twitter
    For Quick Alerts
    ALLOW NOTIFICATIONS  
    For Daily Alerts

    ಕನ್ನಡದ 'ದೇವಕಿ'ಗೆ ಸಾಥ್ ನೀಡಿದ 'ಸಾಹೋ' ತಂತ್ರಜ್ಞರು

    |

    ನಟಿ ಪ್ರಿಯಾಂಕಾ ಉಪೇಂದ್ರ ಅಭಿನಯದ ಬಹುನಿರೀಕ್ಷೆಯ 'ದೇವಕಿ' ಚಿತ್ರ ರಿಲೀಸ್ ಗೆ ಭರ್ಜರಿ ತಯಾರಿ ಮಾಡಿಕೊಳ್ಳುತ್ತಿದೆ. ಸದ್ಯ ಪೋಸ್ಟ್ ಪ್ರೊಡಕ್ಷನ್ ಕೆಲಸದಲ್ಲಿ ನಿರತವಾಗಿರುವ 'ದೇವಕಿ' ಚಿತ್ರಕ್ಕೀಗ ಭಾರತದ ಖ್ಯಾತ ತಂತ್ರಜ್ಞರು ಕೈ ಜೋಡಿಸಿದ್ದಾರೆ.

    famous sound engineer T Uday kumar enters to Kannada film Industry for Devaki

    ಹೌದು, 'ದೇವಕಿ' ಚಿತ್ರ ಸದ್ಯ ಶಬ್ದ ವಿನ್ಯಾಸದಲ್ಲಿ ಬ್ಯುಸಿಯಾಗಿದೆ. ದಕ್ಷಿಣ ಭಾರತದ ಖ್ಯಾತ ಸೌಂಡ್ ಇಂಜಿನಿಯರ್ ಆಗಿರುವ ಟಿ ಉದಯ್ ಕುಮಾರ್ 'ದೇವಕಿ' ಚಿತ್ರಕ್ಕೆ ಶಬ್ದ ವಿನ್ಯಾಸ ಮಾಡುತ್ತಿದ್ದಾರೆ. ಟಿ ಉದಯ್ ಕುಮಾರ್ ಈಗಾಗಲೆ ತಮಿಳಿನ 'ವಿಶ್ವಾಸಂ', 'ವಿವೇಗಂ','ಕಬಾಲಿ' ಮತ್ತು ತೆಲುಗಿನ 'ಅಜ್ಞಾತವಾಸಿ', 'ಗೂಢಚಾರಿ' ಸೇರಿದಂತೆ ಹಲವಾರು ಸೂಪರ್ ಹಿಟ್ ಚಿತ್ರಗಳಿಗೆ ಕೆಲಸ ಮಾಡಿ ಸೈ ಎನಿಸಿಕೊಂಡಿದ್ದಾರೆ.

    ಕಸದ ರಾಶಿ, ಕೆಟ್ಟ ವಾಸನೆ ನಡುವೆಯೂ ಚಿತ್ರೀಕರಣ ಮುಗಿಸಿಕೊಟ್ಟ ಪ್ರಿಯಾಂಕಕಸದ ರಾಶಿ, ಕೆಟ್ಟ ವಾಸನೆ ನಡುವೆಯೂ ಚಿತ್ರೀಕರಣ ಮುಗಿಸಿಕೊಟ್ಟ ಪ್ರಿಯಾಂಕ

    ಸದ್ಯ ದೇಶದಾದ್ಯಂತ ಸಂಚಲ ಮೂಡಿಸಿರುವ ಪ್ರಭಾಸ್ ಅಭಿನಯದ 'ಸಾಹೋ' ಚಿತ್ರಕ್ಕೂ ಉದಯ್ ಅವರೆ ಸೌಂಡ್ ಇಂಜಿನಿಯರ್ ಆಗಿ ಕೆಲಸ ಮಾಡುತ್ತಿರುವುದು ವಿಶೇಷ. ಈಗ 'ದೇವಕಿ' ಚಿತ್ರದ ಮೂಲಕ ಈಗ ಕನ್ನಡಕ್ಕು ಎಂಟ್ರಿ ಕೊಟ್ಟಿದ್ದಾರೆ ಉದಯ್.

    famous sound engineer T Uday kumar enters to Kannada film Industry for Devaki

    'ದೇವಕಿ' ಒಂದು ಥ್ರಿಲ್ಲಿಂಗ್ ಸಿನಿಮಾವಾಗಿದೆ. ಬಹುತೇಕ ಚಿತ್ರೀಕರಣ ಕೊಲ್ಕತದಲ್ಲಿ ನಡೆದಿದೆ. ಚಿತ್ರಕ್ಕೆ ಉತ್ತರ ಭಾರತದ ಟಚ್ ಜಾಸ್ತಿ ಇರುವುದರಿಂದ ಚಿತ್ರದಲ್ಲಿ ಕನ್ನಡದ ಜೊತೆಗೆ ಬಂಗಾಲಿ ಮತ್ತು ಹಿಂದಿ ಭಾಷೆ ಮಾತನಾಡುವ ಪಾತ್ರಗಳು ಸಹ ಚಿತ್ರದಲ್ಲಿದೆ. ಹಾಗಾಗಿ ಎಲ್ಲವನ್ನು ನಿಭಾಯಿಸಿಕೊಂಡು ಕನ್ನಡದ ನೇಟಿವಿಟಿಗೆ ತಕ್ಕಂತೆ ಕೆಲಸ ಮಾಡಿದ್ದಾರೆ ಉದಯ್.

    'ದೇವಕಿ' ಕನ್ನಡದ ಜೊತೆಗೆ ತಮಿಳಿನಲ್ಲೂ ತೆರೆಗೆ ಬರುತ್ತಿದೆ. ನಿರ್ದೇಶಕ ಲೋಹಿತ್ ಮತ್ತು ಪ್ರಿಯಾಂಕಾ ಕಾಂಬಿನೇಷನ್ ನ ಎರಡನೆ ಸಿನಿಮಾ ಇದಾಗಿದೆ. 'ಮಮ್ಮಿ' ಸಿನಿಮಾ ಮೂಲಕ ಚಿತ್ರಾಭಿಮಾನಿಗಳನ್ನು ಮೋಡಿ ಮಾಡಿದ್ದ ಈ ಜೋಡಿ ಈಗ 'ದೇವಕಿ' ಮೂಲಕ ಮತ್ತೆ ಸದ್ದು ಮಾಡುತ್ತಿರುವುದು ಚಿತ್ರದ ಮೇಲಿನ ನಿರೀಕ್ಷೆಯನ್ನು ದುಪ್ಪಟ್ಟು ಮಾಡಿದೆ.

    English summary
    South Indian famous sound engineer T Uday kumar enters to Kannada film Industry for Devaki film. He is currently working in Prabhas starrer Saaho film.
    Tuesday, June 25, 2019, 12:20
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X