ಮಾರ್ಚ್ 2ಕ್ಕೆ ಶ್ರುತಿ ಪ್ರಕಾಶ್ ಕೊಡ್ತಾರೆ ಸರ್ಪ್ರೈಸ್

ಬಿಗ್ ಬಾಸ್ ಖ್ಯಾತಿಯ ಶ್ರುತಿ ಪ್ರಕಾಶ್ ಅಭಿನಯದ ಚೊಚ್ಚಲ ಸಿನಿಮಾ 'ಲಂಡನ್ ನಲ್ಲಿ ಲಂಬೋದರ' ಚಿತ್ರೀಕರಣ ಮುಗಿಸಿ ಬಿಡುಗಡೆಗೆ ಸಜ್ಜಾಗಿದೆ. ಇತ್ತೀಚಿಗಷ್ಟೆ ಈ ಚಿತ್ರದ ಮೊದಲ ಹಾಡು 'ಟೇಕ್ ಆಫ್' ರಿಲೀಸ್ ಆಗಿ ಗಮನ ಸೆಳೆಯುತ್ತಿದೆ.

ಇದೀಗ, ಚಿತ್ರದ ಇನ್ನೊಂದು ಹಾಡನ್ನ ಪ್ರೇಕ್ಷಕರ ಮುಂದೆ ತರುತ್ತಿದೆ ಚಿತ್ರತಂಡ. ಹೌದು, ನಟಿ ಶ್ರುತಿ ಪ್ರಕಾಶ್ ಅವರೇ ಹಾಡಿರುವ 'ಈ ಮನಸು.....' ಹಾಡು ಮಾರ್ಚ್ 2 ರಂದು ಬಿಡುಗಡೆಯಾಗುತ್ತಿದೆ.

ಶ್ರುತಿ ಪ್ರಕಾಶ್ ನಟನೆಯ ಜೊತೆಗೆ ಗಾಯಕಿಯೂ ಕೂಡ ಹೌದು. ಬಿಗ್ ಬಾಸ್ ಮನೆಯಲ್ಲಿ ಶ್ರುತಿ ಹಾಡಿರುವ ಕೆಲವು ಹಾಡುಗಳನ್ನ ಕೇಳಿರ್ತಿರಾ. ಇದೀಗ, ಸಿನಿಮಾದಲ್ಲಿ ಅವರ ಹಾಡು ಕೇಳಬಹುದು.

ಸದ್ಯ ಈ ಹಾಡಿನ ಮೇಕಿಂಗ್ ತುಣುಕು ರಿಲೀಸ್ ಆಗಿದ್ದು, ಬಹುಶಃ ಈ ಮೆಲೋಡಿ ಹಾಡು ಎಲ್ಲರಿಗೂ ಇಷ್ಟವಾಗುವುದ್ರಲ್ಲಿ ಯಾವುದು ಅನುಮಾನವಿಲ್ಲವೆನಿಸುತ್ತಿದೆ. ಪ್ರಣವ್ ಅಯ್ಯಂಗರ್ ಈ ಚಿತ್ರಕ್ಕೆ ಸಂಗೀತ ನೀಡಿದ್ದು, ಜಯಂತ್ ಕಾಯ್ಕಿಣಿ, ಸಿಂಪಲ್ ಸುನಿ ಮತ್ತು ಪ್ರಣವ್ ಸಾಹಿತ್ಯ ರಚಿಸಿದ್ದಾರೆ.

ಇನ್ನುಳಿದಂತೆ ರಾಜ್ ಸೂರ್ಯ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದು, ಲಂಡನ್ ಸ್ಕ್ರೀನ್ಸ್ ಸಂಸ್ಥೆಯಡಿ ಲಂಡನ್​ನಲ್ಲಿ ಅನಿವಾಸಿ ಭಾರತೀಯ ಸ್ನೇಹಿತರೆಲ್ಲ ಸೇರಿ ಚಿತ್ರ ನಿರ್ಮಾಣ ಮಾಡಿದ್ದಾರೆ.