'ಈ ದಿಲ್ ಹೇಳಿದೆ' ಈ ಸಿನಿಮಾ ನೋಡ್ಬೇಕಂತ

ಸ್ಯಾಂಡಲ್ ವುಡ್ ನಲ್ಲಿ ಅಪರೂಪಕ್ಕೊಂದು ಹೊಸಬರ ಚಿತ್ರ ಇಷ್ಟವಾಗುತ್ತೆ. ವರ್ಷಕ್ಕೆ ಒಂದು ತಪ್ಪಿದ್ರೆ ಎರಡು. ಅಂತಹಾ ಸಿನಿಮಾಗಳ ಲಿಸ್ಟ್ ಕಳೆದ ವರ್ಷ ದೊಡ್ಡದಿತ್ತು. 'ಲೂಸಿಯಾ'ದಂತಹ ಟಿಪಿಕಲ್ ಸಿನಿಮಾದಿಂದ ಶುರುವಾಗಿ 'ಗೊಂಬೆಗಳ ಲವ್' ನಂತಹಾ ಸಿಂಪಲ್ ಸಿನಿಮಾಗಳು ಗೆಲುವಿನ ನಗೆ ಬೀರಿದವು.

ಆದ್ರೆ ಈ ವರ್ಷ ಮುಗೀತಾ ಬಂದ್ರು ಅಂತಹಾ ಸಿನಿಮಾಗಳ ಹೆಸರಿಲ್ಲ. ಆದ್ರೆ ಈಗ ಸಣ್ಣ ಹೆಸ್ರು ಕೇಳಿ ಬರ್ತಿರೋದು 'ಈ ದಿಲ್ ಹೇಳಿದೆ ನೀ ಬೇಕಂತ' ಚಿತ್ರದ್ದು. ನವ ನಿರ್ದೇಶಕ ಕೆಟಿಎಮ್ ಶ್ರೀನಿವಾಸ್ ಅವರ ಸಿನಿಮಾ ಶಿವಣ್ಣ ಅಭಿನಯದ 'ಬೆಳ್ಳಿ' ಚಿತ್ರದ ಜೊತೆ ತೆರೆಕಂಡಿತ್ತು. ಈಗ ಚಿತ್ರ ಪ್ರೇಕ್ಷಕರ ಮೆಚ್ಚುಗೆ ಗಳಿಸ್ತಿದ್ದು ರಾಜ್ಯಾದ್ಯಂತ ಭರ್ಜರಿ ಕಲೆಕ್ಷನ್ ಮಾಡ್ತಿದೆ. ['ಈ ದಿಲ್ ಹೇಳಿದೆ ನೀ ಬೇಕಂತ' ಹೊಸ ದಾಖಲೆ]

ಈ ದಿಲ್ ಹೇಳಿದೆ ನೀ ಬೇಕಂತ

ಹಾಸ್ಯ ಚಕ್ರವರ್ತಿ ನರಸಿಂಹರಾಜು ಮೊಮ್ಮಗ ಅವಿನಾಶ್ ನಟಿಸಿರೋ ಚಿತ್ರ ಇದು. ಚಿತ್ರದಲ್ಲಿ ಅವಿನಾಶ್ ಗೆ ಜೋಡಿಯಾಗಿರೋದು ಉದಯೋನ್ಮುಖ ನಟಿ ಶ್ರುತಿ. ಅವರ ಅಭಿನಯದ ಜೊತೆಗೆ ಸೌಂದರ್ಯ ನಿಮಗೆ ಬೋನಸ್.

ಚಿತ್ರದ ಸೀನ್ ಗಳಿಗಾಗಿ ಚಿತ್ರತಂಡ ಮಲೆನಾಡಿನ ರಮಣೀಯ ಕ್ಷೇತ್ರಗಳಲ್ಲಿ ತಿರುಗಾಡಿದೆ. ಲೊಕೇಶನ್ ಗಳ ಸೌಂದರ್ಯ ಚಿತ್ರದಲ್ಲಿ ನಿಮಗೆ ಮೋಡಿ ಮಾಡುತ್ತೆ. ಲಿರಿಕ್ಸ್ ಬರೆಯೋಕೆ ಸಿನಿಮಾ ಮಾಡಿದ ನಿರ್ಮಾಪಕರ ಶ್ರಮ ಸಾರ್ಥಕವಾಗಿದೆ. ಚಿತ್ರದ ಆರೂ ಹಾಡುಗಳು ಮತ್ತೆ ಮತ್ತೆ ಕೇಳಬೇಕು ಅನ್ನಿಸೋ ಹಾಗಿವೆ.

ಹೊಸತನದ ಈ ಚಿತ್ರ ಕಂಪ್ಲೀಟ್ ಎಂಟರ್ ಟೈನ್ ಮೆಂಟ್ ಪ್ಯಾಕೇಜ್ ಆಗಿದ್ದು ಚಿತ್ರದಲ್ಲಿ ಲವ್, ಸೆಂಟಿಮೆಂಟ್, ಆಕ್ಷನ್ ಕಾಮಿಡಿ ಎಲ್ಲವೂ ಹೌಸ್ ಫುಲ್ ಪ್ರದರ್ಶನ ಕಾಣುವಂತೆ ಮಾಡಿದೆ.