ಹೊಸ ವರ್ಷದ ಪಾರ್ಟಿಯಲ್ಲಿ ಕುಣಿಯಲು ಯಾವ ನಟಿಗೆ ಎಷ್ಟು ಹಣ?

ಪ್ರಿಯಾಂಕಾ ಚೋಪ್ರಾ 5 ಕೋಟಿ

ಬಾಲಿವುಡ್, ಹಾಲಿವುಡ್ ನಲ್ಲಿ ಸಂಚಲನ ಸೃಷ್ಠಿಸುತ್ತಿರುವ ಪ್ರಿಯಾಂಕಾ ಚೋಪ್ರಾ ಹೊಸ ವರ್ಷಕ್ಕೆ ಕಾರ್ಯಕ್ರಮ ನೀಡಲು 5 ಕೋಟಿ ಬೇಡಿಕೆ ಇಟ್ಟಿದ್ದಾರಂತೆ. ಈ ಮೂಲಕ ಈ ವರ್ಷ ಅತಿ ಹೆಚ್ಚು ಹಣ ಪಡೆಯಲಿರುವ ನಟಿ ಪ್ರಿಯಾಂಕಾ ಆಗಲಿದ್ದಾರೆ.

ಸನ್ನಿ ಲಿಯೋನ್ 3 ಕೋಟಿ

ಸದ್ಯ, ಬೆಂಗಳೂರಿನ 'ಸನ್ನಿ ನೈಟ್' ಕಾರ್ಯಕ್ರಮದ ಮೂಲಕ ರಾಷ್ಟ್ರ ಮಟ್ಟದ ಸುದ್ದಿಯಾಗಿರುವ ಸೆಕ್ಸಿ ಬಾಂಡ್, ನೀಲಿ ತಾರೆ ಸನ್ನಿ ಲಿಯೋನ್ ಹೊಸ ವರ್ಷದ ವಿಶೇಷವಾಗಿ ಹೆಜ್ಜೆ ಹಾಕಲು ಬರೋಬ್ಬರಿ 3 ಕೋಟಿ ಡಿಮ್ಯಾಂಡ್ ಮಾಡ್ತಿದ್ದಾರಂತೆ.

ತಮನ್ನಾ 1 ಕೋಟಿ

'ಬಾಹುಬಲಿ' ಸುಂದರಿ, ತೆಲುಗು ಲೋಕದ ಮಿಲ್ಕಿ ಬ್ಯೂಟಿ ತಮನ್ನಾ 'ನ್ಯೂ ಇಯರ್ ಪಾರ್ಟಿಯಲ್ಲಿ ಸೊಂಟ ಬಳುಕಿಸಲು ಸುಮಾರು 1 ಕೋಟಿವರೆಗೂ ಸಂಭಾವನೆ ಪಡೆಯುತ್ತಾರೆ ಎನ್ನಲಾಗಿದೆ.

30 ಲಕ್ಷದ ನಟಿಯರು

ಬಹುಭಾಷ ನಟಿಯರಾದ ಶ್ರೇಯಾ ಶರಣ್ ಮತ್ತು ಹಾಟ್ ಬಾಂಬ್ ಪೂನಂ ಪಾಂಡೆ, ಹೊಸ ವರ್ಷದ ಪಾರ್ಟಿಯಲ್ಲಿ ನೃತ್ಯದ ಮೂಲಕ ಅಭಿಮಾನಿಗಳನ್ನ ರಂಜಿಸಲು 30 ಲಕ್ಷ ರೂಪಾಯಿ ಡಿಮ್ಯಾಂಡ್ ಮಾಡ್ತಾರಂತೆ.

ಜ್ಯೂಲಿ ನಟಿಯ ಸಂಭಾವನೆ ಎಷ್ಟು?

'ಜ್ಯೂಲಿ' ಚಿತ್ರದ ಮೂಲಕ ಬಾಲಿವುಡ್ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ರಾಯ್ ಲಕ್ಷ್ಮಿ, ನ್ಯೂ ಇಯರ್ ಸೆಲೆಬ್ರೇಷನ್ ಪಾರ್ಟಿಯಲ್ಲಿ ಹೆಜ್ಜೆ ಹಾಕಲು 15 ಲಕ್ಷ ಕೇಳಿದ್ರೆ, ತೆಲುಗು ನಟಿ ಚಾರ್ಮಿ ಕೌರ್ 13 ಲಕ್ಷ ಹಣ ಸಂಭಾವನೆಯಾಗಿ ಪಡೆಯಲಿದ್ದಾರಂತೆ.

ಕಡಿಮೆ ಬೇಡಿಕೆಯ ನಟಿಯರು

ಇನ್ನು ಈ ಎಲ್ಲ ಟಾಪ್ ನಟಿ ಹಾಗೂ ಮಾಡೆಲ್ ಗಳ ಮಧ್ಯೆ, ಹೊಸ ವರ್ಷ ಸ್ವಾಗತಿಸುವ ಸಂಭ್ರಮದಲ್ಲಿ ಸೊಂಟ ಬಳುಕಿಸಲು ನಟಿ ಶ್ವೇತಾ ಬಸು 7 ಲಕ್ಷ ಹಾಗೂ ನಿಶಾ ಕೊಠಾರಿ 6 ಲಕ್ಷ ರೂಪಾಯಿ ಸಂಭಾವನೆ ಬೇಡಿಕೆ ಇಟ್ಟಿದ್ದಾರಂತೆ.