ಅಭಿಮಾನಿಗಳ ಈ 5 ಆಸೆಯನ್ನ 'ಯಜಮಾನ' ಈಡೇರಿಸಿದ್ರೆ ಸಾಕಂತೆ.!

ಮೊದಲ ದಿನದ ಕಲೆಕ್ಷನ್?

ದರ್ಶನ್ ಸಿನಿಮಾಗಳು ಅಂದ್ರೆ ಬಾಕ್ಸ್ ಆಫೀಸ್ ನಲ್ಲಿ ರೆಕಾರ್ಡ್ ಸೆಟ್ ಮಾಡುತ್ತೆ ಎಂಬ ಮಾತಿದೆ. ಅದರಲ್ಲೂ ಮೊದಲ ದಿನ ಗಳಿಕೆಯಲ್ಲಿ ಈ ಹಿಂದಿನ ದಾಖಲೆಗಳನ್ನ ಉಡೀಸ್ ಮಾಡ್ಬೇಕು ಎಂಬ ಲೆಕ್ಕಾಚಾರ ಹಾಕ್ತಿದ್ದಾರೆ ಡಿ ಹುಡುಗರು. ಫಸ್ಟ್ ಡೇ ಕಲೆಕ್ಷನ್ ಯಜಮಾನ ಪಾಲಿಗೆ ಬಹುದೊಡ್ಡ ನಿರಿಕ್ಷೆಯಾಗಿ ಕಾಣುತ್ತಿದೆ.

ಒಟ್ಟಾರೆ ಕಲೆಕ್ಷನ್?

ಅತಿ ಹೆಚ್ಚು ಅಭಿಮಾನಿಗಳನ್ನ ಹೊಂದಿರುವ ನಟ, ಬಾಕ್ಸ್ ಅಫೀಸ್ ಸುಲ್ತಾನ ಎಂದೆಲ್ಲ ಕರೆಸಿಕೊಳ್ಳುವ ದರ್ಶನ್ ಚಿತ್ರ, ಒಟ್ಟು ಕಲೆಕ್ಷನ್ ನಲ್ಲೂ ಹೊಸ ರೆಕಾರ್ಡ್ ಮಾಡಬೇಕು ಎನ್ನುವುದು ಅಭಿಮಾನಿಗಳ ಆಸೆ. ದರ್ಶನ್ ಅವರ ಈ ಹಿಂದಿನ ಚಿತ್ರಗಳಿಗೆ ಹೋಲಿಸಿಕೊಂಡರೇ ಒಟ್ಟಾರೆ ಕಲೆಕ್ಷನ್ ನಲ್ಲಿ ನಿರೀಕ್ಷೆಯ ಮಟ್ಟ ತಲುಪಿರಲಿಲ್ಲ. ಈಗ ಯಜಮಾನ ಅದನ್ನೆಲ್ಲಾ ದಾಟಿ ಹೋಗಲಿದೆ ಎಂಬ ಆಸೆ ಹುಟ್ಟಿಕೊಂಡಿದೆ.

ಸೌತ್ ಇಂಡಸ್ಟ್ರಿಗೆ ಮೆಚ್ಚುಗೆ?

ಯಜಮಾನ ಕನ್ನಡ ಸಿನಿಮಾ. ಬೇರೆ ಭಾಷೆಯಲ್ಲಿ ರಿಲೀಸ್ ಆಗುತ್ತಿಲ್ಲ. ಆದ್ರೂ, ಯಜಮಾನನ ಅಬ್ಬರ ಹೊರರಾಜ್ಯಗಳಲ್ಲಿ ಜೋರಾಗಿಯೇ ಇದೆ. ಸಿನಿಮಾ ರಿಲೀಸ್ ಆದ್ಮೇಲೆ ಕೂಡ ಯಜಮಾನ ಸಿನಿಮಾ ಸೌತ್ ಇಂಡಸ್ಟ್ರಿ ಮಂದಿಯ ಗಮನ ಸೆಳೆಯಬೇಕು ಎಂಬ ನಿರೀಕ್ಷೆ ಇದೆ. ಕೇವಲ ಸೌತ್ ಇಂಡಿಯಾ ಮಾತ್ರವಲ್ಲ ವರ್ಲ್ಡ್ ವೈಡ್ ಅಬ್ಬರಿಸಬೇಕು ಎಂಬ ಆಸೆ ಇದೆ.

ಎಂಟರ್ ಟೈನ್ ಮೆಂಟ್ ಬೇಕೇ ಬೇಕು

ಕಲೆಕ್ಷನ್, ದಾಖಲೆ, ಹೆಸರು ಎಲ್ಲದರ ಮಧ್ಯೆ ಸಿನಿಮಾ ಮನರಂಜನೆಯಿಂದ ಕೂಡಿರಬೇಕು. ಸಿನಿಮಾ ನೋಡಲು ಬರುವ ಪ್ರೇಕ್ಷಕನಿಗೆ ಖುಷಿಪಡಿಸುವಂತಿರಬೇಕು ಎಂಬುದು ಕೂಡ ಅಭಿಮಾನಿಗಳ ಆಸೆ. ಯಾಕಂದ್ರೆ, ದರ್ಶನ್ ಅವರ ಈ ಹಿಂದಿನ ಕೆಲವು ಸಿನಿಮಾಗಳು ಅಷ್ಟಾಗಿ ಖುಷಿ ಪಡಿಸುವಲ್ಲಿ ಸಕ್ಸಸ್ ಆಗಿರಲಿಲ್ಲ.

ದರ್ಶನ್ ಗೆ ದೊಡ್ಡ ಸಕ್ಸಸ್

ಎಲ್ಲದಕ್ಕಿಂತ ಮಿಗಿಲಾಗಿ ಚಾಲೆಂಜಿಂಗ್ ಸ್ಟಾರ್ ಗೆ ದೊಡ್ಡ ಸಕ್ಸಸ್ ಬೇಕಿದೆ. ಯಾಕಂದ್ರೆ, ಈ ಹಿಂದಿನ ದರ್ಶನ್ ಸಿನಿಮಾಗಳು ಮೊದಲ ವಾರ ಸದ್ದು ಮಾಡಿದ್ದು ಬಿಟ್ಟರೇ ನಂತರ ಸೈಲೆಂಟ್ ಆದ ಉದಾಹರಣೆಗಳಿವೆ. ಹಾಗಾಗಿ, ಯಜಮಾನ ಚಿತ್ರದ ಮೂಲಕ ಡಿ ಬಾಸ್ ಗೆ ದೊಡ್ಡ ಗೆಲುವು ತಂದುಕೊಡಬೇಕು ಎಂಬ ಆಸೆ, ನಿರೀಕ್ಷೆ ಫ್ಯಾನ್ಸ್ ಗೆ ಇದೆ. ಈ ಐದು ಆಸೆಗಳು ಈಡೇರಿದ್ರೆ ಅದಕ್ಕಿಂತ ಖುಷಿ ಇನ್ನೊಂದಿಲ್ಲ.