'ಯಜಮಾನ' ಫಸ್ಟ್ ಲುಕ್ ಸ್ವಾಗತಿಸಲು ಆರತಿ ಎತ್ತಿದ ಡಿ-ಬಾಸ್ ಭಕ್ತರು

ದರ್ಶನ್ ಪೋಸ್ ವೈರಲ್

ಯಜಮಾನ ಚಿತ್ರದ ಫಸ್ಟ್ ಲುಕ್ ಸೆಪ್ಟೆಂಬರ್ 23 ರಂದು ಬಿಡುಗಡೆಯಾಗುತ್ತೆ ಎಂಬುದನ್ನ ದರ್ಶನ್ ಅವರ ಭಾವಚಿತ್ರವನ್ನ ಬಳಸಿ ರಿವೀಲ್ ಮಾಡಲಾಗಿದೆ. ಈ ಪೋಸ್ಟರ್ ನಲ್ಲಿ ದರ್ಶನ್ ಬೆನ್ನು ತೋರಿಸಿ ನಿಂತಿರುವ ಫೋಟೋ ಇದ್ದು, ಇದು ಈಗ ಎಲ್ಲೆಡೆ ವೈರಲ್ ಆಗ್ತಿದೆ.

'ಯಜಮಾನ'ನಂತೆ ನಿಂತ ಅಭಿಮಾನಿಗಳು

ಯಾಜಮಾನ ಚಿತ್ರದ ದರ್ಶನ್ ಅವರ ಈ ಫೋಟೋ ಈಗ ಟ್ರೆಂಡ್ ಸೃಷ್ಟಿಸುತ್ತಿದೆ. ದರ್ಶನ್ ಅವರು ಬೆನ್ನು ತೋರಿಸಿರುವಂತೆ ಅವರ ಅಭಿಮಾನಿಗಳು ನಿಂತು ಪೋಸ್ ಕೊಡ್ತಿದ್ದಾರೆ. ಅಭಿಮಾನಿಗಳು ಈ ಕ್ರೇಜ್ ಈಗ ಸೋಶಿಯಲ್ ಮೀಡಿಯಾದಲ್ಲಿ ಗಮನ ಸೆಳೆಯುತ್ತಿದೆ.

ಹೇಗಿರಲಿದೆ ಯಜಮಾನ ಫಸ್ಟ್ ಲುಕ್

ಇನ್ನು ಯಜಮಾನ ಚಿತ್ರದ ಫಸ್ಟ್ ಲುಕ್ ರಿಲೀಸ್ ಆಗಿಲ್ಲ. ಈಗಲೇ ಈ ಮಟ್ಟಿಗೆ ಕ್ರೇಜ್ ಉಂಟಾಗಿದೆ. ಇನ್ನು ಅಧಿಕೃತವಾಗಿ ಫಸ್ಟ್ ಲುಕ್ ಬಂದ್ಮೇಲೆ ಡಿ ಬಾಸ್ ಭಕ್ತರ ಹಬ್ಬ ಹೇಗಿರಬಹುದು ಎಂಬುದನ್ನ ಊಹಿಸಿಕೊಂಡರೇ ಅಬ್ಬಾ...ಅನಿಸುತ್ತೆ. ಟೈಟಲ್ ಮೂಲಕವೇ ದೊಡ್ಡ ಹೈಪ್ ಗೆ ಕಾರಣವಾಗಿರುವ ಯಜಮಾನದಲ್ಲಿ ದರ್ಶನ್ ಹೇಗೆ ಕಾಣಿಸಿಕೊಳ್ತಾರೆ ಎನ್ನುವುದು ಅಷ್ಟೇ ಕುತೂಹಲ.

ಡಿ ಬಾಸ್ ಗೆ ಪೂಜೆ

ಬರಿ ಪೋಸ್ಟರ್ ಬರುತ್ತೆ ಎಂದು ಹೇಳಿದ್ದಕ್ಕೆ ಅಭಿಮಾನಿಗಳು ಆ ಪೋಸ್ಟರ್ ಗೆ ಪೂಜೆ ಮಾಡ್ತಿದ್ದಾರೆ. ಇಲ್ಲೊಬ್ಬ ಅಭಿಮಾನಿ ಕೈಯಲ್ಲೇ ಕರ್ಪೂರ ಹಚ್ಚಿ ಆರತಿ ಮಾಡಿದ್ದಾನೆ. ಈ ಫೋಟೋನೂ ಟ್ವಿಟ್ಟರ್ ನಲ್ಲಿ ಸುತ್ತಾಡ್ತಿದೆ.

ಶೈಲಾಜ ನಾಗ್ ನಿರ್ಮಾಣ

ಅಂದ್ಹಾಗೆ, ಈ ಚಿತ್ರವನ್ನ ಬಿ ಸುರೇಶ್ ಮತ್ತು ಶೈಲಾಜ ನಾಗ್ ಅವರು ನಿರ್ಮಾಣ ಮಾಡುತ್ತಿದ್ದಾರೆ. ಪಿ ಕುಮಾರ್ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದು, ಧನಂಜಯ್, ಅನೂಪ್ ಸಿಂಗ್ ಠಾಕೂರ್, ರಶ್ಮಿಕಾ ಮಂದಣ್ಣ, ತಾನ್ಯ ಹೋಪ್ ಅಭಿನಯಿಸುತ್ತಿದ್ದಾರೆ. ಹರಿಕೃಷ್ಣ ಸಂಗೀತ ನೀಡಿದ್ದಾರೆ.

ಚಿತ್ರಕೃಪೆ: ಟ್ರೋಲ್ ಕನ್ನಡ ಮೂವೀಸ್