಮುಗ್ಧ ಹುಡುಗಿಯಾಗಿ ಹಳೆಯ ಕಾಸ್ಟ್ಯೂಮ್ ಗಳನ್ನ ತೊಟ್ಟಿದ್ದ ರಶ್ಮಿ ಇದೀಗ ಕಂಪ್ಲೀಟ್ ಮಾರ್ಡನ್. ಸಲ್ವಾರ್ ಕಮೀಜ್ ಹಾಕಿದರೂ, ಅದಕ್ಕೆ ತಕ್ಕಂತೆ ಮೇಕ್ ಓವರ್ ಮಾಡಿಕೊಂಡಿರುವ ರಶ್ಮಿ ಹಿಂದೆಂದಿಗಿಂತಲೂ ಈಗ ಚಂದಕ್ಕಿಂತ ಚಂದ. ಬೇಕಾದ್ರೆ ನೀವೇ ನೋಡಿ.... [ನಟಿ ದುನಿಯಾ ರಶ್ಮಿ ಹೊಸ ಇನ್ನಿಂಗ್ಸ್ 'ಹ್ಯಾಕ್' ಶುರು]
ಅಸಲಿಗೆ ಈ ಎಲ್ಲಾ ಫೋಟೋಗಳು ದುನಿಯಾ ರಶ್ಮಿ ಅಭಿನಯದ ಹೊಸ ಚಿತ್ರದ್ದು. ಅದರ ಹೆಸರೇ 'ಪ್ರೀತಿ ಕಿತಾಬು'. ಹೆಸರು ಕೇಳಿದ ತಕ್ಷಣ ಇದು ಲವ್ ಸ್ಟೋರಿ ಸಿನಿಮಾ ಅನ್ನುವುದು ಪಕ್ಕಾ. ಆದ್ರೆ, ಪ್ರೀತಿ ಪ್ರೇಮ ಪ್ರಣಯದ ಜೊತೆ 'ಪ್ರೀತಿ ಕಿತಾಬು' ನಾಯಕಿ ಪ್ರಧಾನ ಚಿತ್ರ.
ಹಲವು ವರ್ಷಗಳ ನಂತರ ದುನಿಯಾ ರಶ್ಮಿ ನಟನೆಗೆ ಮರಳಿರುವುದರಿಂದ ಚಿತ್ರದಲ್ಲಿ ರಶ್ಮಿಗೆ ತುಸು ಹೆಚ್ಚು ಪ್ರಾಮುಖ್ಯತೆ ನೀಡಲಾಗಿದೆ. ಇದೇ ಕಾರಣಕ್ಕೆ ದುನಿಯಾ ರಶ್ಮಿ ಚಿತ್ರಕ್ಕೆ ಗ್ರೀನ್ ಸಿಗ್ನಲ್ ನೀಡಿದ್ದಂತೆ. [ಅರುಂಧತಿಯಾಗಿ ದುನಿಯಾ ರಶ್ಮಿ ಎರಡನೇ ಇನ್ನಿಂಗ್ಸ್]
ಅಂದ್ಹಾಗೆ 'ಪ್ರೀತಿ ಕಿತಾಬು' ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿರುವುದು ವಿಠಲ್ ಭಟ್. ಪತ್ರಿಕೋದ್ಯಮದಲ್ಲಿ ಗುರುತಿಸಿಕೊಂಡಿರುವ ವಿಠಲ್ ಭಟ್, ಜರ್ನಲಿಸಂಗೆ ಗುಡ್ ಬೈ ಹೇಳಿ 'ಪ್ರೀತಿ ಕಿತಾಬು' ಚಿತ್ರಕ್ಕಾಗಿ ಡೈರೆಕ್ಟರ್ ಕ್ಯಾಪ್ ತೊಟ್ಟಿದ್ದಾರೆ.
ಕಂಪ್ಲೀಟ್ ಕಮರ್ಶಿಯಲ್ ಚಿತ್ರವಾಗಿರುವ 'ಪ್ರೀತಿ ಕಿತಾಬು', ನಿಸರ್ಗ ಸಿರಿಯಲ್ಲಿ ಸೆರೆಯಾಗಿದೆ. ದುನಿಯಾ ರಶ್ಮಿಯೊಂದಿಗೆ ಯುವ ಪ್ರತಿಭೆ ನಿಹಾಲ್ ನಾಯಕನಾಗಿ ಕಾಣಿಸಿಕೊಂಡಿದ್ದಾರೆ. ಹೊಸಬರ ಹೊಸ ಪ್ರಯತ್ನವಾಗಿರುವ 'ಪ್ರೀತಿ ಕಿತಾಬು' ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿದೆ.[ಸುದ್ದಿಯಲ್ಲೇ ಸಿನಿಮಾ ಮಾಡುತ್ತಿರುವ ದುನಿಯಾ ರಶ್ಮಿ]
ಎಲ್ಲವೂ ಸರಾಗವಾಗಿ ನಡೆದರೆ, ಸದ್ಯದಲ್ಲೇ 'ಪ್ರೀತಿ ಕಿತಾಬು' ತೆರೆಮೇಲೆ ಬರಲಿದೆ. ದೊಡ್ಡ ಪರದೆಯಿಂದ ಮಾಯವಾಗಿದ್ದ ದುನಿಯಾ ರಶ್ಮಿ ಹೊಸ ಲುಕ್ ನಲ್ಲಿ ನಿಮ್ಮೆಲ್ಲರನ್ನ ರಂಜಿಸೋಕೆ ಬರಲಿದ್ದಾರೆ. 'ರೂಪಾಂತರ' ಕೃಪೆಯಿಂದ ದುನಿಯಾ ರಶ್ಮಿ ಮತ್ತೆ ಗೆಲ್ಲುವ ಕುದುರೆಯಾಗುತ್ತಾರಾ ಅನ್ನುವುದನ್ನ ಕಾದು ನೋಡಬೇಕು. (ಫಿಲ್ಮಿಬೀಟ್ ಕನ್ನಡ)