ಪರಭಾಷೆ ಪ್ರೇಕ್ಷಕರಿಗಾಗಿ 'ಟಗರು' ತಂಡದಿಂದ ಮಾಸ್ಟರ್ ಪ್ಲಾನ್.!

ಇಂಗ್ಲೀಷ್ ಸಬ್ ಟೈಟಲ್

'ಟಗರು' ಸಿನಿಮಾದ ಹವಾ ಇನ್ನು ಹೆಚ್ಚಾಗುತ್ತಿರುವ ಹಿನ್ನಲೆ ಚಿತ್ರಕ್ಕೆ ಇಂಗ್ಲೀಷ್ ಸಬ್ ಟೈಟಲ್ ಸೇರಿಸಲಾಗಿದೆ. ಹೆಚ್ಚಿನ ಪರಭಾಷಿಗರು ಕನ್ನಡ ಸಿನಿಮಾ ನೋಡುತ್ತಿದ್ದು, ಅವರಿಗೆ ಅರ್ಥವಾಗಲಿ ಎಂಬ ಕಾರಣಕ್ಕೆ ಇಂಗ್ಲೀಷ್ ಉಪಶೀರ್ಷಿಕೆಯನ್ನಾಗಿ ಅಳವಡಿಸಲಾಗುತ್ತಿದೆ. ಈ ಶುಕ್ರವಾದಿಂದಲೇ ಸಬ್ ಟೈಟಲ್ ಹಾಕಲಾಗುವುದು. ಇನ್ಮುಂದೆ ಭಾಷೆ ಗೊತ್ತಿಲ್ಲದವರು ಕೂಡ ಟಗರು ನೋಡಬಹುದು.

ತಮಿಳುನಾಡಿನಲ್ಲಿ 'ಟಗರು' ಕ್ರೇಜ್

ಟಗರು ಸಿನಿಮಾವನ್ನ ನೋಡಲು ಬೇಡಿಕೆ ಹೆಚ್ಚಿದೆ. ತಮಿಳುನಾಡಿನ ಹೊಸೂರಿನ ರಾಘವೇಂದ್ರ ಚಿತ್ರ ಮಂದಿರದಲ್ಲಿ "ಟಗರು" ಚಿತ್ರ ಪ್ರದರ್ಶನವಾಗುತ್ತಿದ್ದು, ಅಲ್ಲಿಯೂ "HOUSEFUL" ಆಗಿದೆ. ಈ ಮೂಲಕ ತಮಿಳುನಾಡಿನ ಅಭಿಮಾನಿಗಳು ಕೂಡ ಟಗರು ಚಿತ್ರವನ್ನ ಒಪ್ಪಿಕೊಂಡು ಎಂಜಾಯ್ ಮಾಡ್ತಿದ್ದಾರೆ.

ವಿದೇಶದಲ್ಲಿ ನಿಲ್ಲದ ಅಬ್ಬರ

ಮಾರ್ಚ್ 8 ರಿಂದ ವಿದೇಶದಲ್ಲಿ ಬಿಡುಗಡೆಯಾಗಿರುವ ಟಗರು ಚಿತ್ರಕ್ಕೆ ಅಲ್ಲಿಯೂ ಅಭೂತಪೂರ್ವ ಗೆಲುವು ಸಿಕ್ಕಿದೆ. ಯುಎಸ್ ಎ ರಾಷ್ಟ್ರದಲ್ಲಿ ಎರಡನೇ ವಾರವೂ ಹೌಸ್ ಫುಲ್ ಪ್ರದರ್ಶನ ಕಾಣುತ್ತಿದೆ.

ಸುಕ್ಕ ಸೂರಿಯ ಸುಕ್ಕ ಸ್ಟೋರಿ

ದುನಿಯಾ ಸೂರಿ ಈ ಚಿತ್ರವನ್ನ ನಿರ್ದೇಶನ ಮಾಡಿದ್ದು, ಶಿವರಾಜ್ ಕುಮಾರ್ ಪೊಲೀಸ್ ಪಾತ್ರದಲ್ಲಿ ಮಿಂಚಿದ್ದಾರೆ. ಧನಂಜಯ್ ಮತ್ತು ವಸಿಷ್ಠ ಸಿಂಹ ಖಳನಾಯಕರಾಗಿ ಅಬ್ಬರಿಸಿದ್ದಾರೆ. ಮಾನ್ವಿತಾ ಹರೀಶ್ ಮತ್ತು ಭಾವನಾ ಇಬ್ಬರು ನಾಯಕಿಯರು. ಕೆ.ಪಿ.ಶ್ರೀಕಾಂತ್ ನಿರ್ಮಾಣ ಮಾಡಿದ್ದಾರೆ.