'ಏಕ್ ಲವ್ ಯಾ'ದಲ್ಲಿ ರಾಣಾ ಜೊತೆ ರಚಿತಾ ಲಿಪ್ ಕಿಸ್

ರಚಿತಾ ರಾಮ್ ಲಿಪ್ ಕಿಸ್

ನಟಿ ರಚಿತಾ ರಾಮ್ ಲಿಪ್ ಕಿಸ್ ದೃಶ್ಯದಲ್ಲಿ ಕಾಣಿಸಿಕೊಂಡಿದ್ದಾರೆ. 'ಏಕ್ ಲವ್ ಯಾ' ಸಿನಿಮಾದ ಒಂದು ದೃಶ್ಯದಲ್ಲಿ ರಚಿತಾ ಲಿಪ್ ಕಿಸ್ ಮಾಡಿದ್ದಾರೆ. ನಟಿ ರಕ್ಷಿತಾ ಪ್ರೇಮ್ ಸಹೋದರ ರಾಣಾ ಹಾಗೂ ರಚಿತಾ ನಡುವೆ ಈ ದೃಶ್ಯ ನಡೆಯುತ್ತದೆ. ಚಿತ್ರದ ಈ ಸೀನ್ ದೊಡ್ಡ ಸುದ್ದಿ ಮಾಡುತ್ತಿದೆ.

'ಏಕ್ ಲವ್ ಯಾ' ಟೀಸರ್

'ಏಕ್ ಲವ್ ಯಾ' ಸಿನಿಮಾದ ಟೀಸರ್ ಇಂದು ಬಿಡುಗಡೆಯಾಗಿದೆ. ಪ್ರೇಮಿಗಳ ದಿನದ ವಿಶೇಷವಾಗಿ ಟೀಸರ್ ಅನ್ನು ಬಿಡುಗಡೆ ಮಾಡಲಾಗಿದೆ. ಟೀಸರ್ ತುಂಬ ಚೆನ್ನಾಗಿದೆ. ಅನೇಕ ದೃಶ್ಯಗಳು ಗಮನ ಸೆಳೆಯುತ್ತದೆ. ರಾಣಾ ಆಕ್ಷನ್ ದೃಶ್ಯಗಳು ಚೆನ್ನಾಗಿದೆ. ಟೀಸರ್ ಕೊನೆಯಲ್ಲಿ ರಚಿತಾ ರಾಮ್ ಲಿಪಿ ಕಿಸ್ ದೃಶ್ಯವಿದೆ.

ಬೋಲ್ಡ್ ಆದ ರಚಿತಾ ರಾಮ್

ಟೀಸರ್ ನೋಡುತ್ತಿದ್ದರೆ, ನಟಿ ರಚಿತಾ ರಾಮ್ ಬೋಲ್ಡ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ ಎನ್ನುವುದು ತಿಳಿಯುತ್ತದೆ. ಸಿಗರೇಟ್ ಸೇದುತ್ತಾ ಬಿಂದಾಸ್ ಆಗಿ ನಿಂತ ರಚಿತಾ ರಾಮ್ ಫೋಟೋ ನಿನ್ನೆ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು. ಟೀಸರ್ ಸಹ ರಚಿತಾ ಸಿಗರೇಟ್ ಸೇದುವ ದೃಶ್ಯದ ಮೂಲಕ ಶುರು ಆಗುತ್ತದೆ. ಅನೇಕ ದೃಶ್ಯಗಳಲ್ಲಿ ಅದು ಕಾಣುತ್ತದೆ.

ಭರವಸೆ ಮೂಡಿಸಿದ ಪ್ರೇಮ್

'ಏಕ್ ಲವ್ ಯಾ' ಟೀಸರ್ ಒಂದು ಭರವಸೆ ಮೂಡಿಸಿದೆ. ಪ್ರೇಮ್ ಮತ್ತೊಂದು ಲವ್ ಸ್ಟೋರಿ ಮೂಲಕ ಹಿಟ್ ನೀಡುವ ನಂಬಿಕೆ ಹುಟ್ಟಿಸಿದ್ದಾರೆ. ರಚಿತಾ ಹಾಗೂ ರೇಷ್ಮಾ ಸಿನಿಮಾದ ನಾಯಕಿಯರಾಗಿದ್ದಾರೆ. ಯಶ್ ಶೆಟ್ಟಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಅರ್ಜುನ್ ಜನ್ಯ ಸಂಗೀತ ಚೆನ್ನಾಗಿದೆ. ಸಿನಿಮಾದ ಬಿಡುಗಡೆ ದಿನಾಂಕ ಮುಂದಿನ ದಿನದಲ್ಲಿ ಘೋಷಣೆ ಆಗಲಿದೆ.