ವಿಷ್ಣು ಹೆಸರು ಬಳಸಿ ಬೆಳೆದ ಇಬ್ಬರೂ ಇಂದು ಉಲ್ಟಾ ಹೊಡೆದಿದ್ದಾರೆ; ಸ್ಟಾರ್ ನಟರ ವಿರುದ್ಧ ಫ್ಯಾನ್ಸ್ ಕಿಡಿ!

ಯಶ್ ವಿರುದ್ಧ ನೇರವಾಗಿ ಕಿಡಿ!

ನಟ ಯಶ್ ರಾಮಾಚಾರಿ ಸಿನಿಮಾ ಮೂಲಕ ಸ್ಟಾರ್ ಆದ್ರು, ಆ ಸಿನಿಮಾ ಮಾಡದೇ ಇದ್ದಿದ್ದರೆ ಇವತ್ತು ಯಶ್ ಕೆಜಿಎಫ್ ಮಾಡೋಕೂ ಆಗ್ತಾ ಇರಲಿಲ್ಲ, ಇಂಡಸ್ಟ್ರಿ ಹಿಟ್ ಕೊಡೋಕೂ ಆಗ್ತಾ ಇರಲಿಲ್ಲ, ಅವರು ಉದ್ಧಾರ ಆಗ್ತಾರಾ, ವಿಷ್ಣು ಸರ್ ಹುಟ್ಟುಹಬ್ಬಕ್ಕೆ ವಿಶ್ ಮಾಡಲ್ಲ, ಅವರ ಸಮಾಧ ಬಳಿ ಬರಲ್ಲ ಎಂದಮೇಲೆ ಅವರು ರಾಮಾಚಾರಿ ಸಿನಿಮಾ ಮಾಡಲೇಬಾರದಿತ್ತು ಎಂದು ಓಪನ್ ಆಗಿ ಕಿಡಿಕಾರಿದ್ದಾರೆ.

ಸೈಮಾಗೆ ಹೋಗಿ ಹಾಯ್ ಬೈ ಅಂತಾರೆ ಅಷ್ಟೇ!

ಇನ್ನೂ ಮುಂದುವರೆದು ಮಾತನಾಡಿದ ವಿಷ್ಣು ಫ್ಯಾನ್ಸ್ ಯಶ್ ಅವರಿಗೆ ಇಲ್ಲಿಗೆ ಬರೋಕೆ ಸಮಯ ಇಲ್ಲ, ಹುಟ್ಟುಹಬ್ಬಕ್ಕೆ ಪೋಸ್ಟ್ ಹಾಕೋಕೆ ಸಮಯ ಇಲ್ಲ, ಅದೇ ಸೈಮಾಗೆ ಹೋಗಿ ಹಾಯ್, ಬೈ ಅನ್ನೋಕೆ ಆಗುತ್ತೆ ಅಷ್ಟೇ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ. ನಮ್ಮ ದಾದಾ ಈ ರೀತಿ ಯಾರ ಹೆಸರನ್ನೂ ಬಳಸದೇ ಬೆಳೆದವರು, ಯಶ್ ರೀತಿ ಹೆಸರು ಬಳಸಿಕೊಳ್ಳಲಿಲ್ಲ ಎಂದು ಕಿಡಿಕಾರಿದ್ದಾರೆ.

ಸುದೀಪ್ ವಿರುದ್ಧವೂ ಕಿಡಿ

ವಿಷ್ಣು ಅಭಿಮಾನಿಯೋರ್ವರು ಯಶ್ ಹಾಗೂ ಕಿಚ್ಚ ಸುದೀಪ್ ಇಬ್ಬರ ವಿರುದ್ಧವೂ ಕಿಡಿಕಾರಿದ್ದು, ಒಬ್ರು ಎದೆ ಮೇಲೆ ಟ್ಯಾಟೂ ಹಾಕೊಂಡು ಬೆಳೆದರು, ಇನ್ನೊಬ್ರು ನಾನು ಸಿಂಹ ಅಭಿಮಾನಿ ಎಂದುಕೊಂಡು ಮೆರೆದರು, ಆದರೆ ಈ ಇಬ್ಬರೂ ಸಹ ಸ್ಮಾರಕ ವಿಚಾರವಾಗಿ ದನಿ ಎತ್ತಲಿಲ್ಲ ಎಂದು ಯಶ್ ಹಾಗೂ ಸುದೀಪ್ ಇಬ್ಬರ ವಿರುದ್ಧವೂ ಮಾತಿನ ಚಾಟಿ ಬೀಸಿದ್ದಾರೆ.

ಬೊಮ್ಮಾಯಿ ಅವರಿಗೂ ಸಂದೇಶ

ಇನ್ನು ಇದೇ ಸಂದರ್ಭದಲ್ಲಿ ಅಭಿಮಾನಿಯೋರ್ವ ಕರ್ನಾಟಕ ರಾಜ್ಯದ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರಿಗೆ ಮನವಿಯ ಸಂದೇಶವನ್ನು ರವಾನಿಸಿದ್ದಾರೆ. ನೀವೇನಾದರೂ ವಿಷ್ಣು ಸ್ಮಾರಕ ನಿರ್ಮಿಸುವ ಕೆಲಸವನ್ನು ಆರಂಭಿಸಿದರೆ ಮುಂದಿನ ಸಲವೂ ನೀವೇ ಸಿಎಂ ಎಂದು ಭರವಸೆ ನೀಡಿದ್ದಾರೆ. ಈ ವಿಡಿಯೋ ತುಣುಕುಗಳು ಶಿವಲಿಂಗೇಗೌಡ ಓನ್ ವಿಡಿಯೋಸ್ ಯುಟ್ಯೂಬ್ ಚಾನೆಲ್‌ನಲ್ಲಿ ಲಭ್ಯವಿವೆ.