ದುನಿಯಾ ವಿಜಿ ಮೇಲೆ ಹೊಸ ಆರೋಪ ಮಾಡಿದ ನಾಗರತ್ನ

Recommended Video

ನಟ ದುನಿಯಾ ವಿಜಯ್ ಮತ್ತು ಮೊದಲ ಪತ್ನಿ ನಾಗರತ್ನ ನಡುವಿನ ಕೌಟುಂಬಿಕ ಕಲಹ ಮತ್ತೆ ಸುದ್ದಿಯಾಗಿದೆ. 'ನಾಗರತ್ನ ಅವರಿಂದ ವಿಚ್ಛೇದನ ಕೊಡಿಸಿ' ಎಂದು ವಿಜಿ ನ್ಯಾಯಾಲಯದ ಮೊರೆ ಹೋಗಿದ್ದಾರೆ.

ಈ ಕಡೆ ನಾಗರತ್ನ ''ನಾನು ಯಾವುದೇ ಕಾರಣಕ್ಕೂ ವಿಜಿಗೆ ವಿಚ್ಛೇದನ ಕೊಡಲ್ಲ, ನನಗೆ ಜೀವನಾಂಶ ಕೊಡ್ತೀನಿ ಅಂತ ಹೇಳಿದ್ರು. ಕಳೆದ ಮೂರ್ನಾಲ್ಕು ತಿಂಗಳಿನಿಂದ ಕೊಟ್ಟಿಲ್ಲ'' ಅಂತ ಹೇಳಿ ರಾಜ್ಯ ಮಹಿಳಾ ಆಯೋಗಕ್ಕೆ ದೂರು ನೀಡಿದ್ದಾರೆ.

ಇಷ್ಟು ದಿನ ಪತಿ ಮತ್ತು ಕೀರ್ತಿ ಗೌಡ ಮೇಲೆ ಆರೋಪ ಮಾಡ್ತಿದ್ದ ನಾಗರತ್ನ ಈಗ ಹೊಸ ಆರೋಪ ಮಾಡಿದ್ದಾರೆ. ಚೆನ್ನಮ್ಮನ ಕೆರೆ ಅಚ್ಚುಕಟ್ಟು ಪ್ರದೇಶದಲ್ಲಿ ವಿಜಿಯವರ ಮತ್ತೊಂದು ಮನೆಯಿದ್ದು, ವಿಜಿ ಆಪ್ತ ನಿರ್ಮಾಪಕ ಸುಂದರ್​ ಗೌಡ ವಾಸಿಸುತ್ತಿದ್ದಾರೆ. ಆ ಮನೆಯನ್ನು ನಮಗೆ ಗೊತ್ತಿಲ್ಲದಂತೆ ವಿಜಯ್​, ಸುಂದರ್​ ಗೌಡರಿಗೆ ಮಾರಿದ್ದಾರೆ ಎಂದು ನಾಗರತ್ನಾ ದೂರಿದ್ದಾರೆ.

ಸುಂದರ್ ಪಿ ಗೌಡ ಉಳಿದುಕೊಂಡಿರುವ ಮನೆಯನ್ನ ಖಾಲಿ ಮಾಡಿಸಿ ನಮಗೆ ಕೊಡಿಸಿ ಎಂದು ಮಹಿಳಾ ಆಯೋಗದಲ್ಲಿ ನಾಗರತ್ನ ಮನವಿ ಮಾಡಿಕೊಂಡಿದ್ದಾರೆ.

ನಾಗರತ್ನ ಅವರ ದೂರು ಸ್ವೀಕರಿಸಿದ ಮಹಿಳಾ ಆಯೋಗದ ಅಧ್ಯಕ್ಷೆ ನಾಗಲಕ್ಷ್ಮಿ ಬಾಯಿ ''ದುನಿಯಾ ವಿಜಯ್ ಅವರನ್ನ ಕರೆಸಿ ಈ ಸಮಸ್ಯೆ ಬಗೆಹರಿಸುವ ಪ್ರಯತ್ನ ಮಾಡ್ತೇವೆ'' ಎಂದು ತಿಳಿಸಿದ್ದಾರೆ.