ದುನಿಯಾ ವಿಜಿ ಜೊತೆ ಅಖಾಡಕ್ಕೆ ಇಳಿಯಲು 'ಸಾಮ್ರಾಟ್' ಸಿದ್ಧ

ಅಖಾಡಕ್ಕೆ ಇಳಿಯಲು ವಿಜಯ್ ಸಜ್ಜು

ನಟ ದುನಿಯಾ ವಿಜಿ ಅಭಿನಯದ ಮುಂದಿನ ಸಿನಿಮಾ ಕುಸ್ತಿಗಾಗಿ ಸಕಲ ತಯಾರಿ ಮಾಡಿಕೊಳ್ಳುತ್ತಿದ್ದಾರೆ. ಜಾನಿ ಚಿತ್ರದ ನಂತರ ದುನಿಯಾ ವಿಜಯ್ ಯಾವುದೇ ಸಿನಿಮಾಗಳನ್ನ ಒಪ್ಪಿಕೊಳ್ಳದೇ ಕುಸ್ತಿ ಚಿತ್ರಕ್ಕಾಗಿ ತಮ್ಮ ಸಮಯವನ್ನು ಮೀಸಲಿಟ್ಟಿದ್ದಾರೆ.

ತಪ್ಪುತ್ತಿಲ್ಲ ವರ್ಕ್ ಔಟ್

ದುನಿಯಾ ವಿಜಿ ಇದೇ ಸಿನಿಮಾ ಅಂತಲ್ಲ. ಪ್ರತಿ ಚಿತ್ರಕ್ಕೂ ಕೆಲ ಸಮಯ ತೆಗೆದುಕೊಂಡು ಪಾತ್ರಕ್ಕೆ ತಕ್ಕಂತೆ ರೆಡಿಯಾಗುತ್ತಾರೆ. ಅದೇ ರೀತಿ ಕುಸ್ತಿ ಚಿತ್ರಕ್ಕಾಗಿ ಪ್ರತಿ ದಿನ ಐದು ಗಂಟೆಗಳ ಕಾಲ ವರ್ಕ್ ಔಟ್ ಶುರು ಮಾಡಿದ್ದಾರೆ.

ಅಖಾಡಕ್ಕೆ ಇಳಿಯಲು ಸಾಮ್ರಾಟ್ ಸಿದ್ಧ

ದುನಿಯಾ ವಿಜಯ್ ಅವರ ಮಗ ಸಾಮ್ರಾಟ್ ಕೂಡ ಅಖಾಡಕ್ಕೆ ಇಳಿಯಲು ಸಿದ್ಧರಾಗಿದ್ದಾರೆ. ಅಪ್ಪನ ಜೊತೆಯಲ್ಲಿ ಪ್ರತಿ ನಿತ್ಯ ನಾಲ್ಕು ಗಂಟೆಗಳ ಕಾಲ ವರ್ಕ್ ಔಟ್ ಮಾಡುತ್ತಿದ್ದಾರೆ.

ಸುದ್ದಿ ಬಿಟ್ಟು ಕೊಡದ ದುನಿಯಾ ವಿಜಿ

ಸದ್ಯ ಕಥೆಯನ್ನ ತಯಾರಿ ಮಾಡಿಸುತ್ತಿರುವ ದುನಿಯಾ ವಿಜಿ ಯಾವ ನಿರ್ದೆಶಕರು ಸಿನಿಮಾಗೆ ಆಕ್ಷನ್ ಕಟ್ ಹೇಳುತ್ತಾರೆ ಎನ್ನುವುದನ್ನ ತಿಳಿಸಿಲ್ಲ. ಅಷ್ಟೇ ಅಲ್ಲದೆ ಚಿತ್ರದಲ್ಲಿ ಯಾರೆಲ್ಲಾ ಅಭಿನಯ ಮಾಡುತ್ತಾರೆ ಎಂಬುದನ್ನು ಗುಟ್ಟಾಗಿಯೇ ಉಳಿಸಿದ್ದಾರೆ.