'ಎಕ್ಕ ಸಕ್ಕ' ವಿಡಿಯೋ ಸಾಂಗ್ ಝಲಕ್ ನೋಡಿ ಕೈ ಕೈ ಹಿಸುಕಿಕೊಂಡ ಫ್ಯಾನ್ಸ್!

'ವಿಕ್ರಾಂತ್ ರೋಣ' ಪ್ರಚಾರದ ಕೊನೆ ಅಸ್ತ್ರ!

ಬಹುನಿರೀಕ್ಷಿತ 'ವಿಕ್ರಾಂತ್ ರೋಣ' ಸಿನಿಮಾ ರಿಲೀಸ್‌ಗೆ ಇನ್ನು 24 ಗಂಟೆಗಳು ಮಾತ್ರ ಬಾಕಿಯಿದೆ. ನಾಳೆ ಸಂಜೆಯಿಂದಲೇ ವಿದೇಶಗಳಲ್ಲಿ ಪ್ರೀಮಿಯರ್ ಶೋಗಳು ಆರಂಭವಾಗುತ್ತದೆ. ಸಿನಿಮಾ ಸೆಟ್ಟೇರಿದ ದಿನದಿಂದಲೂ ಚಿತ್ರತಂಡ ಮೇಕಿಂಗ್ ಸ್ಟಿಲ್ಸ್, ಪೋಸ್ಟರ್‌ಗಳು, ಸಣ್ಣ ಸಣ್ಣ ಗ್ಲಿಂಪ್ಸ್ ಅಂತ ಸಣ್ಣ ಝಲಕ್ ರಿಲೀಸ್ ಮಾಡಿ ಹೈಪ್ ಕ್ರಿಯೇಟ್ ಮಾಡುತ್ತಾ ಬಂದಿದೆ. ಇನ್ನು ಲಿರಿಕಲ್ ವಿಡಿಯೋ ಸಾಂಗ್ಸ್, ಟ್ರೈಲರ್ ಕೂಡ ಹೊರಬಂದು ಸೂಪರ್‌ ಹಿಟ್ ಆಗಿದೆ. ಪ್ರಮೋಷನ್‌ನ ಕೊನೆ ಅಸ್ತ್ರವಾಗಿ 'ರಾರಾ ರಕ್ಕಮ್ಮ' ಸಾಂಗ್ ವಿಡಿಯೋ ಸಾಂಗ್ ಟೀಸರ್ ರಿಲೀಸ್‌ ಆಗಿ ಧೂಳೆಬ್ಬಿಸಿದೆ.

ಬಾದ್‌ಶಾ- ಜಾಕ್ವೆಲಿನ್ ಡ್ಯಾನ್ಸ್‌ ಸಿಂಪ್ಲಿ ಸೂಪರ್

ಹೌದು, 'ರಾರಾ ರಕ್ಕಮ್ಮ' ಸಾಂಗ್‌ ಟೀಸರ್ ರಿಲೀಸ್ ಆಗಿದ್ದು, ಅಭಿಮಾನಿಗಳಿಗೆ ಸಖತ್ ಕಿಕ್ ಕೊಡ್ತಿದೆ. ಜಾಕ್ವೆಲಿನ್ ಮೈಮಾಟ, ಡ್ಯಾನ್ಸ್ ನೋಡಿದವರು ಕಳೆದು ಹೋಗಿದ್ದಾರೆ. ಇನ್ನು 'ಬಾರೇ ನಾಟಿ ಕೋಳಿ' ಅಂತ ಹಾಡ್ತಾ ಸುದೀಪ್ ಅಖಾಡಕ್ಕೆ ಎಂಟ್ರಿ ಕೊಟ್ಟ ಮೇಲೆ ಸಾಂಗ್‌ ಮತ್ತೊಂದು ಲೆವೆಲ್‌ಗೆ ಹೋಗಿ ಬಿಡುತ್ತದೆ. ಚಿಂದಿ ಸ್ಟೆಪ್ಸ್‌ ಮೂಲಕ ಇವರಿಬ್ಬರಿಗೆ ಒಂದಷ್ಟು ಡ್ಯಾನ್ಸರ್ ಸಾಥ್ ಕೊಟ್ಟಿದ್ದು, ಕಂಪ್ಲೀಟ್ ಸಾಂಗ್ ಸಿಂಪ್ಲಿ ಸೂಪರ್ ಅನ್ನುವಂತಿದೆ.

ಟೀಸರ್ ನೋಡಿ ಫ್ಯಾನ್ಸ್ ಕೈ ಕೈ ಹಿಸುಕಿಕೊಂಡಿದ್ಯಾಕೆ?

'ರಾರಾ ರಕ್ಕಮ್ಮ' ಸಾಂಗ್‌ ಟೀಸರ್‌ ನೋಡ್ತಾ ನೋಡ್ತಾ ಅಯ್ಯೋ ಅಯ್ಯೋ ಮುಗಿದೇಹೋಯ್ತಾ ಅಂತ ಫ್ಯಾನ್ಸ್ ಬೇಸರಗೊಂಡಿದ್ದಾರೆ. ಸಣ್ಣ ಝಲಕ್ ನೋಡಿದವರು ಕಂಪ್ಲೀಟ್ ಸಾಂಗ್ ಯಾವಾಗ್ಯಾವಾಗ ನೋಡ್ತಿವೋ ಅಂತ ಕೈ ಕೈ ಹಿಸುಕಿಕೊಳ್ಳುತ್ತಿದ್ದಾರೆ. ಗುರುವಾರ ಬೆಳಗ್ಗೆ ಯಾವಾಗ ಆಗುತ್ತೋ ಯಾವಾಗ ಥಿಯೇಟರ್‌ಗೆ ಹೋಗ್ತಿವೋ ಅದ್ಯಾವಾಗ ಕಂಪ್ಲೀಟ್ ವೀಡಿಯೋ ಸಾಂಗ್ ನೋಡಿ ನಾವು ಥಿಯೇಟರ್‌ಗಳಲ್ಲಿ ಕುಣಿತಿವೋ ಅಂತ ಕಾಯ್ತಿದ್ದಾರೆ.

6 ಕೋಟಿ ರೂ. ವೆಚ್ಚದ 'ರಾರಾ ರಕ್ಕಮ್ಮ' ಸಾಂಗ್

ಬಹುಕೋಟಿ ವೆಚ್ಚದಲ್ಲಿ ಬಹಳ ಅದ್ಧೂರಿಯಾಗಿ 'ವಿಕ್ರಾಂತ್ ರೋಣ' ಸಿನಿಮಾ ನಿರ್ಮಾಣವಾಗಿದ್ದು, ಪ್ರತಿ ಫ್ರೇಮ್‌ ಕೂಡ ಅದ್ಧೂರಿತನವನ್ನು ಮೈವೆತ್ತುಕೊಂಡಿದೆ. ಇನ್ನು ಹಾಡುಗಳನ್ನು ಕೂಡ ಬಹಳ ಅದ್ಧೂರಿಯಾಗಿ ಸೆರೆ ಹಿಡಿದಿದ್ದು, ಅದ್ದೂರಿ ಸೆಟ್‌ನಲ್ಲಿ 'ರಾರಾ ರಕ್ಕಮ್ಮ' ಹಾಡನ್ನು ಚಿತ್ರೀಕರಿಸಿದ್ದಾರೆ. ಈ ಹಾಡಿಗಾಗಿಯೇ 6 ಕೋಟಿ ರೂ. ವ್ಯಯಿಸಿರುವುದಾಗಿ ಚಿತ್ರತಂಡ ಹೇಳಿಕೊಂಡಿತ್ತು.

ಗಡಂಗ್ ರಕ್ಕಮ್ಮ ಆಗಿ ಜಾಕ್ವೆಲಿನ್ ನಟನೆ

'ವಿಕ್ರಾಂತ್ ರೋಣ' ಚಿತ್ರದಲ್ಲಿ ಜಾಕ್ವೆಲಿನ್ ಫರ್ನಾಂಡಿಸ್ 'ರಾರಾ ರಕ್ಕಮ್ಮ' ಹಾಡಿದಿರುವುದರ ಜೊತೆಗೆ ಪುಟ್ಟ ಪಾತ್ರವನ್ನು ಮಾಡಿದ್ದಾರೆ. ಆಕೆಯ ಪಾತ್ರದ ಹೆಸರು ಗಡಂಗ್ ರಕ್ಕಮ್ಮ. ಕನ್ನಡ ಕಲಿತು ಡೈಲಾಗ್ ಕೂಡ ಹೇಳಿದ್ದಾರೆ. ಒಟ್ಟಾರೆ 'ರಾರಾ ರಕ್ಕಮ್ಮ' ಹಾಡು ಚಿತ್ರಕ್ಕೆ ಪ್ಲಸ್ ಪಾಯಿಂಟ್ ಆಗೋದು ಗ್ಯಾರೆಂಟಿ.

ವಿಶ್ವದಾದ್ಯಂತ 3200 ಸ್ಕ್ರೀನ್‌ಗಳಲ್ಲಿ ಸಿನಿಮಾ ತೆರೆಗೆ

'ವಿಕ್ರಾಂತ್ ರೋಣ' ಸಿನಿಮಾ 2D ಹಾಗೂ 3D ಮಾದರಿಯಲ್ಲಿ ಏಕಕಾಲಕ್ಕೆ ವಿಶ್ವದಾದ್ಯಂತ 3200ಕ್ಕೂ ಅಧಿಕ ಸ್ಕ್ರೀನ್‌ಗಳಲ್ಲಿ ಬಿಡುಗಡೆ ಆಗುತ್ತಿದೆ. 27 ದೇಶಗಳಲ್ಲಿ ನಾಳೆ ಪ್ರೀಮಿಯರ್ ಶೋಗಳು ಶುರುವಾಗಲಿದೆ. ನೇಪಾಳ ಹಾಗೂ ಪಾಕಿಸ್ತಾನದಲ್ಲಿ ಸಿನಿಮಾ ರಿಲೀಸ್ ಮಾಡಲಾಗುತ್ತಿದೆ. 3D ಮಾದರಿಯಲ್ಲಿ ಶೇಕಡಾ 60%ರಷ್ಟು ಕಡೆ ಸಿನಿಮಾ ಪ್ರದರ್ಶನ ಶುರುವಾಗಲಿದೆ.