Don't Miss!
- News ಲೋಕಸಭೆ ಚುನಾವಣೆ : ಶೇ 100ರಷ್ಟು ಮತದಾನವಾದರೆ ಸಿಗಲಿದೆ ಪ್ರಶಸ್ತಿ
- Sports IPL 2024: ಮತ್ತೊಂದು ರೋಚಕ ಪಂದ್ಯದಲ್ಲಿ SRH vs RCB ಕದನ; ಪಂದ್ಯದ ವಿವರ, ಸಂಭಾವ್ಯ ಆಡುವ 11ರ ಬಳಗ
- Finance ಆರ್ಬಿಐ ಡೆಪ್ಯುಟಿ ಗವರ್ನರ್ ರಬಿ ಶಂಕರ್ ಸೇವಾವಧಿ ವಿಸ್ತರಣೆ
- Automobiles Honda: ಹೊಸ ಮೈಲಿಗಲ್ಲು: ಈ ಭಾಗಗಳಲ್ಲಿ ಹೋಂಡಾ ದ್ವಿಚಕ್ರ ವಾಹನಗಳ ಅಬ್ಬರ
- Technology ರೆಡ್ಮಿ ಸಂಸ್ಥೆಯ ಈ ಅಗ್ಗದ ಫೋನಿನ ಆಫರ್ ಬೆಲೆ ತಿಳಿದ್ರೆ, ನೀವು ವಾವ್ ಅಂತೀರಾ!
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೆಜಿಎಫ್ ಟೀಸರ್ ಸೂಪರ್: ಆದ್ರೂ ಆ ವಿಚಾರಕ್ಕೆ ಬೇಸರಗೊಂಡ ಅಭಿಮಾನಿಗಳು!
ರಾಕಿಂಗ್ ಸ್ಟಾರ್ ಯಶ್ ನಟನೆಯ ಕೆಜಿಎಫ್ ಚಾಪ್ಟರ್ 2 ಬಿಡುಗಡೆಯಾಗಿದ್ದು, ಬಹಳ ದೊಡ್ಡ ಮಟ್ಟದಲ್ಲಿ ಸಕ್ಸಸ್ ಕಂಡಿದೆ. ರಿಲೀಸ್ ಆದ 49 ನಿಮಿಷದಲ್ಲಿ 5 ಮಿಲಿಯನ್ ವೀಕ್ಷಣೆ ಕಾಣುವ ಮೂಲಕ ದಾಖಲೆ ಸೃಷ್ಟಿಸಿತ್ತು. 12 ಗಂಟೆಯಲ್ಲಿ 25 ಮಿಲಿಯನ್ ವೀಕ್ಷಣೆ ಕಾಣುವ ಮೂಲಕ ವಿಶ್ವ ದಾಖಲೆ ನಿರ್ಮಿಸಿದೆ.
Recommended Video
ತಮಿಳು, ಹಿಂದಿ, ತೆಲುಗು ಹೀಗೆ ಎಲ್ಲ ಚಿತ್ರರಂಗ ದಿಗ್ಗಜರು ಕೆಜಿಎಫ್ ಟೀಸರ್ ನೋಡಿ ಮೆಚ್ಚಿಕೊಂಡಿದ್ದಾರೆ. ಇಷ್ಟು ದಿನ ಪರಭಾಷೆಗೆ ಪೈಪೋಟಿ, ಬಾಲಿವುಡ್ಗೆ ಪೈಪೋಟಿ ಎನ್ನುತ್ತಿದ್ದ ಕನ್ನಡ ಮಂದಿ ಈಗ ಹಾಲಿವುಡ್ಗೆ ಪೈಪೋಟಿ ಎಂದು ಬೀಗುವಂತಾಗಿದೆ. ಇಷ್ಟೆಲ್ಲ ಸಂಭ್ರಮ, ಖುಷಿಯಲ್ಲಿರುವ ಅಭಿಮಾನಿಗಳು ಆ ಒಂದು ವಿಚಾರಕ್ಕೆ ಬಹಳ ನಿರಾಸೆಯಾಗುತ್ತಿದ್ದಾರೆ. ಆ ಒಬ್ಬ ಕಲಾವಿದನನ್ನು ಬಹಳ ಮಿಸ್ ಮಾಡಿಕೊಳ್ಳುತ್ತಿದ್ದಾರೆ. ಮುಂದೆ ಓದಿ....
ಕೆಜಿಎಫ್ 2 ಟೀಸರ್ ವಿಶ್ವದಾಖಲೆ: ಧೂಳಿಪಟವಾದ 'ಮಾಸ್ಟರ್', 'ಅವೇಂಜರ್ಸ್'
ಟೀಸರ್ಗೆ ಇರಬೇಕಿತ್ತು ಅನಂತ್ ನಾಗ್ ಧ್ವನಿ
ಕೆಜಿಎಫ್ ಚಾಪ್ಟರ್ 1 ಟೀಸರ್ ಮೊದಲ ವೀಕ್ಷಣೆಯಲ್ಲಿ ಪ್ರೇಕ್ಷಕರ ಮನ ಗೆದ್ದಿದ್ದು ಅನಂತ್ ಅವರ ಹಿನ್ನೆಲೆ ಧ್ವನಿಯಿಂದ. ಅದ್ಭುತವಾದ ಟೀಸರ್ಗೆ ಅನಂತ್ ನಾಗ್ ಅವರ ವಾಯ್ಸ್ ಶಕ್ತಿ ತುಂಬಿತ್ತು. ಸಿನಿಮಾದಲ್ಲೂ ಅನಂತ್ ಅವರ ನಿರೂಪಣೆ ಬಹಳ ಮೆಚ್ಚುಗೆ ಪಡೆದುಕೊಂಡಿತ್ತು. ಆದರೆ, ಚಾಪ್ಟರ್ 2 ಟೀಸರ್ನಲ್ಲಿ ಅನಂತ್ ನಾಗ್ ವಾಯ್ಸ್ ಇರುತ್ತದೆ ಎಂದು ನಿರೀಕ್ಷಿಸಿದ್ದ ಅಭಿಮಾನಿಗಳು ಬಹಳ ನಿರಾಸೆಯಾಗಿದ್ದಾರೆ. (ಚಿತ್ರಕೃಪೆ: Troll Hudugru)
ಅನಂತ್ ನಾಗ್ ಅವರಿಂದ ಕೊಡಿಸಿ
ಟೀಸರ್ ಸೂಪರ್, ಹಿನ್ನೆಲೆ ಸಂಗೀತ ಸೂಪರ್ ಆದ್ರೆ ಅನಂತ್ ಸರ್ ಧ್ವನಿ ಇಲ್ಲ ಎಂದು ಬೇಸರವಾಗಿದ್ದಾರೆ. ಚಾಪ್ಟರ್ 2 ಟೀಸರ್ ಇನ್ನೊಂದು ಲೆವೆಲ್ಗೆ ಹೋಗ್ಬೇಕು ಅಂದ್ರೆ ಅನಂತ್ ನಾಗ್ ಅವರಿಂದ ವಾಯ್ಸ್ ಕೊಡಿಸಿ, ಮತ್ತೆ ಬಿಡುಗಡೆ ಮಾಡಿಸಿ. ಅನಂತ್ ವಾರ ಧ್ವನಿಯನ್ನು ನಾವು ಬಹಳ ಮಿಸ್ ಮಾಡಿಕೊಳ್ಳುತ್ತಿದ್ದೇವೆ.
ಕೆಜಿಎಫ್ 2 ಟೀಸರ್ ಬಿಡುಗಡೆ: ರಾಕಿ ಭಾಯ್ ಗತ್ತಿಗೆ ಯಾರಿಲ್ಲ ಸಾಟಿ
ಚಾಪ್ಟರ್ 2ರಲ್ಲಿ ಅನಂತ್ ನಾಗ್ ಇಲ್ಲ
ಕೆಜಿಎಫ್ ಚಾಪ್ಟರ್ 2ರಲ್ಲಿ ಅನಂತ್ ನಾಗ್ ಇರುವುದಿಲ್ಲ ಎಂದು ಈ ಹಿಂದೆಯೇ ಸುದ್ದಿಯಾಗಿತ್ತು. ಇದು ಬಹಳ ವಿರೋಧಕ್ಕೂ ಕಾರಣವಾಗಿತ್ತು. ಅನಂತ್ ನಾಗ್ ಅಲಭ್ಯತೆ ಬಗ್ಗೆ ಚಿತ್ರತಂಡವೂ ಅಧೀಕೃತವಾಗಿ ಎಲ್ಲಿಯೂ ಹೇಳಿರಲಿಲ್ಲ. ಆದ್ರೀಗ, ಕೆಜಿಎಫ್ ಸಿನಿಮಾದ ಅಧಿಕೃತ ದಾಖಲೆಗಳಲ್ಲಿ ಎಲ್ಲಿಯೂ ಅನಂತ್ ನಾಗ್ ಹೆಸರಿಲ್ಲ. ಚಾಪ್ಟರ್ 2ರಲ್ಲಿ ಅನಂತ್ ಅವರಿಲ್ಲ ಎನ್ನುವುದನ್ನು ಖಚಿತಪಡಿಸಿದೆ.
ಅನಂತ್ ನಾಗ್ ಬದಲು ಪ್ರಕಾಶ್ ರಾಜ್
ಕೆಜಿಎಫ್ ಚಾಪ್ಟರ್ 2ರಲ್ಲಿ ಅನಂತ್ ನಾಗ್ ಜಾಗಕ್ಕೆ ಪ್ರಕಾಶ್ ರಾಜ್ ಎಂಟ್ರಿಯಾಗಿದೆ. ಪ್ರಕಾಶ್ ರಾಜ್ ಶೂಟಿಂಗ್ನಲ್ಲಿ ಪಾಲ್ಗೊಂಡಿದ್ದರು. ಈ ಬಗ್ಗೆ ಪ್ರಶಾಂತ್ ನೀಲ್ ಸ್ಪಷ್ಟನೆ ಸಹ ನೀಡಿದ್ದರು. ಪ್ರಕಾಶ್ ರಾಜ್ ಹೊಸ ಪಾತ್ರ ಎಂದು ಹೇಳಿದ್ದ ನಿರ್ದೇಶಕ ಅನಂತ್ ನಾಗ್ ಇರುವುದಿಲ್ಲ ಎಂದು ಮಾಹಿತಿ ನೀಡಿರಲಿಲ್ಲ. ಇಷ್ಟೆಲ್ಲ ಬೆಳವಣಿಗೆಯ ನಡುವೆಯೂ ಅಭಿಮಾನಿಗಳು ಅನಂತ್ ನಾಗ್ ಅವರ ಇರುವಿಕೆ ಬಗ್ಗೆ ನಿರೀಕ್ಷೆ ಇಟ್ಟುಕೊಂಡಿದ್ದರು.