ಅಭಿಮಾನಿಗಳ ಆಸೆಯಂತೆ ಇವರು 'ಗೀತಾ' ಆಗಬೇಕಂತೆ

'ಗೀತಾ' ಸಿನಿಮಾದ ನಾಯಕಿ ಯಾರು

ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ 'ಗೀತಾ' ಚಿತ್ರಕ್ಕೆ ನಾಯಕಿ ಹುಡುಕಾಟ ಶುರುವಾಗಿದೆ. ಅಕ್ಟೋಬರ್ ನಲ್ಲಿ ಚಿತ್ರೀಕರಣ ಆರಂಭವಾಗಲಿದೆ. ಅದಕ್ಕೂ ಮುನ್ನವೇ ಅಭಿಮಾನಿಗಳು ನಾಯಕಿ ಇವರೇ ಆಗಲಿ ಅಂತಿದ್ದಾರೆ.

ರಚಿತಾ ಜೋಡಿ ಆಗಲಿ ಎಂದ ಫ್ಯಾನ್ಸ್

ಗಣೇಶ್ ಅಭಿಮಾನಿಗಳು 'ಗೀತಾ' ಚಿತ್ರದಲ್ಲಿ ರಚಿತಾ ರಾಮ್ ನಾಯಕಿ ಆದರೆ ಚೆನ್ನಾಗಿರುತ್ತೆ ಎನ್ನುವ ಸಲಹೆಯನ್ನು ಕೊಟ್ಟಿದ್ದಾರೆ. ಇಬ್ಬರು ಆನ್ ಸ್ಕ್ರೀನ್ ಜೋಡಿ ಚೆನ್ನಾಗಿದೆ ಎನ್ನುವುದು ಅಭಿಮಾನಿಗಳ ಅಭಿಪ್ರಾಯ.

ಮತ್ತೆ ತೆರೆ ಮೇಲೆ ಗಣಿ-ರಚ್ಚು

ಈ ಹಿಂದೆ ಗಣೇಶ್ ಮತ್ತು ರಚಿತಾ ರಾಮ್ ಒಂದೇ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು. 'ದಿಲ್ ರಂಗೀಲಾ' ಚಿತ್ರದಲ್ಲಿ ಗೋಲ್ಡನ್ ಸ್ಟಾರ್ ಗೆ ನಾಯಕಿಯಾಗಿದ್ದರು ರಚಿತಾ. ಇಬ್ಬರ ಜೋಡಿಯನ್ನ ಪ್ರೇಕ್ಷಕರು ಮೆಚ್ಚಿಕೊಂಡಿದ್ದರು.

ಕಲಾವಿದರ ಆಯ್ಕೆಯಲ್ಲಿ ಚಿತ್ರತಂಡ

'ಗೀತಾ' ಸಿನಿಮಾವನ್ನು ವಿಜಯ ನಾಗೇಂದ್ರ ನಿರ್ದೇಶನ ಮಾಡುತ್ತಿದ್ದು ಅಕ್ಟೋಬರ್ ನಲ್ಲಿ ಚಿತ್ರೀಕರಣ ಶುರುವಾಗಲಿದೆ. ಮೈಸೂರು, ಬೆಂಗಳೂರು, ಕಲ್ಕತ್ತಾದಲ್ಲಿ ಚಿತ್ರೀಕರಣ ಮಾಡುವ ಯೋಜನೆ ಹಾಕಿಕೊಂಡಿದೆ ಸಿನಿಮಾತಂಡ. ಹರಿಕೃಷ್ಣ ಮ್ಯೂಸಿಕ್, ಶ್ರೀಶಾ ಕ್ಯಾಮೆರಾ ವರ್ಕ್ ಗೀತಾ ಚಿತ್ರಕ್ಕಿರಲಿದೆ.