ಚಿತ್ರರಂಗದಲ್ಲಿ ಲೈಂಗಿಕ ಕಿರುಕುಳ ಬಗ್ಗೆ ಮನಬಿಚ್ಚಿ ಮಾತಾಡಿದ ನಟಿ ಸುರ್ವಿನ್

ದಿಲ್ ಧಡಕ್ ಬೆಡಗಿ ಸುರ್ವಿನ್

ಕನ್ನಡದಲ್ಲಿ 'ಪರಮೇಶ ಪಾನ್ ವಾಲ' ಚಿತ್ರದಲ್ಲಿ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅವರ ಜೊತೆ 'ದಿಲ್ ಧಡಕ್ ಧಡಕ್' ಅಂತ ಡ್ಯುಯೆಟ್ ಹಾಡಿದ್ದ ನಟಿ ಸುರ್ವಿನ್ ಚಾವ್ಲಾ ಅವರು ಲೈಂಗಿಕ ಕಿರುಕುಳದ ಬಗ್ಗೆ ಮುಂಬೈನಲ್ಲಿ ಮುಕ್ತವಾಗಿ ಮಾತನಾಡಿದ್ದಾರೆ.

ದಕ್ಷಿಣ ಭಾರತದಲ್ಲಿ ಅನುಭವಕ್ಕೆ ಬಂದಿದೆ

"ಬಾಲಿವುಡ್ ಸಿನಿಮಾ ರಂಗದಲ್ಲಿ ನನಗೆ ಇಂತಹ ಅನುಭವ ಆಗಿಲ್ಲ, ಆದರೆ ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ಮಾತ್ರ ಕ್ಯಾಸ್ಟಿಂಗ್ ಕೌಚ್ (ಅವಕಾಶ ನೀಡುವ ಸಲುವಾಗಿ ನಟಿಯರನ್ನು ಲೈಂಗಿಕವಾಗಿ ದುರುಪಯೋಗ ಮಾಡಿಕೊಳ್ಳುವುದು) ಎದುರಿಸಬೇಕಾಯಿತು. -ಸುರ್ವಿನ್ ಚಾವ್ಲಾ.

ಸುರ್ವಿನ್ ಒಪ್ಪಲಿಲ್ಲ

"ಆದ್ರೆ ನಾನು ಒಪ್ಪದೆ ಖಡಕ್ ಆಗಿ ನಿರಾಕರಿಸಿದ್ದೆ. ನಾನು ಪ್ರಾಮಾಣಿಕವಾಗಿ ಹೇಳುತ್ತಿದ್ದೇನೆ, ಬಾಲಿವುಡ್ ನಲ್ಲಿ ನನಗೆ ಒಮ್ಮೆಯೂ ಅಂತಹ ಅನುಭವ ಆಗಲಿಲ್ಲ. ಮಾತ್ರವಲ್ಲದೇ ನನ್ನ ಜೊತೆ ಯಾರೂ ಕೂಡ ಆ ರೀತಿ ನಡೆದುಕೊಳ್ಳಲಿಲ್ಲ ಎಂದು ಹೇಳಲು ನನಗೆ ಖುಷಿಯಾಗುತ್ತಿದೆ" ಸುರ್ವಿನ್ ಚಾವ್ಲಾ.

ನಟಿಯಾಗಬೇಕೆಂದು ಬಂದಿಲ್ಲ

"ನಾನು ನಟಿಯಾಗುವ ಮಹಾತ್ವಾಕಾಂಕ್ಷೆಯಿಂದ ಸಿನಿಮಾ ರಂಗಕ್ಕೆ ಬರಲಿಲ್ಲ. ಬದಲಾಗಿ ನನಗೆ ಕೆಲಸ ಮಾಡುವ ಆಸೆ ಮತ್ತು ಹಂಬಲ ಇತ್ತು ಅದಕ್ಕೋಸ್ಕರ ಮಾತ್ರ ಬಂದೆ". -ಸುರ್ವಿನ್ ಚಾವ್ಲಾ.

ಬಾಲಿವುಡ್ ನಲ್ಲಿ ಅನುಭವಕ್ಕೆ ಬರಲಿಲ್ಲ

"ಬಾಲಿವುಡ್ ನಲ್ಲಿ ಈ ಹಿಂದೆ ಕ್ಯಾಸ್ಟಿಂಗ್ ಕೌಚ್ ಇತ್ತೇನೋ ನನಗೆ ಗೊತ್ತಿಲ್ಲ. ಆದರೆ ಈಗ ಮಾತ್ರ ನನ್ನ ಅನುಭವಕ್ಕೆ ಬಂದಿಲ್ಲ. ದಕ್ಷಿಣ ಭಾರತದಲ್ಲಿ ನಾನದನ್ನು ಎದುರಿಸಬೇಕಾಯಿತು". ಎಂದು ದಕ್ಷಿಣ ಭಾರತದ ಚಿತ್ರರಂಗದ ಕರ್ಮಕಾಂಡ ಬಿಚ್ಚಿಟ್ಟ ಸುರ್ವಿನ್ ಅಚ್ಚರಿ ಮೂಡಿಸಿದ್ದಾರೆ.

20 ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ ಸುರ್ವಿನ್

ನಟಿ ಸುರ್ವಿನ್ ಚಾವ್ಲಾ ಅವರು ಕನ್ನಡ, ತಮಿಳು ತೆಲುಗು, ಪಂಜಾಬಿ ಸೇರಿದಂತೆ ಬಾಲಿವುಡ್ ನಲ್ಲಿ ಹಲವು ಸಿನಿಮಾಗಳಲ್ಲಿ ಮಿಂಚಿದ್ದು, ಸುಮಾರು 20 ಸಿನಿಮಾಗಳಲ್ಲಿ ಹಾಗೂ 5 ಧಾರಾವಾಹಿಯಲ್ಲಿ ಅಭಿನಯಿಸಿದ್ದಾರೆ. ಹಿಂದಿ 'ಹೇಟ್ ಸ್ಟೋರಿ 2', ಅರ್ಜುನ್ ಸರ್ಜಾ ಅವರ ಜೊತೆ 'ಜೈ ಹಿಂದ್ 2' ಮುಂತಾದ ಸಿನಿಮಾಗಳಲ್ಲಿ ನಟಿಸಿ ಖ್ಯಾತಿ ಗಳಿಸಿದ್ದರು.