Duniya Vijay: ನಟ ದುನಿಯಾ ವಿಜಯ್ 'ಭೀಮ'ನ ಅವತಾರಕ್ಕೆ ಅಧಿಕೃತ ಚಾಲನೆ!

'ಭೀಮ' ಚಿತ್ರದ ಬಗ್ಗೆ ದುನಿಯಾ ವಿಜಯ್!

ನಟ ದುನಿಯಾ ವಿನಯ್ 'ಭೀಮ' ಚಿತ್ರದ ಬಗ್ಗೆ ಮಾತನಾಡಿದ್ದಾರೆ. ಭೀಮ ಸಿನಿಮಾ ಬಗ್ಗೆ ದುನಿಯಾ ವಿಜಯ್ ಹೇಳಿದ್ದಿಷ್ಟು, "ಸಲಗ ಚಿತ್ರವನ್ನು ನೋಡಿದ ಅಭಿಮಾನಿಗಳಿಗೆ ಯಾವುದೆ ರೀತಿಯ ಬೇಸರ ಆಗದ ಎಂಟರ್ಟೈನ್‌ಮೆಂಟ್, ಭೀಮ ಒಂದು ಒಳ್ಳೆಯ ಸಂದೇಶ ಹೇಳುತ್ತದೆ. ಒಳ್ಳೆಯ ವಿಷ್ಯವನ್ನು ಮನೋರಂಜನೆ ಮೂಲಕ ಭೀಮ ಹೇಳಲಿದ್ದಾನೆ" ಎಂದಿದ್ದಾರೆ.

ದುನಿಯಾ ವಿಜಯ್ ನಿರ್ದೇಶನದ ಎರಡನೇ ಸಿನಿಮಾ 'ಭೀಮ'ದಲ್ಲಿ ರಿಯಲ್ ಸ್ಟೋರಿ

ಸಂದೇಶ ಹೊತ್ತು ಬರ್ತಿದ್ದಾನೆ 'ಭೀಮ'!

ಇನ್ನು ಭೀಮ ಚಿತ್ರದ ಕತೆಯ ಬಗ್ಗೆ ಹೇಳಿದ ದುನಿಯಾ ವಿಜಯ್ "ಒಂದಷ್ಟು ನೈಜ ಘಟನೆಗಳು ಮತ್ತು ವ್ಯಕ್ತಿಗಳ ಅನುಭವವ ಚಿತ್ರದಲ್ಲಿ ಇರುತ್ತದೆ. ಆದರೆ ನಿಜವಾದ ವ್ಯಕ್ತಿಗಳ ಪರಿಚಯ ಮಾಡಲು ಅವಕಾಶ ಇಲ್ಲ. ಆದರೆ ನಾನೇ ಅವರ ವ್ಯಥೆಗಳನ್ನು ಶೂಟ್ ಮಾಡಿದ್ದೇನೆ. ಇಂತಹ ಘಟನೆಗಳ ಆಧಾರದ ಮೇಲೆ ಭೀಮ ತಯಾರಾಗುತ್ತದೆ. ಶೂಟಿಂಗ್ ಈಗಲೇ ಶುರುವಾಗುತ್ತದೆ. ಆದರೆ ನನ್ನ ಪಾತ್ರದ ಚಿತ್ರೀಕರಣ ಇನ್ನು ತಡವಾಗಿ ಶುರುವಾಗಲಿದೆ." ಎಂದು ದುನಿಯಾ ವಿಜಯ್ ಸುದ್ದಿಗೋಷ್ಟಿಯಲ್ಲಿ ಹೇಳಿಕೊಂಡಿದ್ದಾರೆ.

'ಭೀಮ' ಚಿತ್ರಕ್ಕೆ ನೈಜ ಘಟನೆಗಳೇ ಆಧಾರ!

'ಸಲಗ' ಚಿತ್ರದಲ್ಲಿ ರೌಡಿಸಂ ಹಿನ್ನೆಲೆಯಲ್ಲಿ ಕಥೆಯನ್ನು ಹೆಣೆಯಲಾಗಿತ್ತು. ಇದರೊಂದಿಗೆ ಒಂದು ಸಂದೇಶವನ್ನೂ ನೀಡುವ ಪ್ರಯತ್ನ ಮಾಡಿದ್ದರು. ಈಗ ಎರಡನೇ ಸಿನಿಮಾ ನಿರ್ದೇಶನಕ್ಕೆ ಅಣಿಯಾಗುತ್ತಿದ್ದಾರೆ. 'ಭೀಮ' ಕೂಡ ನೈಜ ಘಟನೆಯನ್ನು ಆಧರಿಸಿದ ಸಿನಿಮಾ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಈ ಮೂಲಕ ಕಥೆಯ ಬಗ್ಗೆ ಚಿಕ್ಕದೊಂದು ಸುಳಿವನ್ನು ಬಿಟ್ಟುಕೊಟ್ಟಿದೆ. ಸದ್ಯ ದುನಿಯಾ ವಿಜಯ್ ಚಿತ್ರದ ಬಗ್ಗೆ ಆಡಿರುವ ಮಾತುಗಳು ಕೂಡ ಕುತೂಹಲ ಹುಟ್ಟು ಹಾಕಿವೆ.

'ಸಲಗ' ಬಳಿಕ ಶಿವರಾತ್ರಿಗೆ ದುನಿಯಾ ವಿಜಯ್ ಹೊಸ ಸಿನಿಮಾ: ನಟನೆ ಅಷ್ಟೇನಾ ಡೈರೆಕ್ಷನ್ ಮಾಡ್ತಾರಾ?

ತೆಲುಗು ಚಿತ್ರದಲ್ಲಿ ದುನಿಯಾ ವಿಜಯ್ ಅಭಿನಯ!

ದುನಿಯಾ ವಿಜಯ್ ಟಾಲಿವುಡ್ ಲೆಜೆಂಜ್ ಬಾಲಕೃಷ್ಣ ನಟಿಸುತ್ತಿರುವ 107ನೇ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಹೀಗಾಗಿ ದುನಿಯಾ ವಿಜಯ್ ತೆಲುಗು ಮುಗಿದ ಬಳಿಕವೇ 'ಭೀಮ' ಸಿನಿಮಾದಲ್ಲಿ ಅಭಿನಯದ ಶುರು ಮಾಡಲಿದ್ದಾರೆ. ಸದ್ಯ ಪ್ರೀ ಪ್ರೊಡಕ್ಷನ್ ಕೆಲಸಗಳು ಮುಗಿದಿದ್ದು, ಬೇರೆ ಪಾತ್ರಗಳ ಚಿತ್ರೀಕರಣವನ್ನು ಚಿತ್ರತಂಡ ಆರಂಭಿಸಿದೆ.