'ರಕ್ಷಿತ್ ಶೆಟ್ಟಿನಾ ಮದುವೆ ಆಗಿ' ಎಂದ ಅಭಿಮಾನಿಗೆ ರಮ್ಯಾ ಕೊಟ್ಟ ಉತ್ತರವೇನು?

ರಕ್ಷಿತ್ ಶೆಟ್ಟಿನಾ ಟ್ಯಾಗ್ ಮಾಡಿದ ರಮ್ಯಾ

ಇನ್ಸ್ಟಾಗ್ರಾಂನಲ್ಲಿ ಅಭಿಮಾನಿಗಳ ಜೊತೆ ಮಾತನಾಡುವ ವೇಳೆ ರಮ್ಯಾ ಅವರಿಗೆ ''ನೀವು ರಕ್ಷಿತ್ ಶೆಟ್ಟಿನಾ ಮದುವೆ ಆಗಿ'' ಎಂಬ ಪ್ರಶ್ನೆ ಎದುರಾಯಿತು. ಇದಕ್ಕೆ ಬಹಳ ಕೂಲ್ ಆಗಿ ಉತ್ತರಿಸಿದ ರಮ್ಯಾ, ರಕ್ಷಿತ್ ಶೆಟ್ಟಿ ಅವರ ಇನ್ಸ್ಟಾ ಖಾತೆಯನ್ನು ಟ್ವೀಟ್ ಮಾಡಿ ನಗುವ ಎಮೋಜಿ ಹಾಕಿದ್ದಾರೆ.

ಮದುವೆ, ಲವ್, ಡೇಟಿಂಗ್?

ಈ ವೇಳೆ ರಮ್ಯಾ ಅವರಿಗೆ ಹಲವರು ಮದುವೆ ಬಗ್ಗೆ ಪ್ರಶ್ನಿಸಿದ್ದಾರೆ. ಮೇಡಂ ಬೇಗ ಮದುವೆ ಆಗಿ, ನೀವು ಮದುವೆ ಆಗ್ಬಿಟ್ಟಿದ್ದೀರಾ?, ಮೇಡಂ ನನ್ನನ್ನು ಮದುವೆ ಆಗಿ, ದಯವಿಟ್ಟು ಮದುವೆ ಆಗಿ'' ಎಂದು ಪದೇ ಪದೇ ಕೇಳಿದ್ದಾರೆ. ಇದಕ್ಕೆಲ್ಲಾ ಕೂಲ್ ಆಗಿ ರಮ್ಯಾ ಉತ್ತರಿಸಿದ್ದಾರೆ. ಡೇಟಿಂಗ್ ಮಾಡ್ತಿದ್ದೀರಾ ಎಂದು ಕೇಳಿದ್ದಕ್ಕೂ ''ಇಲ್ಲ'' ಎಂದು ಉತ್ತರಿಸಿದ್ದಾರೆ.

ಮದುವೆ ಆದ್ರೆ ಖುಷಿಯಿಂದ ಇರೋಕೆ ಆಗಲ್ಲ

ಮದುವೆ, ಮದುವೆ ಅಂತ ಪದೇ ಪದೇ ಎದುರಾದ ಪ್ರಶ್ನೆಗಳಿಂದ ನಟಿ ರಮ್ಯಾ ಸುಸ್ತಾದರು. ''ಮದುವೆ,,,, ಮದುವೆ,,,,ಮಾಡುವುದಕ್ಕೆ ಇದೊಂದೇ ಕೆಲಸ ಇರುವುದು ಅನ್ನೋ ಹಾಗೆ. ಮದುವೆ ಆದ್ಮೇಲೆ ಖುಷಿಯಿಂದ ಇರುವುದಕ್ಕೆ ಆಗಲ್ಲ ಗೊತ್ತಾ?'' ಎಂದು ಒಬ್ಬ ಅಭಿಮಾನಿಗೆ ಪ್ರತಿಕ್ರಿಯಿಸುವ ಮೂಲಕ ಮದುವೆ ಬಗ್ಗೆ ಆಸಕ್ತಿ ಇಲ್ಲ ಎಂದು ಹೇಳಿದ್ದಾರೆ.

ರಕ್ಷಿತ್ ಶೆಟ್ಟಿಗೆ ಮೊದಲ ಕ್ರಶ್ ರಮ್ಯಾ

ರಮ್ಯಾ ಅಂದ್ರೆ ರಕ್ಷಿತ್ ಶೆಟ್ಟಿ ಅವರಿಗೆ ಬಹಳ ಇಷ್ಟ. ರಕ್ಷಿತ್ ಜೀವನದಲ್ಲಿ ಮೊದಲ ಸೆಲೆಬ್ರಿಟಿ ಕ್ರಶ್ ಹಾಗೂ ಕೊನೆಯ ಸೆಲೆಬ್ರಿಟಿ ಕ್ರಶ್ ರಮ್ಯಾ ಎಂದು ಈ ಹಿಂದೆ ಸಂದರ್ಶನದಲ್ಲಿ ಹೇಳಿಕೊಂಡಿದ್ದರು. ರಕ್ಷಿತ್ ಶೆಟ್ಟಿ ಅವರ ಅವನೇ ಶ್ರೀಮನ್ನಾರಾಯಣ ಟ್ರೈಲರ್ ನೋಡಿ ರಮ್ಯಾ ಹೊಗಳಿದ್ದರು. ಈಗ ಅಭಿಮಾನಿಯೊಬ್ಬ 'ರಕ್ಷಿತ್ ಅವರನ್ನು ಮದುವೆ ಆಗಿ'' ಎಂದು ಕೇಳಿದ್ದಾನೆ. ಅದಕ್ಕೆ ರಕ್ಷಿತ್ ಖಾತೆ ಟ್ಯಾಗ್ ಮಾಡಿದ್ದಾರೆ ನಟಿ. ಈ ಕುರಿತು ರಕ್ಷಿತ್ ಉತ್ತರ ಏನಿರುತ್ತೋ ಕಾದುನೋಡಬೇಕಿದೆ.