ಡಬ್ ಸ್ಮಾಶ್ ಕುವರಿಯ ಹೆಸರಿನಲ್ಲಿಯೂ ಹೆಚ್ಚಾಗಿವೆ ಫೇಕ್ ಅಕೌಂಟ್ಸ್

ಈಗೀಗ ಸಾಮಾಜಿಕ ಜಾಲತಾಣಗಳ ದುರುಪಯೋಗ ಹೆಚ್ಚಾಗುತ್ತಿದೆ. ಯಾರಾದರೂ ಸೋಷಿಯಲ್ ಮೀಡಿಯಾದಲ್ಲಿ ಫೇಮಸ್ ಆದರೆ ಸಾಕು ಅವರ ಹೆಸರಿನಲ್ಲಿ ಸಾಕಷ್ಟು ಫೇಕ್ ಅಕೌಂಟ್ ಗಳು ಹುಟ್ಟುಕೊಂಡುಬಿಡುತ್ತಿದೆ.

ಈಗ ಡಬ್ ಸ್ಮಾಶ್ ಕುವರಿ ಪ್ರಶ್ವಿತಾ ಹೆಸರಿನಲ್ಲಿಯೂ ಫೇಕ್ ಅಕೌಂಟ್ ಗಳು ಶುರು ಆಗಿವೆ. ಫೇಸ್ ಬುಕ್, ವಾಟ್ಸ್ ಅಪ್ ಗಳಲ್ಲಿ ಪ್ರಶ್ವಿತಾ ಡಬ್ ಸ್ಮಾಶ್ ವಿಡಿಯೋಗಳು ಹಿಟ್ ಆಗುತ್ತಿದ್ದ ಹಾಗೆ ಅವರ ಹೆಸರನ್ನು ಬಳಿಸಿ ಅನೇಕರು ನಕಲಿ ಖಾತೆಗಳನ್ನು ತೆರೆದಿದ್ದಾರೆ. ಫೇಸ್ ಬುಕ್ ಹಾಗೂ ಇನ್ಟಾಗ್ರಾಮ್ ಗಳಲ್ಲಿ ಪ್ರಶ್ವಿತಾ ಹೆಸರಿನಲ್ಲಿ ಸಾಕಷ್ಟು ನಕಲಿ ಖಾತೆಗಳು ಇವೆ.

ಈಗಾಗಲೇ ಈ ವಿಷಯ ಪ್ರಶ್ವಿತಾ ಅವರ ಪೋಷಕರ ಗಮನಕ್ಕೆ ಬಂದಿದ್ದು, ಸೈಬರ್ ಕ್ರೈಂಗೆ ದೂರು ನೀಡಿದ್ದಾರಂತೆ. ಅಲ್ಲದೆ ಕೆಲವು ಅಕೌಂಟ್ ಗಳನ್ನು ಡಿಲೀಟ್ ಮಾಡಿಸಿದ್ದಾರಂತೆ.

ಅಂದಹಾಗೆ, ಪ್ರಶ್ವಿತಾ ಬೆಂಗಳೂರಿನ ನಾಗರಬಾವಿ ನಿವಾಸಿಯಾಗಿರುವ ಹರಿಕೃಷ್ಣ ಎಂಬುವವರ ಮಗಳಾಗಿದ್ದಾಳೆ. ಅಕ್ಕನನ್ನು ನೋಡಿ ಡಬ್ ಸ್ಮಾಶ್ ಮಾಡಲು ಶುರು ಮಾಡಿದ ಈ ಕುವರಿ ಈಗ '777 ಚಾರ್ಲಿ' ಸಿನಿಮಾದಲ್ಲಿ ಕೂಡ ನಟಿಸುತ್ತಿದ್ದಾಳೆ.