ಸ್ಯಾಂಡಲ್‌ವುಡ್‌ನ ಕೆಲವರಿಗೆ ಡ್ರಗ್ಸ್ ಚಟವಿದೆ: ಪ್ರಶಾಂತ್ ಸಂಬರಗಿ

ಜನಪ್ರಿಯ ಸ್ಟಾರ್‌ಗಳು ಡ್ರಗ್‌ನಿಂದ ದೂರ: ಸಂಬರಗಿ

ಚಂದನವನದ ಮುಖ್ಯ ನಟ-ನಟಿಯರಿಗೆ ಡ್ರಗ್‌ನ ಚಟವಿರುವುದು ನನ್ನ ಗಮನದಲ್ಲಿಲ್ಲ, ದೊಡ್ಡ ಸ್ಟಾರ್‌ಗಳು ಇಂಥಹುಗಳಿಂದ ದೂರವೇ ಉಳಿದಿರುತ್ತಾರೆ. ಆದರೆ ಕೆಲವರು ಇದ್ದಾರೆ, 'ಸಿ' ಗ್ರೇಡ್, 'ಬಿ' ಗ್ರೇಡ್ ನಟರು ಅವರಿಗೆ ಡ್ರಗ್ಸ್ ನಂಟು ಇರುವುದು ಸತ್ಯ ಎಂದಿದ್ದಾರೆ ಪ್ರಶಾಂತ್ ಸಂಬರಗಿ.

'ಚಂದನವನಕ್ಕೆ ಡ್ರಗ್ ನಂಟು ಎಂದು ಹೇಳುವುದು ಸರಿಯಲ್ಲ'

'ಚಂದನವನದ ನಟರು ಡ್ರಗ್ಸ್ ಮಾಫಿಯಾದಲ್ಲಿದ್ದಾರೆ' ಎಂಬುದು ಸೂಕ್ತವಾದ ಹೇಳಿಕೆಯಲ್ಲ, ಸಿನಿಮಾಗಳಲ್ಲಿ, ಧಾರಾವಾಹಿಗಳಲ್ಲಿ ನಟಿಸುವ ಕೆಲವು ಜವಾಬ್ದಾರಿ ಹೀನ ನಟ-ನಟಿಯರು ಡ್ರಗ್ಸ್ ಚಟಕ್ಕೆ ಬಿದ್ದಿರುವುದು ನಿಜವೇ ಎಂದಿದ್ದಾರೆ ಪ್ರಶಾಂತ್ ಸಂಬರಗಿ.

ಮಾದಕ ವಸ್ತು ಕುರಿತ ಜಾಗೃತಿಯಲ್ಲಿ ಭಾಗಿ

ಸರ್ಜಾ ಕುಟುಂಬಕ್ಕೆ ಆಪ್ತರಾಗಿರುವ ಸಂಬರಗಿ, ಚಿತ್ರರಂಗದಲ್ಲಿಯೂ ಹಲವಾರು ಗೆಳೆಯರನ್ನು ಹೊಂದಿದ್ದಾರೆ. ಡ್ರಗ್ಸ್ ವಿರುದ್ಧ ಈ ಹಿಂದೆ ನಗರ ಪೊಲೀಸರು ಮಾಡಿದ ಕೆಲವು ಜಾಗೃತಿ ಕಾರ್ಯಕ್ರಮಗಳಲ್ಲಿ ಸಹ ಭಾಗವಹಿಸಿದ್ದರು.

'ಬೆಂಗಳೂರು ಪಾರ್ಟಿ ಹಬ್ ಆಗಿ ಬದಲಾಗಿದೆ'

ಬೆಂಗಳೂರು ಪಾರ್ಟಿ ಹಬ್ ಆಗಿ ಬದಲಾಗಿದೆ. ಇಲ್ಲಿ ಡ್ರಗ್ಸ್ ಬಹಳ ಸುಲಭವಾಗಿ ಸಿಗುತ್ತಿದೆ. ಚಿರಂಜೀವಿ ಸರ್ಜಾ ತೀರಿಕೊಂಡಾಗಲೂ ಡ್ರಗ್ಸ್ ನ ಸುಳ್ಳು ಆರೋಪ ಮಾಡಲಾಗಿತ್ತು, ಆದರೆ ಅದಕ್ಕೆಲ್ಲಾ ಸ್ಪಷ್ಟನೆ ನೀಡಿಯಾಗಿದೆ. ಡ್ರಗ್ಸ್ ದಾಸರಾಗಿರುವವರನ್ನು ಚಟ ಬಿಡಿಸುವ ಕಾರ್ಯದಲ್ಲಿಯೂ ನಾನು ತೊಡಗಿಕೊಂಡಿದ್ದೇನೆ ಎಂದಿದ್ದಾರೆ ಸಂಬರಗಿ.