ಶಿವಣ್ಣನ 'ಬೈರಾಗಿ' ಲುಕ್‌ಗೆ ಫ್ಯಾನ್ಸ್ ಬೇಸರ!

ಶಿವಣ್ಣ ಲುಕ್‌ ಬಗ್ಗೆ ಅಸಮಾಧಾನ!

'ಬೈರಾಗಿ' ಚಿತ್ರದ 'ನಕರನಕ' ಲಿರಿಕಲ್ ಹಾಡು ರಿಲೀಸ್ ಆಗಿದೆ. ಈ ಹಾಡಿಗಾಗಿ ಅಭಿಮಾನಿಗಳು, ಪ್ರೇಕ್ಷಕರು ಕಾಯುತ್ತಿದ್ದರು. ಆದರೆ, ಹಾಡು ರಿಲೀಸ್ ಆದ ಬಳಿಕ ಬೇರೆ ರೀತಿಯ ಅಭಿಪ್ರಾಯಗಳು ವ್ಯಕ್ತವಾಗುತ್ತಿವೆ. ಹಾಡು ಹೇಗಿದೆ ಎನ್ನುವುದಕ್ಕಿಂತ ಹೆಚ್ಚಾಗಿ ಶಿವಣ್ಣನ ಲುಕ್ ಬಗ್ಗೆ ಹೆಚ್ಚಾಗಿ ಚರ್ಚೆ ಆಗುತ್ತಿದೆ. ಈ ಹಾಡಿನಲ್ಲಿ ನಟ ಶಿವರಾಜ್‌ಕುಮಾರ್ ಲುಕ್ ಚೆನ್ನಾಗಿಲ್ಲ ಎಂದು ಬೇಸರ ವ್ಯಕ್ತಪಡಿಸುತ್ತಿದ್ದಾರೆ ಅಭಿಮಾನಿಗಳು.

ಶಿವರಾಜ್ ಕುಮಾರ್ ಭಿನ್ನ ಹೇರ್‌ಸ್ಟೈಲ್!

ಈ ಹಾಡಿನಲ್ಲಿ ನಟ ಶಿವರಾಜ್‌ಕುಮಾರ್ ಹೇರ್ ಸ್ಟೈಲ್ ಕೊಂಚ ವಿಭಿನ್ನವಾಗಿದೆ. ಉದ್ದ ಕೂದಲಿನ ವಿಗ್ ಹಾಕಲಾಗಿದೆ. ಈ ಹಿಂದೆಯೂ ಶಿವರಾಜ್‌ಕುಮಾರ್ ಹಲವು ಚಿತ್ರಗಳಲ್ಲಿ ವಿಗ್ ಧರಿಸಿದ್ದಾರೆ. ಆದರೆ ಈ ಹಾಡಿನಲ್ಲಿ ಇರುವ ಹೇರ್ ಸ್ಟೈಲ್ ಅಷ್ಟಾಗಿ ಸೂಟ್ ಆಗಿಲ್ಲ. ಹೀಗಾಗಿ ಅಭಿಮಾನಿಗಳು ಹೇರ್ ಸ್ಟೈಲ್ ಬಗ್ಗೆ ಕಮೆಂಟ್ ಮಾಡುತ್ತಿದ್ದಾರೆ.

'ಬೈರಾಗಿ' ಹಾಡಿನ ಸಂಗೀತಕ್ಕೆ ಕೇಳುಗರು ಫಿದಾ!

'ನಕರನಟ' ಎಂದು ಶುರುವಾಗುವ ಈ ಹಾಡು ನಾಯಕನ ಪಾತ್ರವನ್ನು ವರ್ಣನೆ ಮಾಡುತ್ತದೆ. ಈ ಹಾಡಿನ ಸಾಹಿತ್ಯ ಮತ್ತು ಸಂಗೀತ ಎರಡೂ ವಿಭಿನ್ನವಾಗಿವೆ. ಈ ಹಾಡಿಗೆ ಸಂಗೀತ ನಿರ್ದೇಶಕ ಅನೂಪ್ ಸೀಳಿನ್ ಮ್ಯೂಸಿಕ್ ಮಾಡಿದ್ದಾರೆ. ಸಂಗೀತ ವಿಭಿನ್ನವಾಗಿದ್ದು ಅನೂಪ್ ಪ್ರಯೋಗಕ್ಕೆ ಕೇಳುಗರು ಜೈಕಾರ ಹಾಕುತ್ತಿದ್ದಾರೆ. ಹಾಡಿನಲ್ಲಿ ವಿಭಿನ್ನ ಎರಿಳಿತಗಳು ಇದ್ದು ಡಿಫ್ರೆಂಟ್ ಫೀಲ್ ಕೊಡುತ್ತದೆ.

ಸದ್ಯದಲ್ಲಿಯೇ 'ಬೈರಾಗಿ' ರಿಲೀಸ್ ಡೇಟ್ ಅನೌನ್ಸ್

'ಬೈರಾಗಿ' ಚಿತ್ರದ ಪೋಸ್ಟರ್ ಈ ಹಿಂದೆ ರಿಲೀಸ್ ಆಗಿದೆ. ಸದ್ಯ ಚಿತ್ರದ ಮೊದಲ ಹಾಡು ರಿಲೀಸ್ ಆಗಿದೆ. ಚಿತ್ರದ ಟ್ರೈಲರ್‌ಗಾಗಿ ಕಾಯುತ್ತಿದ್ದಾರೆ ಪ್ರೇಕ್ಷಕರು. ಚಿತ್ರ ತಂಡ ಬಹುತೇಕ ಎಲ್ಲಾ ಕೆಲಸಗಳನ್ನು ಮುಗಿಸಿದ್ದು, ರಿಲೀಸ್‌ಗೆ ತಯಾರಿ ಮಾಡಿಕೊಳ್ಳುತ್ತಿದೆ. ಸದ್ಯದಲ್ಲೇ ಸಿನಿಮಾದ ರಿಲೀಸ್ ದಿನಾಂಕವನ್ನು ಪ್ರಕಟ ಮಾಡಲಾಗುತ್ತದೆ. ಸಿನಿಮಾದಲ್ಲಿ ಶಿವರಾಜ್​ಕುಮಾರ್​ ಜೊತೆ ಡಾಲಿ ಧನಂಜಯ್​ ಅಭಿನಯಿಸಿದ್ದಾರೆ. ನಿರ್ದೇಶಕ ವಿಜಯ್​ ಮಿಲ್ಟನ್​ ಈ ಚಿತ್ರಕ್ಕೆ ನಿರ್ದೇಶನ ಮಾಡಿದ್ದಾರೆ. ಯಶ್​ ಶಿವಕುಮಾರ್​, ಅಂಜಲಿ, ಪೃಥ್ವಿ ಅಂಬರ್​ ಮುಂತಾದ ಕಲಾವಿದರು ಈ ಚಿತ್ರದಲ್ಲಿ ಅಭಿನಯಿಸಿದ್ದಾರೆ. ಕೃಷ್ಣ ಸಾರ್ಥಕ್​ ಈ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ.