ಫಿಲ್ಮಿಬೀಟ್ ಪೋಲ್: ಅಂಬಿ vs ಕೆಜಿಎಫ್ ನಡುವೆ ಅಂತಿಮ ಹಂತದ ಹಣಾಹಣಿ

ಅಂಬಿ vs ಕೆಜಿಎಫ್

ಅತ್ಯುತ್ತಮ ಸಿನಿಮಾ ವಿಭಾಗದಲ್ಲಿ ಮೂರು ಸಿನಿಮಾಗಳ ಮಧ್ಯೆ ಭಾರಿ ಪೈಪೋಟಿ ಇತ್ತು. ಮೊದಲಿನಿಂದಲೂ ಅಂಬರೀಶ್ ಅವರ ಅಂಬಿ ನಿಂಗ್ ವಯಸ್ಸಾಯ್ತೋ ಸಿನಿಮಾ ಮುನ್ನಡೆ ಕಾಯ್ದುಕೊಂಡಿದೆ. ಈಗ ಅಂಬಿ ಚಿತ್ರಕ್ಕೆ ಕೆಜಿಎಫ್ ಸಿನಿಮಾ ಭಾರಿ ಫೈಟ್ ನೀಡುತ್ತಿದ್ದು, ಉಳಿದ ದಿನದಲ್ಲಿ ಏನೂ ಬೇಕಾದರೂ ಆಗಬಹುದು. ಈ ಎರಡು ಚಿತ್ರಗಳ ಹಿಂದೆ ಶಿವಣ್ಣ ಟಗರು ಕೂಡ ರೇಸ್ ನಲ್ಲಿದೆ.

ಚಂದ್ರು vs ಪ್ರಶಾಂತ್ ನೀಲ್

ವರ್ಷದ ಬಹುದೊಡ್ಡ ಹಿಟ್ ಕಂಡ ಕೆಜಿಎಫ್ ಚಿತ್ರದ ನಿರ್ದೇಶಕ ಮತ್ತು ಕನಕ ಚಿತ್ರದ ನಿರ್ದೇಶಕ ಆರ್ ಚಂದ್ರು ನಡುವೆ ಕೂಡ ಫೈಟ್ ಇದೆ. ಇನ್ನು ಕೆಲವು ದಿನ ಬಾಕಿಯಿದ್ದು, ಇವರಿಬ್ಬರಲ್ಲಿ ಯಾರೂ ಬೇಕಾದರೂ ಗೆಲ್ಲಬಹುದು. ಸದ್ಯಕ್ಕೆ ಆರ್ ಚಂದ್ರು ಮುನ್ನಡೆ ಕಾಯ್ದುಕೊಂಡಿದ್ದಾರೆ.

ಅಂಬಿಗೆ ಎದುರಾಳಿ ಇಲ್ಲ

ಸದ್ಯದ ಪರಿಸ್ಥಿತಿ ನೋಡಿದ್ರೆ ಅತ್ಯುತ್ತಮ ನಟ ವಿಭಾದಲ್ಲಿ ಅಂಬರೀಶ್ ಅವರೇ ಭಾರಿ ಮುನ್ನಡೆಯಲ್ಲಿದ್ದಾರೆ. ಅಂಬಿ ನಂತರ ಶಿವರಾಜ್ ಕುಮಾರ್, ಯಶ್ ಇದ್ದಾರೆ. ಇಲ್ಲಿ ಅಂಬರೀಶ್ ಕಡೆ ಹೆಚ್ಚು ಮತಗಳಿದ್ದು, ಜಯದ ಸನಿಹ ಇದ್ದಾರೆ.

ಜನ್ಯ vs ಬಸ್ರೂರು

ಸಂಗೀತ ನಿರ್ದೇಶಕರ ವಿಭಾಗದಲ್ಲಿ ಮ್ಯಾಜಿಕಲ್ ಕಂಪೋಸರ್ ಅರ್ಜುನ್ ಜನ್ಯ ಮತ್ತು ಕೆಜಿಎಫ್ ಸಂಗೀತ ನಿರ್ದೇಶಕ ರವಿ ಬಸ್ರೂರು ಅವರ ನಡುವೆ ಫೈಟ್ ಇದೆ. ಇನ್ನುಳಿದಂತೆ ಚರಣ್ ರಾಜ್, ಅಜನಿಶ್ ಲೋಕನಾಥ್ ಸೇರಿದಂತೆ ಹಲವು ಸಂಗೀತ ನಿರ್ದೇಶಕರು ನಾಮನಿರ್ದೇಶನರಾಗಿದ್ದಾರೆ.

ನಾಗಭೂಷಣ್ vs ಕುರಿ

ಅತ್ಯುತ್ತಮ ಹಾಸ್ಯನಟ ವಿಭಾಗದಲ್ಲಿ ಕುರಿ ಪ್ರತಾಪ್ ಮತ್ತು ನಾಗಭೂಷಣ್ ನಡುವೆ ಪೈಪೋಟಿ ಇದೆ. ಅತ್ಯುತ್ತಮ ನಟಿಯರಲ್ಲಿ ಆಶಿಕಾ ರಂಗನಾಥ್ ಮತ್ತು ಪ್ರಿಯಾಂಕಾ ಉಪೇಂದ್ರ ರೇಸ್ ನಲ್ಲಿದ್ದಾರೆ.